ফোরম ফোর ইন্দিয়া পেসিফিক আইলেন্দস কোওপরেসন (ফিপিক)গী অহুমশুবা মীফমগী ৱাংমদা, মে ২২,২০২৩দা পোর্ত মোরেস্বেদা প্রধান মন্ত্রী শ্রী নরেন্দ্র মোদীনা পাপুৱা নিউ গিনিগী প্রধান মন্ত্রী জেমস মারাপেগা উনখ্রে।
তরাম্না ওকপগীদমক অমসুং ৩শুবা ফিপিক মীফম পুন্না য়ুম্বু ওইবগীদমক প্রধান মন্ত্রী মোদীনা প্রধান মন্ত্রী মারাপে থাগৎপা ফোঙদোকখি। লুচিংবশিংনা লৈবাক অনিগী মরীশিংগী ফিবম য়েংশিনখি অমসুং ললোন-ইতিক, শেন থাদবা, হকশেল, স্কিল দিবলপমেন্ত অমসুং ইনফোর্মেসন তেক্নোলোজি য়াওনা হিরম কয়াদা মখা তানা মতেং পীনবা হেনগৎহন্নবা পাম্বৈশিং খন্নখি। লুচিংবশিংনা ক্লাইমেত এক্সন অমসুং মীগা মীগা লৈনবা মরীশিং মখা তানা ফগৎহন্নবগী মতাংদসু খন্নখি। পেসিফিক ইথৎ লৈবাকশিংদা ভারতনা শৌগৎলিবা অমসুং মরুওইবশিং অমসুং অনিংবশিং ইকায়খুম্নবা উৎলিবা অদু প্রধান মন্ত্রীনা অমুক হন্না নিংশিংখি।
তামিল ক্লাসিক ‘তিরুক্কুরাল’ পাপুৱা নিউ গিনিগী লোল তোক পিসিন্দা হন্দোকপা লাইরিক অমা প্রধান মন্ত্রী অমসুং প্রধান মন্ত্রী মারাপেনা ফোঙখি। লাইরিক অদু লিঙ্গুইস্ত সুভ সাসিন্দ্রন অমসুং সাসিন্দ্রন মতুভেল, পাপুৱা নিউ গিনিগী ৱেস্ত নিউ ব্রিতেন প্রোভিন্সকী রাজ্যপালনা পুন্না হন্দোকপনি। লাইরিক অদু প্রধান মন্ত্রী মারাপেনা ৱাহৌদোক অমা ইখি।
পাপুৱা নিউ গিনিদা ভারতকী কলচর অমসুং ৱাখল্লোন লীদুনা থম্নবা মখোয়না পায়খৎলিবা থবকশিংগীদমক প্রধান মন্ত্রী মোদীনা অইবশিং থাগৎপা ফোঙদোকখি।
Prime Minister James Marape and I had very productive talks, covering the full range of bilateral relations between India and Papua New Guinea. We discussed ways to augment cooperation in commerce, technology, healthcare and in addressing climate change. pic.twitter.com/cKWpyYmdtc
— Narendra Modi (@narendramodi) May 22, 2023
