২০১৮, সেপ্তেম্বর ২৯, নই দিল্লীগী বিগ্যান ভাবনদা প্রধান মন্ত্রী নরেন্দ্র মোদীনা একাদেমিক লীদরশিপ ওন এজুকেশন ফোর রিসর্জেন্স হায়বা হিরমদা কনফ্রেন্সহৌদোক্কনি। কনফ্রেন্স অদুদা য়ুনিভর্সিতী ৩৫০ হেনবগী ভি–সিশিং অমসুং দিরেক্তরশিংশরুক য়াগনি। থৌরম অসি য়ু জি সি, এ আই স ই তি ই, আই সি এস এস আর, আই জিএন সি এ, ইগনৌ, জে এন য়ু অমসুং এস জি তি য়ুনিভর্সিতীনা পুন্না শীনবনি।
কনফ্রেন্স অসিগী পান্দমদি ভারতকী এজুকেশনদা হৌজিক থেংনরিবা শিংনবশিং খঙদোকপা অমসুং মহৈ তম্বদগী ফংলকপা ফলশিং অমসুং এজুকেশনগী কাংলোনশিংদা অচৌবা অহোংবা অমা পুরক্নবা থবক পায়খৎপনি।
কনফ্রেন্স অসি অয়ুক্কী পুং ১০.৩০ তাবদা প্রধান মন্ত্রীনা হৌদোক্কনি অমসুং থিম নিপালগী সেসনশিং মখাগী মমিংশিং অসিদা পাংথোক্কনি:
- আর্তিফিসিয়েল ইন্তিলিজেন্স শীজিন্নদুনা মহৈরোইশিংদা য়ুম্ফম ওইবা লাইরিক তাকপীবগী মওং ফগৎহনবা
- ii. থবক থিবদগী থবক পীবা ওইহন্নবা অনৌবা অমসুং ইন্ত্রপ্রিনরশিপ ফগৎহনবা
- ভারতকী দরকার ওইবদা মীৎয়েং থম্লগা রিসর্স তৌবগী মগুন হেগৎহনবা
- মহৈলোইশঙশিং পুন্না থবক তৌমিন্নবা – লাইব্রেরীশিং শরুক য়ামিন্নবা অমসুং লৌশিং পীথোক-পীশিন তৌনবা
- v. কেম্পস্তা মহৈরোইশিং নুংশিননা লৈমিন্ননবা অপুনবা কেম্পসশিং শেমগৎপা
- লৈবাক ঙাকপদা শরুক য়াহনবগী মওংদা – লৈঙাক্কী থবকশিংদা মহৈরোইশিং শরুক য়াহনবা
- শেন-থুমগী ফিবম ফগৎহনবা-এলুম্নী অমসুং কোর্পোরেতশিংদগী ফন্দ লৌদুনা সরকারগী শেন্থংদা মতেং পীবা
- লাইরিক তম্বদা লাইফ স্কিল অমসুং মালেমগী ভেল্যুশিং য়াউহনদুনা ভেল্যু এজুকেশন য়োকখৎপা
লোইশিনবগী থৌরমদা হুমেন রিসোর্স দিবলপমেন্ত মন্ত্রলয়গী মন্ত্রী প্রকাস জাবাদেকরনা চেয়র লৌদুনা কাংলুপ নিপালনা মখোয়না য়ানরবা পায়খৎকদবা থবকশিং উৎকনি। মসি মখা তানা প্লিনরী সেসনদা মরৈ য়েৎনগনি অমসুং লৈবাক অসিদা অৱাংবা থাক্কী মহৈ তম্বা ফগৎনবা মপুং ফারবা থৌরাং অমা পুথোক্কনি হায়না থাজরি।
