ঙসি ইতালিগী অপুলিয়াদা প্রধান মন্ত্রী শ্রী নরেন্দ্র মোদীনা ইতালিগী প্রধান মন্ত্রী জিওর্জিয়া মেলোনি উনখ্রে। মহাক্না অহুমলকশুবা তার্মগী প্রধান মন্ত্রী ওইরকপদা প্রধান মন্ত্রীনা মেলোনিনা প্রধান মন্ত্রী মোদী থাগৎপা ফোঙদোকখি। জি-৭ আউতরিচ মীফম শরুক য়ানবা চেবাউ পীরকপগীদমক প্রধান মন্ত্রী মোদীনা প্রধান মন্ত্রী মেলোনি থাগৎপা ফোঙদোকখি অমসুং মীফম মাইপাক্না লোইশিনবগীদমক মহাক্কী থাগৎপা ফোঙদোকখি।
চাংনাইনা অৱাংবা থাক্কী রাজনিতিগী ৱারি শানবা পাংথোকপা অমসুং ইন্দিয়া-ইতালি স্ত্রাতেজিক পার্তনরশিপ খুমাঙচাউশিনবা হন্না য়েংশিনবদা লুচিংবা অনিনা অপেনবা ফোঙদোকখি। ললোন-ইতিক অমসুং শেন-থুমগী মতেং পাংনবা হেনগৎলকপদা হরাওবা ফোঙদোক্লদুনা, মৈখু চেন্দবা ইনর্জি, মেনুফেকচরিং, স্পেস, সাইন্স অমসুং তেক্নোলোজি, তেলিকোম, এ.আই অমসুং মরুওইবা মিনরেলশিংদা ললোন-ইতিক্কী থবক পাকথোক-চাউথোকহন্নবা মখোয়না খন্নখি। হিরম অসিদা, পেতেন্তস, দিজাইনশিং অমসুং ত্রেদমার্কশিংগী মতেং পীন্নবা ঙাক্লৌ অমা পীনবা ইন্দস্ত্রিএল প্রোপর্তি রাইতস(আই পি আর)দা হন্দক এম.ও.য়ু অমা খুৎয়েক পীনখিবা অদু মখোয়না তরাম্না ওকখি।
লৈবাক অনি ঙাক-শেন অমসুং সেকুরিতিগী লমদা মতেং পাংনবগী মতাংদা লুচিংবা অনি খন্নখি অমসুং ঙাক-শেনগী উদোগকী লমদা পুন্না থবক তৌমিন্নবা মখা তানা হেনগৎহন্নবা খন্নখি। ইতালিগী এয়রক্রাফ কেরিয়র আই.তি.এস কেবর অমসুং ত্রেনিং সিপ আই.তি.এস ভেস্পুচি চহি অসিদা ভারত্তা লাক্কদৌরিবা অসিদা মখোয়না তরাম্না ওকখি। মালেমগী অনিশুবা লাঞ্জাউদা ইতালিগী কেম্পেন্দা ভারতকী লান্মীনা মতেং পাংখিবা অদু ইকায়খুম্নবা উৎপগীদমক প্রধান মন্ত্রী মোদীনা ইতালি সরকার থাগৎপা ফোঙদোকখি অমসুং ইতালিগী মোন্তোনেদা লৈরিবা যাসৱান্ত ঘারগে মেমোরিএল ভারতনা ফগৎহনগনি হায়না ফোঙদোকখি।
‘গ্লোবেল বাইওফুয়েলস এল্লাইন্স’গী মখাদা পুন্না থবক তৌমিন্নবগী মতাংদা, মৈখু থাংদবা ইনর্জিগী লমদা লৈবাক অনি মতেং পাংনবা হেনগৎহন্নবা ইনর্জি ত্রান্সসিসনগী মতেং পাংন্নবা লেত্তর ওফ ইন্তেন্ত খুৎয়েক পীনখিবদা লুচিংবশিংনা তরাম্না ওকখি। সাইন্স অমসুং তেক্নোলোজিগী লমদা অপুনবা রিছার্স অমসুং দিবলপমেন্ত চাউখৎহন্নবা ২০২৫-২৭গী অনৌবা ইজুকিউতিপ প্রোগ্রাম ওন কোওপরেসন লুচিংবশিংনা হরাওবা ফোঙদোকখি।
ইতালিদা চহি কয়াগী মমাঙদগী লৈরক্লবা ইন্দোলোজিকেল তম্বনা থৌনা পীদুনা লৈবাক অনিগী মরক্তা মীগা মীগা অকনবা মরী অমা লৈনরি। মসিগী মখা তারকপা ওইনা, মিলন য়ুনিভর্সিতিদা ভারতকী মরমদা তম্নবা অহানবা আই.সি.আই.আর চিয়ার লিংখৎলে। শীনফম কয়াগী মীওইশিং, হৈথোই-শিংথোইরবা অমসুং সেমি-স্কিল শীন্মীশিং, মহৈরোয়শিং অমসুং থিজিল্লোয়শিং চৎথোক-চৎশিন নুংঙাইনবা মাইক্রেসন অমসুং মোবিলিতি এগ্রিমেন্ত অথুবা মতমদা থবক ওইনা পাংথোক্নবা লুচিংবশিংনা তকশিনখি।
নিংতম্বা অমসুং অথিংবা লৈতবা ইন্দো-পেসিফক অমা ওইহন্নবা মখোয়গী পান্দম ফংনবা ইন্দো-পেসিফিক ওসিন ইনিসিয়েতিপ ফ্রেমৱার্ক থবক ওইনা পাংথোক্নবা পুন্না থবক তৌমিন্নবা লুচিংবা অনিনা থাজবা পীনখি। মখোয়না লৈবাক অনিগী অমসুং মালেমগী মরুওইবা ৱাফমশিং খন্নখি অমসুং ইন্দিয়া-মিদল ইস্ত-য়ুরোপ ইকোনোমিক কোরিদোর য়াওনা মালেমগী তোঙান-তোঙানবা থবকশিংদা মতেং পীনবা হেনগৎহনবা হায়না য়ানখি।
Had a very good meeting with PM @GiorgiaMeloni. Thanked her for inviting India to be a part of the G7 Summit and for the wonderful arrangements. We discussed ways to further cement India-Italy relations in areas like commerce, energy, defence, telecom and more. Our nations will… pic.twitter.com/PAe6sdNRO9
— Narendra Modi (@narendramodi) June 14, 2024
Ho avuto un ottimo incontro con la PM @GiorgiaMeloni. L'ho ringraziata per aver invitato l'India a partecipare al G7 e per la meravigliosa organizzazione. Abbiamo discusso di come rafforzare le relazioni Italia-India in settori quali commercio, energia, difesa, telecomunicazioni… pic.twitter.com/ObB3ppTQiX
— Narendra Modi (@narendramodi) June 14, 2024
