প্রধান মন্ত্রী শ্রী নরেন্দ্র মোদীনা হাউস পুম্বগী অমদি প্রজা মীয়ামগী মহুৎ শিন্দুনা শ্রী হরিবনশ নরায়ন সিংহনা অনিরক শুবা ওইনা রাজ্য সভাগী দিপুতী চিয়রমেন ওইনা খল্লকপদা নুংঙাইবা ফোঙদোকখ্রে।
প্রধান মন্ত্রীনা হায়খি মহাক্না শ্রী হরিবনশবু য়াম্না ইকাই খুমনৈ মরমদি মহাক্না খুন্নাইগী শেবা তৌবগী থবক থৌরমদা অমদি জর্নেলিজমগী লমদা মহাক মশানা পুকচেল শেংনা থবক তৌবা মীশক অমা ওইনবা হোৎনখি। মহাক্না হায়খি মসিগী ৱাখল্লোন অমদি ইকাই খুম্নবা অসি ঙসি হাউসকী মেম্বর খুদিংমক্কী ৱাখলদা লৈরি। মহাক্না শ্রী হরিবনশকী থবক তৌবগী মওং অমসুং মহাক্না হাউসকী প্রোসীদিংশিং পাঙথোকপগী মওং-মতৌ অদু থাগৎখি অমদি মহাক্না হাউস্তা দেমোক্রেসীগী মপাঙ্গল কনখৎহনবদা থৌদাং লৌখি হায়না ফোঙদোকখি।
চিয়রমেনগী মরমদা ৱা ঙাংবদা প্রধান মন্ত্রীনা হায়খি রাজ্য সবাগী মেম্বরশিংনা হৌজিক হাউসকী প্রোসীদিং মপুং ফানা তৌহন্নবা দিপুতী চিয়রমেনগী মতেং পাংগনি। মহাক্না হায় হরিবনশ অসি ওপ্পোজিসন য়াওনা মীপুম খুদিংমক্কীনি অমসুং পার্তী অমত্তদা হন্থবা মীৎয়েং য়েংল্লোই। মহাক্না হায়খি চৎনা কাঙলোনশিংগী মতুং ইন্না পার্লিয়ামেন্তকী মেম্বরশিং য়েংশিনবা অসি য়াম্না অরুবা থবক অমনি অমসুং মসিদা হরিবনশনা মীপুম খুদিংমক্কী থাজবা ফংবা ঙমখি।
প্রধান মন্ত্রীনা হায়খি হরিবনশনা বিলশিং পাস তৌনবা পুং কয়া ফমদুনা লেপ্তনা হোৎনখি অমদি হৌখিবা চহি অনি অসিনা মহাক্কী মাই পাকপগী খুদমনি। লৈবাক অসিগী তুংলমচৎ অমদি মায়কৈ কবাদা অহোংবা পুরকখ্রবা ইতিহাসিক ওইবা বিল কয়া হাউস অসিদা পাস তৌখি। লোক সভাগী মীখলগী চহি অমগী মনুংদা হাউস অসিনা চহি তরাদা খ্বাইদগী য়াম্না কান্নবা থবক তৌখিবা রেকোর্দ থম্বা ঙমখিবা অদু মহাক্না থাগৎখি। মহাক্না হায়খি হাউস অসিনা কান্নবা কয়া তৌখিবগা লোয়ননা অফবা পুরকপা ঙম্বা অদু হেনগৎহনখি। মীপুম খুদিংমক্না মখোয়গী ৱাখল্লোন ফোঙদোকপা ঙমহনখি।
প্রধান মন্ত্রীনা হায়খি হরিবনশ অসি য়াম্না নোলুকই মরমদি মহাক অসি য়াম্না চমনা হৌরকখিবা মীওই অমনি। হরিবনশনা অহানবা সরকারগী স্কোলরশিপ ফংবদা মহাক্না স্কোলরশিপ অদু ময়ুমদা পুবগী মহুত্তা মহাক্কী লাইরিকশিং ওইনা লৈখি।হরিবনশ অসি লাইরিক য়াম্না পামজবা মীওই অমনি। মহাক্না হায়খি শ্রী হরিবনশ অস শ্রী জয়াপ্রকাশ নরায়ন্না ইথিল চাউনা পীখি। খুন্নাইগীদমক চহি নিফুগী ময়াদা থবক তৌরক্লবা মতুংদা মহাক্না ২০১৪দা পার্লিয়ামেন্তদা চংলকখি।
মহাক্না হায় হরিবনশ জী অসি মহাক্কী লমচৎ শাজৎ ফজবা অমসুং মীনুংশি চাউবগী মীয়াম্না খংনৈ।
প্রধান মন্ত্রীনা হায় হরিবনশ জীনা ইন্তর-পার্লিয়ামেন্তরী য়ুনিয়নগুম্বা মালেমগী প্লেৎফোর্মশিং অমসুং অতো্পা লৈবাকশিংদা ইন্দিয়ন কলচরেল দেলিগেসনগী মেম্বর অমা ওইনা ভারতকী ফীভম ফগৎনবসু থবক তৌখি।
প্রধান মন্ত্রীনা হায় হরিবনশ জী অসি রাজ্য সভাগী তোঙান তোঙানবা কম্মিতীশিংগী চিয়রমেন ওইদুনা মহাক্না মদুগী মথৌ তৌবা হেনগৎহনখি। হরিবনশ জী অসি পার্লিয়ামেন্তকী মেম্বর ওইরবা মতুংদা মহাক্না এম.পি. খুদিংমক্না মখোয়গী মথৌ নিংথীনা পাংথোকহন্নবা কন্না হোৎনখি। মহাক্না হায় হরিবনশ জী অসি পার্লিয়ামেন্তকী থবকশিং অমসুং থৌদাংশিংদা ৱাখল অমসুং লৌশিং লৈবা মীওই অমগুম এক্তিব ওইখি। হরিবনশ জীনা লৈবাক শিনবা থুংনা চত্তুনা মীয়ামদা ভারতকী শেন্মীৎলোন, সোসিএল, স্ত্রেতেজিক অমসুং রাজনিতীগী শিংনবশিং খংহল্লম্মি। মহাক্না হায় “মহাক্কী লাইরিক্তা ঐখোয়গী হান্নগী প্রধান মন্ত্রী শ্রী. চন্দ্রশেখরজীগী পুন্সিগা লোয়ননা হরিবনশ জীগী ইবদা হৈশিংবগী মমি তাই। ঐহাক অমসুং মসিগী হাউস অসিগী মেম্বর খুদিংমক্না হরিবনশ জীনা দিপুতী চিয়রমেন ওইনা লুচিংবীবা হায়বসি লাইবক ফবনি”।
প্রধান মন্ত্রীনা হরিবনশ জীদা থাগৎপা ফোঙদোক্লদুনা হায় হাউস অসিদা সেসন ২৫০ হেন্না লৈবা হায়বসি ভারতকী দেমোক্রেসী অসি মপুংফারে হায়বগী প্রমান অমনি।
Harivansh Ji has represented India at many global conferences. Wherever he went, he left a mark and raised India’s prestige: PM @narendramodi in the Rajya Sabha
— PMO India (@PMOIndia) September 14, 2020
Harivansh Ji has made efforts to ensure productivity and positivity are on the rise in Parliament. He is a torchbearer of democracy, hailing from Bihar, a land known for its democratic ethos. It is Bihar that has a close link with JP and Bapu’s Champaran Satyagraha: PM
— PMO India (@PMOIndia) September 14, 2020
Harivansh Ji belongs to all sides of the aisle. He has conducted proceedings in an impartial manner. He has been an outstanding umpire and will continue being so in the times to come. He has always been diligent in performing his duties: PM @narendramodi in the Rajya Sabha
— PMO India (@PMOIndia) September 14, 2020
