ঙসি, ২১শুবা অসিয়ান-ইন্দিয়া অমসুং ১৯শুবা ইস্ত এসিয়া সম্মিৎ শরুক য়ানবা প্রধান মন্ত্রী সোনেসি সিফানদোন্না চেবাউ পীরকপদগী ভিয়েন্তিয়ান, লাওদা নুমিৎ নিনি চৎনবা ঐ খোঙশাল্লে।
চহি অসিদা ঐখোয়গী এক্ত ইস্ত পোলিসি চহি ১০ মপুংফারে। ঐখোয়গী কমপ্রেহেন্সিপ স্ত্রাতেজিক পার্তনরশিপকী খুমাঙচাউশিনবা হন্না য়েংশিন্নবা ঐনা অসিয়ানগী লুচিংবশিংগা উনগনি অমসুং ঐখোয়গী মতেং পাংনবগী তুংগী মাইকৈ খন্নগনি।
ইন্দো-পেসিফিক লমদমদা শান্তি, তংদু-লৈতাবা অমসুং নুংঙাই-য়াইফবা পুরকপদা শিংনবশিং খন্ন-নৈনবগী খুদোংচাবা অমা ইস্ত এসিয়া সম্মিৎনা পীগনি।
বুদ্ধিজম অমসুং রমায়নগী হেরিতেচ শরুক য়ামিন্নরিবা লাও য়াওনা লমদম অসিগা ঐখোয়গা অচেৎপা নাত অমসুং সভেত্যাগী মরীশিং লৈনরি। ঐনা লাওগী লুচিংবশিংগা উনবা অসিনা ঐখোয়গী লৈবাক অনিগী মরীশিং মখা তানা চেৎশিনহনগনি হায়না ঐনা থাজবা থম্লি।
খোঙচৎ অসিনা ঐখোয়গা অসিয়ান লৈবাকশিংগা লৈনবা মরীশিং হেন্না চেৎশিনগনি হায়বগী থাজবা ঐনা থম্লি।
