প্রধান মন্ত্রী শ্রী নরেন্দ্র মোদীনা সেপ্তেম্বর ১১গী অয়ুক পুং ১১ তাবা মতমদা নেসনেল এজুকেসন পোলিসী-২০২০ (এন.ই.পি.-২০২০)গী মখাদা পাঙথোক্কদবা “২১শুবা চহীচাদা স্কুল এজুকেসন” কনক্লেবতা ভিদিও কন্ফরেন্সিংগী খুত্থাঙদা ৱা ঙাঙগনি।
সেপ্তেম্বর ১০ অমসুং ১১দা নুমিৎ নিনি চত্থগদবা কনক্লেব অসি সিক্সা পর্বগী শরুক অমা ওইনা মহৈ মশিং মন্ত্রালয়না শীনবনি।
মমাঙদা প্রধান মন্ত্রী শ্রী নরেন্দ্র মোদীনা ওগস্ত ৭, ২০২০দা পাঙথোকখিবা ‘কনক্লেব ওন ত্রান্সফোর্মেসনেল রিফোর্ম্স ইন হাইয়র এজুকেসনদা অন্দর এন.ই.পি.-২০২০’দসু হৌদোকপগী ৱারোল পীখি।
শ্রী মোদীনা সেপ্তেম্বর ৭তা এন.ই.পি.-২০২০গী মতাংদা পাঙথোকখিবা গভর্নরশিংগী মীফমদসু ৱা ঙাঙখি।
এন.ই.পি.-২০২০ অসি মমাঙগী নেসনেল পোলিসী ওন এজুকেসন ১৯৮৬কী চহী ৩৪গী মতুংদা লাউথোকখিবা লৈবাকসিগী ২১শুবা চহীচাগী অহানবা মহৈ মশিংগী থৌশিলনি। এন.ই.পি.-২০২০না স্কুল অমসুং হাইয়র এজুকেসনগী থাক অনিমক্তা চাউনা অহোংবা পুরকপরোমদা মায় ওনশিল্লি।
অনৌবা নেসনেল এজুকেসন পোলিসী অসিনা ভারতপু মান্নবা অমদি তরং তরংবা লৌশিংগী খুন্নাই অমা ওইহন্নবা পান্দম থম্লি। মসিনা ভারতপু মালেমগী সুপরপৱার অমা ওইহন্নবা মায়কৈরোমদা হকথেংননা থৌদাং য়াগদবা ভারত্তা য়ুম্ফম ওইবা মহৈ মশিংগী মওং অমগী মীৎয়েং থম্লি।
এন.ই.পি.-২০২০না লৈবাকসিগী স্কুল এজুকেসনদা অপুনবা অহোংবা অমা পুরক্লে। স্কুলগী থাক্তা চহী ৮ ফাওবগী মনুংদা লৈবা অঙাঙশিংগী আর্লী চাইল্দহুদ কেয়র এন্দ এজুকেসন (ই.সি.সি.ই.) চপ মান্নহনবা; স্কুল করিকুলাগী ১০+২গী মওং মতৌবু ৫+৩+৩+৪গী করিকুলর মওং মতৌনা শিন্দোকপা; করিকুলমদা ২১শুবা চহীচাগী হৈ-শিংবা, চৈশিংলোনগী ৱাখল অমদি সাইন্তিফিক তেম্পর পুনশিনবা; অনৌবা পুম্নমক শুপচিল্লবা নেসনেল করিকুলর ফ্রেমৱর্ক ফোর স্কুল এজুকেসন শেমগৎপা; ওজাশিংগী লৈবাক্কী ওইবা শিন্ফমগী থাক; অঙাঙশিংগী এসেসমেন্ততা অহোংবা পুরকপা অমদি তশেং তশেংবা মায়কৈ শুবা প্রোগ্রেস কার্দ; অমদি ক্লাস ৬তগী হৌরগা ভোকেসনেল হাপচিনবা হায়রিবশিংসিদা মীৎয়েং থম্লি।
এন.ই.পি.না পান্দম থম্লিবা পুম্নমক শুপচিল্লবা অহোংবা অসিনা লৈবাক্কী মহৈ মশিং তম্বগী মওং মতৌদা পুম্নৌ নৌবা মশক অমা পুরক্কনি অমদি ইকাইখুম্নরবা ভারতকী প্রধান মন্ত্রীনা মঙলিবা অনৌবা মরোমদোম লেপচবা ভারতকীদমক অফবা অমদি ইনোৎ হাপকদবা মহৈ মশিংগী ফীভম অমা শেমগৎকনি।
সিক্সা পর্ব অসি ওজাশিংবু তরাম্না ওক্ননবা অমদি অনৌবা এজুকেসন পোলিসী ২০২০বু মাঙদা পুখৎনবা সেপ্তেম্বর ৮দগী সেপ্তেম্বর ২৫, ২০২০ ফাওবা পাঙথোক্লি। নেসনেল এজুকেসন পোলিসী ২০২০গী তোঙান তোঙানবা মশক মওংশিংগী মতাংদা ৱেবিনার, ভর্চুএল মীফম অমদি কনক্লেব কয়া লৈবাক শিনবা থুংনা পাঙথোক্লি।
