ঙসি ভিদিও মেসেজগী খুৎথাংদা ভারত পুম্নমক্কী প্রেসাইদিং ওফিসারশিংগী মীফমদা প্রধান মন্ত্রী শ্রী নরেন্দ্র মোদীনা ৱা ঙাংখ্রে।
৭৫শুবা গনতন্ত্র দিবস থৌরম পাংথোকখিবগা লোয়ননা মীফম অসিগী মরুওইবা পল্লদুনা প্রধান মন্ত্রীনা হায়খি ঐখোয়গী সংবিধান চৎনবা হৌখিবা চহি ৭৫ মপুংফারকপগী ৭৫শুবা গনতন্ত্র দিবস থৌরম হেক পাংথোকখিবগা মীফম অসি পাংথোকপনা মরুওইবা হেনগৎহল্লে। প্রধান মন্ত্রীনা কন্সতিতুয়েন্ত এশেমব্লিশিংগী মেম্বরশিংদা মহাক্কী ইকায়খুম্নবা উৎখি।
কন্সতিতুয়েন্ত এশেমব্লিদগী তম্বগী মরুওইবা অদু থম্লদুনা, প্রধান মন্ত্রী মোদীনা হায়খি ঐখোয়গী কন্সতিতুয়েন্ত এশেমব্লিদগী তমগদবা য়াম্না লৈরি। তোঙান-তোঙানবা ৱাখলশিং, হিরমশিং অমসুং অনিংবশিংগী মরক্তা য়ানবা অমা পুরক্নবা অমসুং মখোয় হিংহন্দুনা থম্নবা কন্সতিতুয়েন্ত এশেমব্লি মেম্বরশিংগী থৌদাং লৈরি। প্রেসাইদিং ওফিসারশিংনা অমুক হন্না কন্সতিতুয়েন্ত এশেমব্লিগী অচুম্বা ফিদমশিংদগী ইথিল লৌগদবনি। অদোমগী মতম মনুংদা, তুংগী মীরোলশিংগীদমক হেরিতেচ অমা ওইনা লৈহৌনবা থবক তৌরম্নবা হোৎনগদবনি।
লেজিসলেতিপ বোদিশিং থবক তৌবা হেনগৎহনবগী তঙাইফদবা পল্লদুনা, প্রধান মন্ত্রীনা হায়খি মীকুপ-নাহুম শিংবা মীয়াম্না মীয়ামগী মীহুৎ খুদিংমক চেকশিন্না শেন্নরবা মতম অসিদা লেজিসলেতিপ এশেমব্লিশিং অমসুং কম্মিতিশিং থবক ফজনা পাংথোকপা হেনগৎহনবা হায়বসি য়াম্না মরুওই।
লেজিসলেতিপ বোদিশিংদা চৎন-কাংলোনশিং ঙাকপগী মতাংদা প্রধান মন্ত্রীনা হায়খি হাওসতা মেম্বরশিংগী থবক অমসুং নিংথিনা খন্ন-নৈন্নবগা এশেমব্লিনা কান্নবা থবক তৌবগা হকথেংননা মরী লৈনৈ। মীফম অসিদগী ফংলকপা পাউতাকশিংনা কান্নবা এশেমব্লি ওইহনবদা হকথেংননা ইথিল পীগনি। মীয়ামগী মীহুৎশিংনা হাওসতা পাংথোক্লিবা থবকশিংনা হাওসকী মিংচৎ মশক তাকই। মখোয়গী মেম্বরশিং ৱাখল তাহনবগী মহুত্তা দল খরনা মখোয়গী মেম্বরশিংনা লৈবাকমচা তাদবা থবকশিং তৌবদা শৌগৎলি। মসি সংসদ নত্ত্রগা এশেমব্লিশিংগী অফবা ফিবম অমা নত্তে।
মীয়ামগী পুন্সিদা চৎন-কাংলোনশিংদা অহোংবশিং লাক্লিবা অসিগী মতাংদা প্রধান মন্ত্রীনা হায়খি মরম চানা থবক তৌবা অসি য়াম্না মরুওই। মমাঙদা, হাওসকী মেম্বর অমদা শেঞ্জা-থুমজাগী মরাল শীরকপা মতমদা, মীয়াম্না মখোয় তাথি-তাওইনা তৌবীগনি। অদুবু, হৌজিক ঐখোয়না ফাদোক তারবা শেঞ্জা-থুমজা তৌবা লনাই মীওইশিং মীয়ামদা থাগৎনবা ঐখোয়না উবা ফংলে, মসি ইজুকিউতিপ, জুদিসিয়ারি অমসুং সংবিধানগী অচুম্বদা শিংনবনি। মীফম মনুংদা ৱাফম অসিগী মতাংদা খন্ন-নৈনবা অমসুং থবক ওইনা পাংথোকপা য়াগদবা পাউতাকশিং পীবা য়াম্না মরুওই।
ভারত চাউখৎহনবদা রাজ্য সরকারশিং অমসুং মখোয়গী লেজিসলেতিপ এশেমব্লিশিংগী থৌদাংগী মতাংদা প্রধান মন্ত্রীনা হায়খি ঐখোয়গী রাজ্যশিং চাউখৎপনা ভারতকী চাউখৎপা হেনগৎহল্লি। মখোয়গী লেজিসলেতিপ অমসুং ইজুকিউতিপ বোদিশিংনা মখোয়গী চাউখৎপগী পান্দমশিং অপুনবা ওইনা মশক তাকপগী মতুংইন্না রাজ্যশিংগী চাউখৎপা মখা পোল্লি। শেন-থুমগী ফিবম ফগৎহন্নবা কম্মিতিশিংদা শক্তি পীবা য়াম্না মরুওই। অদোমগী রাজ্য চাউখৎনবা কম্মিতিশিং শক্তি পীবা য়াম্না মরুওই। থমখিবা পান্দমশিং ফংনবা হায়রিবা কম্মিতিশিংনা হেন্না থৱায় য়াওনা থবক তৌরিবমখৈ রাজ্যশিং হেন্না চাউখৎকনি।
আইনশিং মওং-মরিল তাহনবগী তঙাইফদবা পল্লদুনা, প্রধান মন্ত্রীনা হায়খি চৎনবা য়াদ্রবা অরিবা আইনশিং শেমদোক্নবা কেন্দ্র সরকারনা থবক পায়খৎলে। হৌখিবা চহি ১০দা, ঐখোয়গী থবকশিংদা অপনবা পীবা আইন লিশিং অনি হেন্না কেন্দ্র সরকারনা মুৎথৎলে। ৱায়েল-থৌদাগী থবকশিং লাইহনবা অসিনা মীচম মীয়াম্না থেংনরিবা খুদোংচাদবশিং ময়োক্নবদা লাইহল্লে অমসুং হিংবদা লাইবা হেনগৎহল্লে। দরকার লৈতবা আইনশিং অমসুং মখোয়না মীয়ামগী পুন্সিদা পীরিবা চৈথেংশিংগী মতাংদা প্রেসাইদিং ওফিসারশিংনা পুক্নিং চঙগদবনি অমসুং মখোয় মুৎথৎপনা অফবা অহোংবা অমা পুরকপা ঙমগনি।
নারী শক্তি বন্দন অধিনিয়ম পল্লদুনা, প্রধান মন্ত্রীনা হায়খি নুপীশিং শরুক য়াবা অমসুং মীয়ামগী মীহুৎশিং ওইবা হেনগৎহন্নবা পান্দমদা খন্ন-নৈনবা দরকার ওই। ভারতগুম্বা লৈবাক অমদা নুপীশিং শক্তি পীনবা অমসুং মখোয় মীয়ামগী মীহুৎশিং ওইবা হেনগৎহন্নবা থবকশিং ফগৎহনগদবনি। কম্মিতিশিংদা নহারোলশিং শরুক য়াবা হেনগৎহনবা তঙাইফদে। থৌশিল শেম্বদা শরুক য়ানবা অমসুং মখোয়গী ৱাখল্লোনশিং থম্নবা ঐখোয়গী নহা ওইরিবা মীয়ামগী মীহুৎশিংদা খুদোংচাবা হেন্না পীগদবনি।
লোইশিল্লকপদা, প্রধান মন্ত্রীনা হায়খি প্রেসাইদিং ওফিসারশিংদা ২০২১দা মহাক্না ৱা ঙাংবদা ৱান নেসন-ৱান লেজিসলেতিপ প্লেতফোর্মগী মতাংদা মহাক্না থমখ্রে। ই-বিধান অমসুং দিজিতেল সংসদ প্লেতফোর্মশিংগী খুৎথাংদা সংদসদ অমসুং রাজ্যগী এশেমব্লিশিংনা থবক তৌরিবা অসিদা হরাওই।
