প্রধান মন্ত্রী শ্রী নরেন্দ্র মোদীনা ঙসি ঙল্লিঙৈদা রিপব্লিক ওফ কোরিয়াগী প্রেসিদেন্ত খল্লবা হিজ এক্সেলেন্সী য়ুন সুক-য়িওলগা ফোন্দা ৱারী শানখ্রে।
প্রধান মন্ত্রীনা ঐচ.ই. য়ুনবু রিপব্লিক ওফ কোরিয়াগী হন্দক্তা পাঙথোকখিবা প্রেসিদেন্সিএল মীখলদা মায় পাক্লকপদা নুংঙাইবা ফোঙদোকখি।
লুচিংবা অনিনা ইন্দিয়া-কোরিয়া স্পিসিএল স্ত্রেতেজিক পার্ত্নরসিপপু, মরুওইনা হৌজিক ওইরিবা মালেমগী ফীভমসিদা হেন্না পাকথোক চাউথোকহন্নবা অমদি মনুং হঞ্জিনবা ওইহনবগী মরুওইবগী ৱাফম য়ানখি। মখোয়না হেন্না খোঙজেল য়াঙনা নাকল অনিগী তেংবাংনবগী মতিংবু হেনগৎহনগদববা তোঙান তোঙানবা সেক্তরশিংগী মতাঙদা খন্নখি অমদি মদু ফংনবগীদমক পুন্না থবক তৌমিন্ননবা য়ানখি।
লুচিংবশিং অদুনা মতঙ চহিদা ভারত অমসুং রিপব্লিক ওফ কোরিয়াগী মরক্তা দিপ্লোমেতিক মরী শেমগৎখিবগী ৫০শুবা কুমওন থৌরম পুন্না পাঙথোকমিন্নবগী অপামবশিং ফোঙদোক্নখি।
প্রধান মন্ত্রীনা ঐচ.ই. য়ুনবু মাগী খুদোংচাগদবা মতম অমা য়েংলগা অথুবদা ভারত্তা লাক্নবা পাউকৎ তৌখি।
