ঐহাক ২০১৯গী সেপ্তেম্বর ২১দগী ২৭ ফাওবা য়ুনাইতেদ স্তেতস ওফ অমেরিকাদা চৎকনি। ঐহাক হৌস্তোন্দা চৎকনি, মদুগী মতুং য়ুনাইতেদ নেসন্স জেনরেল এসেমব্লিগী ৭৪শুবা সেসনগী অৱাংবা থাক্কী সেগমেন্তদা শরুক য়ানবা ন্যু য়োর্ক চৎকনি।
হৌস্তোন্দা, ঐহাক্না ইন্দিয়া–য়ু.এস. ইনর্জী পার্তনরশিপ হেঙ্গৎহন্নবা পান্দমদা য়ু.এস.তা লৈরিবা মকোকথোংবা ইনর্জী কম্পেনিশিংগী সি.ই.ও.শিংগা উন্নগনি।
হৌস্তোন্দা, ঐহাক্না ইন্দিয়ান–অমেরিকান কমুনিতীগা লোয়ননা মীফম পাংথোক্নবা মীৎয়েং থম্লি। য়ুনাইতেদ স্তেতসকী রাস্ত্রপতি শ্রী দোনাল্দ ত্রম্পনা থৌরম অসিদা শরুক য়াগদবা অসি ইন্দিয়ান দাইস্পোরাগীদমক ইকায় খুম্নবগী ৱাফম্নি অমসুং ঐহাক্কীদমক নুঙাইবা ঐহাক্কা লোয়ননা ইন্দিয়ান কমুনিতীগী থৌরম অমদা য়ু.এস.কী রাস্ত্রপতিনা শরুক য়াবা অসি মসিনা অহানবা ওইরগনি।
হৌস্তোন্দা লৈরিঙৈদা ঐহাক্না ইন্দিয়ান–অমেরিকান কমুনিতীগী তোঙান তোঙানবা গ্রুপশিং অমসুং মখোয়গী খনগৎলবা মীহুৎশিংগা লোয়ননা ৱারী শান্নবগী তঞ্জাসু ফংলগনি।
ন্যু য়োর্ক্তা ঐহাক্না য়ুনাইতেদ নেসন্সতা পাংথোকপা মরুওইবা থৌরম কয়াদা শরুক য়াগনি। ১৯৪৫দা মসিনা য়ুনাইতেদ নেসন্সকী ফাউন্দিং মেম্বর অমা ওইনা শরুক য়াবা হৌখিবদগী, ভারতনা মালেমদা শান্তি অমসুং সেক্যুরিতী হেঙ্গৎহন্নবা অমসুং ইকোনোমিক গ্রোথ হেঙ্গৎহন্নবা অচেৎপা ৱাফম থম্লি।
চহী অসিদা পাংথোক্কদৌরিবা য়ু.এন. জেনরেল এসেমব্লিগী ৭৪শুবা সেসনগী থিমদি “গলভনাইজিং মল্তিলেতরেল এফোর্তস ফোর পোভর্তী ইরাদিকেসন, ক্বালিতী এদজুকেসন, ক্লাইমেৎ এক্সন অমসুং ইনক্লুজন”নি। মল্তিলেতরিজম রফোর্ম তৌনবা ঐখোয়গী ৱারেপ অদু ঐহাক্না অমুক হন্না ফোংদোক্কনি।
য়ু.এন.গী থৌরমশিংদা ঐহাক্না শরুক য়াবগী খুত্থাংদা, সস্তেনেবল দিবেলপমেন্ত গোলশিং ফংবদা ঐখোয়গী মায়পাকপা অদু ঐহাক্না উত্থোক্কনি। সেপ্তেম্বর ২৩দা পাংথোক্কদৌরিবা ক্লাইমেৎ এক্সন সম্মিৎতা, ক্লাইমেৎ চেঞ্জ মায়োক্ননবা ভারতকী অচেৎপা থৌরমশিং ঐহাক্না পাওদমগনি।
য়ুনিবর্সেল হেল্থ কোভরেজদা পাংথোকপা য়ু.এন.গী থৌরমদা, অয়ুশ্মান ভারত থৌরম য়াওনা অনৌবা খোংথাং কয়াগী খুত্থাংদা দরকার ওইবশিংদা হেল্থকেয়ার ফংহনবদা ভারতকী এচিবমেন্তশিং অদু মামেলগী ফম্বাকথক্তা সেয়ার তৌনা ঐহাক্না মীৎয়েং থম্লি।
মহাত্মা গান্ধীগী ১৫০শুবা মপোক কুমওন পাংথোক্নবা থৌরম অমসু ভারতনা য়ু.এন.দা শিন–লাংগনি। থৌরম অদুদা য়ু.এন.গী সেক্রেতরি জেনরেল য়াওনা লৈবাক কয়াগী লুচিংবশিংনা শরুক য়াদুনা গান্ধীজীগী মফমদা ইকায় খুম্নবা উৎকনি।
য়ু.এন.জি.এ.গী মর্জিন্দা ঐহাক্না অতোপ্পা লৈবাকশিংগী লুচিংবশিং অমসুং য়ু.এন. এন্তাইতিশিংগা লোয়ননা নাকল অনিগী ওইবা মীফমশিংসু পাংথোক্কনি। অহানবা ওইনা ভারতনা য়ু.এন.জি.এ.গী মর্জিন্দা পেসিফিক আইলেন্দগী লুচিংবশিং অমসুং কেরিকোম গ্রুপকী লুচিংবশিংগা লোয়ননা লিদর্শিপকী থাক্তা ৱারী শান্নগনি।
হৌস্তোন অমসুং ন্যু য়োর্ক্তা ঐহাক্না রাস্ত্রপতি ত্রম্পকা উন্ননবা মীৎয়েং থম্লি। লৈবাক অনিগী মরক্তা অহেনবা কান্নবা পুরক্নবা ঐখোয়না ঐখোয়গী নাকল অনিগী মরক্তা লৈনরিবা মরী অমুক হন্না য়েংশিল্লগনি। য়ু.এস. অসি ঐখোয়গী নেস্নেল দিবেলপমেন্তকীদমক মরুওইবা পার্তনর অমা ওইবগা লোয়ননা এদজুকেসন, স্কিল, রিসর্স, তেক্নোলোজী অমসুং ইনোভেসন্দা পার্তনরশিপকী চাওনা ওইথোকপা য়াবশিং লৈরি।
ব্লুমবর্গ গ্লোবেল বিজিনেস ফোরমগী হৌদোকপগী থৌরমদা ৱা ঙাংনবা অমদি ভারতকী ইকোনোমিক গ্রোথ অমসুং ত্রান্সফোর্মেশন্দা অহেনবা থৌদাং লৌদুনা শরুক য়ানবা অমেরিকাগী বিজিনেস লুচিংবশিংবু বার্তন তৌনবা ঐহাক্না মীৎয়েং থম্লি। বিল অমসুং মেলিন্দা গেতস ফাউন্দেসন্না ইফমদা গ্লোবেল গুলকীপর্স গোল্স এৱার্দ ২০১৯ লান্থোকপীনবা ৱারেপ লৌদুনা ঐহাকপু ইকায় খুম্নবিরে।
