চহি অসিগী কান্স ফিল্ম ফেস্তিবেলদা “কন্ত্রি ওফ ওনর” ওইনা ভারতনা শরুক য়াবদা প্রধান মন্ত্রী শ্রী নরেন্দ্র মোদী হরাওবা ফোঙদোকখ্রে। পাউজেল অমদা প্রধান মন্ত্রীনা হায়খি ভারতনা শরুক য়াবা অসি ভারতনা নিংতম্বা চহি ৭৫শুরকপা, কান্স ফিল্ম ফেস্তিবেল চহি ৭৫ মপুংফারকপা অমসুং ভারত অমসুং ফ্রাঞ্জগী মরক্তা দিপ্লোমেতকী মরী লৈনরকপা চহি ৭৫ শুরকপা অসিগা মপা চানরে।
ভারত অসি মালেমদা ফিল্ম খ্বাইদগী য়াম্না পুথোকপা লৈবাক অমনি হায়না ফোঙদোক্লদুনা প্রধান মন্ত্রীনা হায়খি ঐখোয়গী ফিল্ম সেক্তরগী মখল য়াম্বা অসি শিংথানিঙাইনি অমসুং ইনাকখুল্লবা হেরিতেচ অমসুং মখল কয়াগী কলচর অসি ঐখোয়গী থৌনানি। ভারতনা লিগদবা ৱারি য়াম্না লৈরি অমসুং মালেম অসিদা কন্তেন্ত কয়া পুথোকপা ঙম্বা মফম অমা ওইরক্নবা খুদোংচাবা কয়া তশেংনা লৈবাক অসিদা লৈরি।
ফিল্ম সেক্তর থবক তৌবা নুংঙাইবা হেনগৎহন্নবা ভারতনা থমখিবা থাজবশিং অমুক হন্না নিংশিংলদুনা প্রধান মন্ত্রীনা হায়খি ইন্তরনেসনেল ফিল্ম পুন্না পুথোকমিন্নবদগী হৌরগা লৈবাক শীনবা থুংনা ফিল্ম নম্নবা অয়াবা পীনবা সিঙ্গল ৱিন্দো ক্লিয়ারেন্স লৈহনবা য়াওনা মালেমগী ফিল্ম পুথোকপা মীওইশিংদা ভারতনা খুদোংচাবা কয়া পীরি।
ভারতনা শক্নাইরবা ফিল্ম মেকর অসিগী চহি ১০০শুবা মপোক কুমওন থৌরম পাংথোকপা ওইনা কান্স ক্লাসিক সেক্সন্দা উৎনবা সৈত্যজিৎ রেগী ফিল্ম অমা নৌনা শেমজিনবদা প্রধান মন্ত্রীনা হরাওবা ফোঙদোকখি।
অহানবা কয়াগী মনুংদা অমা ওইনা, মালেমগী ফিল্মগী তাইবংদা ভারতকী স্তার্দঅপশিংনা মখোয়গী তৌবা ঙম্বশিং উৎকনি। ইন্দিয়ান পেভিলিয়ন্দা ভারতকী সেনিমাগী শক্তমশিং উৎকনি অমসুং মালেমগী ওইনা পুন্না থবক তৌমিন্নবা অমসুং তাথোক-তাশিন তৌনবগী থবক পুক্নিং থৌগৎকনি হায়বগী থাজবা প্রধান মন্ত্রীনা থমখি।
নুঙগীৱারোল:
ফ্রাঞ্জতা ৭৫শুবা কান্স ফিল্ম ফেস্তিবেলগা লোয়ন্না পাংথোক্কদৌরিবা মার্চ দু ফিল্মদা ভারত ওফিসিএল কন্ত্রি ওফ ওনর ওইগনি। কন্ত্রি ওফ ওনর ওইবা অসিনা মেজিস্তিক বিচতা পাংথোক্কদবা মার্চ দু ফিল্ম হৌদোকপগী নুমিদাংদা ভারত ফোকস কন্ত্রি ওইনা শরুক য়াগনি অমসুং লৈবাক অসিগী সেনিমা, কলচর অমসুং হেরিতেচ উৎকনি।
কান্স নেক্সতা ভারত “কন্ত্রি ওফ ওনর” ওইদুনা ওদিও-ভিজুএল ইন্দস্ত্রিদা খুমাঙ চাউশিন্নবা অনৌবা স্তার্দ অপ ৫দা খুদোংচাবা অমা পীগনি। এনিমেসন দে নেতৱার্কিংদা লম অসিগী অখঙ-অহৈ ১০ শরুক য়াগনি। হন্দক্কী কান্স ফিল্ম ফেস্তিবেল অসিদা ভারতনা শরুক য়াবগী মরুওইবা শক্তম অমা ওইনা, মে ১৯ ২০২২দা মার্কেত স্ক্রিন্নিংগী ওইনা পেলেস দেস ফেস্তিবেলদা শ্রী আর মধাবন্না পুথোকপা “রোকেৎত্রি” ফিল্মগী ৱার্ল্দ প্রেমিয়র উৎকনি।
ফেস্তিবেল অসিদা ভারতকী মীহুৎ কাংবু য়ুনিয়ন মিনিস্তর শ্রী অনুরাগ থাকুরনা লুচিংলি অমসুং ভারতকী মফম কয়াদগী ফিল্মগী শক্নাইরবা কয়া য়াওরি।
