২০২০গী ফেব্রুৱারী ২২দা কতক্তা লৈরিবা জৱাহরলাল নেহরু ইন্দোর স্তেদিয়মদা মেগা লোঞ্চ থৌরম অমগা লোয়ননা ওরিশাদা ইহান হানবা খেলো ইন্দিয়া য়ুনিবর্সিতী গেম্স হৌদোক্লগনি।
ইকায় খুম্নজরিবা প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা মল্তি–দিসিপ্লিনরী স্পোর্তিং ইভেন্ত হৌদোক্লে হায়না লাউথোক্কনি।
খেলো ইন্দিয়া য়ুনিবর্সিতী গেম্স অসি ওরিশাগী রাজ্য সরকারগী তেংবাংগা লোয়ননা ভারত সরকারনা হৌদোকপনি।
গেম্স অসি ২০২০গী ফেব্রুৱারী ২২দগী মার্চকী ১ ফাওবা ভুবনেশ্বরদা পাংথোক্কনি।
মসি ভারত্তা য়ুনিবর্সিতীগী থাক্তা পাংথোকপা হৌজিক ফাওবদা খ্বাইদগী চাউবা কম্পিতিসন্নি অমদি লৈবাক পুম্বগী য়ুনিবর্সিতী ১৫০ হেনবদগী চাউরাক্না এথেলেৎ ৩৫০০না মসিদা শরুক য়াগনি।
মসি অপুনবা স্পোর্তস ১৭ লৈগনি, মখোয়শিং অদুদি আর্চরী, এথেলেতিক্স, বোক্সিং, ফেন্সিং, জুদো, স্বিমিং, ৱেতলিফতিং, রেস্তলিং, বেদমিন্তন, বাস্কেৎবোল, ফুতবোল, হোক্কী, তেবল তেনিস, তেনিস, ভোলীবোল, রগবী অমসুং কবদ্দীনি।
প্রধান মন্ত্রীগী ৱাখল্লোনগী মহৈ ওইরিবা খেলো ইন্দিয়া প্রোগ্রামগী মরুওইবা পান্দমদি লৈবাক অসিদা শান্নরিবা মখল খুদিংমক্কী মশান্নশিংগীদমক হেন্না ফবা খুদোংচাবশিং লিখৎতুনা গ্রাস–রুত থাক্তা ভারত্তা শান্ন–খোৎনবগী কলচরবু অমু হিঙ্গৎহন্দুনা ভারতপু শান্ন–খোৎনবগী লমদা অথোইবা স্পোর্তিং নেসন অমগুম শেমগৎপনি।
ভারত সরকারনা ২০১৮দা খেলো ইন্দিয়া স্কুল গেম্স অমদি ২০১৯ অমসুং ২০২০দা নেস্নেল য়ুথ গেম্স মায় পাক্না পাংথোকখ্রে।
