প্রধান মন্ত্রী (PM)না ভিএন্তাইন, লাউ PDRদা ওক্তোবর ১১, ২০২৪দা ১৯শুবা ইস্ত এসিয়া সম্মত (EAS) তা শরুক য়াখি।
মহাক্কী ৱারোলদা, PM না ইন্দো-পেসিফিক রিজনেল অর্কিতেকচর, ভারতকী ইন্দো-পেসিফিক ভিজন, অমসুং ক্বাদ কোওকরেসন্দা ASEAN না লৌরিবা মরুওইব থৌদাংগী মরমদা ফোঙদোকখি। ভারতনা ইস্ত এসিয়া সম্মিত্তা শরুক য়ারিবসি মাগী এক্ত ইস্ত পোলিসীগী মরুওইবা য়ুম্বী অমনি হায়বা ৱাফম থমখি। লমদম অদোমদা ইং-তপ্পা অমসুং চাওখৎপা পুরক্নবগীদমক ফ্রী, ওপন, ইনক্লুজিব, প্রোসপেরস অমসুং রুল্স-বেজ ইন্দো-পেসিফিক অমা লৈহন্বা মরুওই হায়বা ৱাফম থম্লদুনা, মহাক্না ভারতকী ইন্দো-পেসিফিক ওসীন্স ইনিসিএতিব অমসুং ইন্দো-পেসিফিক্তা লৈরিবা ASEAN মীৎয়েঙগী মরক্তা লৈরিবা মান্নবা মশকশিং অমসুং মান্ননবা চঙশিল্লিবা খোঙথাঙশিংগী মরমদা ৱা ঙাংখি। রিজন অসিনা পাকথোক চাউথোকপগা য়ুম্ফম ওইবা লম্বীদা চঙশিনবগী মহুত্তা চাওখৎপা পুরকপদা য়ুম্ফম ওইবা লম্বীদা চঙশিনগদবনি হায়না মহাক্না ফোঙদোকখি।
EAS মেকানিজমগী মরুওইবা ৱাফম অমুক হন্না ফোঙদোক্লদুনা অমসুং মসিবু মখা তানা মপাঙ্গল কনখিহন্নবা ভারতনা পীরিবা চৈঙাক মখা তানা লৈখিগনি হায়রদুনা, PM না নলান্দা য়ুনিভর্সিতী অমুক হিঙ্গৎহন্বদা EAS পার্তিসিপেতিং কন্ত্রীশিংদগী ফংখিবা চৈঙাকপু নৌহৌননা নীংশিংখি। PM তাঞ্জা অদু লৌদুনা নলান্দা য়ুনিভর্সিতীদা পাঙথোক্কদবা হেদ্স ওফ হাইয়র এজুকেসন কনক্লেবতা শরুক য়ারনবা EAS লৈবাকশিংদা পাউজেল পীখি।
লুচিংবশিংনা ইন্দো-পেসিফিক্তা ইং-তপ্পা, মরা চেৎপা অমসুং নুংঙাই য়াইফবা পুরকপদা অপন্বা পীরিবা রিজনেল অমসুং মালেমগী ওইবা ৱাফমশিংগী মখোয়গী ৱাখল্লোন ফোঙদোক্নখি। গ্লোবেল সাউথতা মুক্নবনা পীরিবা অচৌবা শাফুগী মতাঙদা পল্লদুনা, PM না মালেমসিদা মুক্নবশিং ইং-তপ্না লোইশিন্নবা ৱারী ৱাতায় শানবা অমসুং দিপ্লোমেসীদা য়ুম্ফম ওইবা মীওইবগী মীনুংশিগী ওইবা লম্বীদা চঙশিনগদবনি হায়বা ৱাফম থমখি। লানফমদা পাম্বৈ অমত্তা ফংলোই হায়না মহাক্না মখা তানা ফোঙদোকখি। তেরোরিজম লোয়ননা সাইবর অমসুং মেরিইতাইমগী শিংনবশিংনা মালেমগী ইং-তপ্পা অমসুং সিক্যুরিতীদা অচৌবা শিংনবা অমা ওইরি হায়রদুনা, লৈবাকশিংনা মখোয় অসি থেংননবগীদমক পুনশিন্নগদবনি হায়খি।
প্রধান মন্ত্রীনা লাউসকী প্রধান মন্ত্রীবু ইস্ত এসিয়া সম্মিত মায় পাক্না পাঙথোকপগীদমক থাগৎপা ফোঙদোকখি। মহাক্না মেলসিয়াগী মফমদা ASEAN গী অনৌবা চেয়র ফম পায়রকপদা য়াইফ-পাউজেল পীখি অমসুং ভারতনা মসিদা মপুং ফানা শৌগৎকনি হায়না ফোঙদোকখি।
