প্রধান মন্ত্রী শ্রী নরেন্দ্র মোদীনা ওক্তোবর ০৩, ২০২০গী অয়ুক পুং ১০তা রোহতগদা লৈবা অতল তনেল শঙ্গাগদৌরি।
অতল তনেল অসি মালেমগী ওইনা খ্বাইদগী শাংবা হায়ৱে তনেলনি। কি:মি: ১য়৯.০২ শাংবা তনেল অসিনা চহী চুপ্পা মনালিদগী লহাউল-স্পিতি তম্পাক ফাওবা শম্নহল্লি। হান্নদি তম্পাক অসি চহী খুদিংগী থা ৬ উন কন্না তাবনা মরম ওইরগা শম্নদনা লৈরমবনি।
তনেল অসি হিমালয়াগী পির পঞ্জাল চীংশাঙদা মীন সী লৈভেল (এম.এস.এল.)দগী মিতর ৩০০০ (ফিত ১০,০০০) ৱাংবা মফমদা অল্ত্রা-মোদর্ন স্পেসিফিকেসন শীজিন্নদুনা শাবনি।
তনেল অসিনা মনালি অমসুং লেহগী মরক্কী লম্বীগী অশাঙবা কি:মি: ৪৬ হন্থহল্লে অমদি চৎপগী মতমনা পুং ৪ দগী ৫ ফাওবগী চাং হন্থহল্লে।
অতল তনেলগী খা থংবা থোঙ অসি মনালিদগী কি:মি: ২৫ লাপ্না মিতর ৩০৬০ ৱাংবা মফমদা লৈ অদুগা অৱাং থংবা থোঙনা লহাউল তম্পাক্কী তেলিং, সিসু খুঙ্গঙ মনাক্তা মিতর ৩০৭১ ৱাংবা মফমদা লৈ।
মসি খুনিংথেক মওংগী ওইবা সিঙ্গল ত্যুব দবল লেনগী মিতর ৮গী লম্বী লৈ। মসিদা মিতর ৫.৫২৫ ৱাংবা কোকথক্কী অহাঙবা লৈ।
মসিদা মিতর ১০.৫ পাকই অমদি মেন তনেল মশাদা মীতর ৩.৬ x ২.২৫ পাক চাউবা মৈ চঙদবা অথু অকায়গী ইগ্রেস তনেল য়াওরি।
অতল তনেল অসি খ্বাইদগী য়াঙবা খোঙজেল পুংদা কি:মি: ৮০ ওইবা নোংমদা কার ৩০০০ অমসুং ত্রক ১৫০০গী ত্রাফিক দেন্সিতীগীদমক দিজাইন তৌবনি।
মসিদা সেমি ত্রান্সভর্স ভেন্তিলেসন সিস্তেম, এস.সি.এ.দি.এ.না কন্ত্রোল তৌবা মৈহৌ লাংপোক থেংননবা, মৈ ঙালহন্নবা অমদি শেন্ননবা সিস্তেম য়াওনা স্তেত ওফ দি আর্ত ইলেক্ত্রোমেকানিকেল সিস্তেম য়াওরি।
তনেল অসিদা মতিক চারবা শাফগদবা ফীভমশিং য়াওরি। পনবা য়াবা মরুওইবা শাফগদবা ফীভমশিংদি
(ক) থোঙ অনিমক্তা তনেলদা চঙবদা থিংনবা পনশিং
(খ) অথু অকায়গী পাউ ফোওদোক ফাওজিন তৌননবা মিতর ১৫০ খুদিংগী তেলিফোন কনেক্সন
(গ) মিতর ৬০ খুদিংগী মৈহৌ লাংপোক থেংননবা ঈশিং কোঞ্জিলগী মেকানিজম
(ঘ) মিতর ২৫০ খুদিংগী সি.সি.তি.ভি. কেমেরা থেত্তুনা থৌদোক থোকপা মশা মথন্তা খঙদোকচবা
(ঙ) কি:মি: ১ খুদিংগী নুংশিৎকী ক্বালিতী মোনিতরিং তৌনবা ফীভম
(চ) মিতর ২৫ খুদিংগী চেন্থোক্নবা মৈঙাল/মীহুৎথোঙ
(ছ) তুনেল পুম্বদা ব্রোদকাস্তিং সিস্তেম
(জ) মিতর ৫০ খুদিংগী ফাইয়র রেতেদ দেম্পর
(ঝ) মিতর ৬০ খুদিংগী কেমেরা
রোহতগ পাসকী হেক মখাদা তনেল অসি শেম্ননবা পুৱারী ওইবা ৱারেপ অসি লৈখিদ্রবা শ্রী অতল বিহারি বাজপাইনা প্রধান মন্ত্রী ওইরিঙৈদা জুন ০৩, ২০০০দা লৌখিবনি। তনেল অসিগী খা থঙবা থোঙগী এপ্রোচ রোদগী উরেপ উয়ুং মে ২৬, ২০০২দা তমখিবনি।
বোর্দর রোদ ওর্গনাইজেসন (বি.আর.ও.)না মিতর ৫৮৭ শাংবা সেরি নলাহ ফোল্ত জোনগী খ্বাইদগী খুদোংথিনিংঙাই ওইবা মফম য়াওনা অচৌবা জিওলোজিকেল, তেরাইন অমসুং ঈশিং নুংশিৎকী শীংনবশিং থেংননবা চোকথবা নাইদনা হোৎনখি। মায়কৈ অনিমক্তগী ওক্তোবর ১৫, ২০১৭দা ফাওনবা ঙমখি।
প্রধান মন্ত্রী শ্রী নরেন্দ্র মোদীনা থৌরম মপু ওইদুনা দিসেম্বর ২৪, ২০১১৯দা পাঙথোকখিবা কেন্দ্রগী কেবিনেতনা রোহতঙ্গ তনেলবু হান্নগী প্রধান মন্ত্রী শ্রী অতল বিহারি বাজপাইনা লৌরমবা থৌদাংবু ইকায়খুম্নবা ওইনা অতল তনেল হায়না মিংথোন্নবা ৱারেপ লৌখি।
মনালিদা লৈবা খাথংবা থোঙদা অতল তনেল শঙ্গাবগী থৌরম য়াওরবা মতুংদা প্রধান মন্ত্রী শ্রী নরেন্দ্র মোদীনা লহাউল স্পিতিগী সিসু অমসুং সোলাং তম্পাক্তা পাঙথোক্কদবা মীয়ামগী ওইবা থৌরমদা শরুক য়াগনি।
