প্রধান মন্ত্রী শ্রী নরেন্দ্র মোদীনা ঙসি ইজরেলগী প্রধান মন্ত্রী ঐচ.ই. বেঞ্জামিন নেতানয়াহুগা লোয়ননা ফেব্রুৱারী ২৫, ২০২৬তা সেক্তর কয়াদা ইজরেলগী অনৌবা খোংথাং কয়া উৎলিবা একজিবিসন অমা য়েংখি। একজিবিসন অসিদা এগ্রি-তেক, ৱাতর-তেক, ক্লাইমেৎ-তেক, হেল্থ-বাইওতেক, স্মার্ত মোবিলিতী, এ.আই., সাইবর সেক্যুরিতী অমসুং ক্বান্তম তেক্নোলোজীশিংদা মকোক থোংবা কম্পনীশিং অমসুং রিসর্চ এন্তিতীশিং য়াওখি।
ইন্নোবেসন অমসুং তেক পার্তনরশিপ অসি ভারত-ইজরেলগী নাকল অনিগী ওইবা মরীশিংগী মরুওইবা য়ুম্বী অমনি। লৈবাক অনিমক্না "ইন্দিয়া-ইজরেল ইন্নোবেসন ব্রিজ" ইনিসিএতিবকী খুত্থাংদা হৌজিক মতমগী শিংনবশিং থেংননবা সোলুসন পুথোক্নবা পুন্না থবক তৌমিন্নরি। ৱাক থ্রু অদুগী মনুংদা, প্রধান মন্ত্রীনা সাইন্তিস্তশিং, তেক-ওন্তপ্রিন্যুওরশিং অমসুং মখাগী কম্পনীশিং/এন্তিতীশিংগী সি.ই.ও.শিংগা ৱারী শানখি:
* ক্বান্তম অমসুং দিপ তেক: প্রধান মন্ত্রীদা ক্বান্তম মেছিনশিংগী খুত্থাংদা ইজরেলগী ক্বান্তম কম্প্যুতিং সেন্তর (আই.ক্যু.সি.সি.)গী মতাংদা অমসুং ক্বান্তম সোফৱেয়র দিবেলপমেন্তবু ক্লাসিকনা লায়থোকহল্লিবা অসিগী মতাংদা পাউদমখি।
* হেল্থ-তেক অমসুং এ.আই.: এ.আই.এস.এ.পি., স্তার্ত-অপ অমনা, রিএল-তাইম দাইগ্নোস্তিক গাইদেন্স পীরিবা, এ.আই.না পাৱর তৌবা পোইন্ত-ওফ-কেয়র ওলত্রাসাউন্দ উৎখি। ইজরেলগী সাইন্স অমসুং তেক্নোলোজী মিনিস্ত্রিগী হোরাইজন স্কেনিং দিভিজননা স্ত্রেতেজিক রিস্ক থিদোকপা অমসুং ত্রেন্দ এনালাইসিসকীদমক এ.আই.না চলাইবা "তেক স্কাউত" অমা উৎখি।
* স্মার্ত মোবিলিতী: তেক্নোলোজী এন্তরপ্রাইজ অমা ওইরিবা মোবাইলেয়েনা, লম্বীগী এক্সিদেন্তশিং হন্থহন্নবা পান্দম থম্লিবা সেন্সর অমসুং চিপ তেক্নোলোজী উৎখি।
* সাইবর সেক্যুরিতী: চেক পোইন্ত সোফৱেয়র তেক্নোলোজীশিংনা মখোয়গী এদভান্স থ্রেৎ প্রিভেন্সন সোলুসনশিং অমসুং ভারত্তা মখোয়গী কোলাবোরেসনশিং ফোংদোকখি।
* ঈশিং অমসুং লৌউ-শিংউ: উৎলিবা সোলুসনশিং অসি সস্তেনেবিলিতীদা ইন্নোবেসনশিংদা মীৎয়েং থম্লি। ৱাতরজেননা নুংশিৎতগী থক্নবা ঈশিং পুথোকপগী তেক্নোলোজী উৎখি, অদুগা এন-দ্রিপনা গ্রেভিতি-পাৱর মাইক্রো-ইরিগেসন সিস্তেম উৎখি। নেচরেল ওফসেৎ ফার্মিং (এন.ও.এফ.) না ইলেক্ত্রিসিতী য়াওদনা চিঞ্জাক মাংহন্দনবা লৌউরোক মতুংগী পাম্বৈশিং ফোংদোকখি।
* ক্লাইমেৎ অমসুং বাইও-তেক: রিমিল্কনা লেবোরেতরীদা পুথোকপা মিল্ক প্রোতীনশিংগীদমক প্রিসিজন ফর্মেন্তেসন উৎখি, অমসুং বারএলগেনা মেছিন-লর্নিং-ইন্তিগ্রেতেদ মাইক্রোএলগে কল্তিবেশন উৎখি। মাইনোরা বাইওনা অখন্নবা বাইও-কনভর্সন এদিতিবশিং শীজিন্নদুনা প্লাস্তিক ৱেস্ত মেনেজমেন্ত উৎখি।
* ইনর্জী অমসুং নেচরেল রিসোর্সেস: জিওফিজিকেল ইন্সতিত্যুৎ (জি.আই.আই.) না মিনরেল রিসোর্সশিং ক্বান্তিফাই তৌনবা হায়-রিজোলুসন মোদেলিং উৎখি।
* স্পেস: ইজরেল এরোস্পেস ইন্দস্ত্রীজনা মসিগী অপীকপা কম্ম্যুনিকেসন সেতলাইৎশিং অমসুং ইন্তিগ্রেতেদ সিন্থেতিক এপরচর রাদর [এস.এ.আর.] উৎখ্রে।
ইন্নোবেতরশিংগা ৱারী শানখিবা অদুদা প্রধান মন্ত্রীনা হায়খি মদুদি উৎলিবা কত্তিং-এদজ তেক্নোলোজীশিং অসিনা ভারত-ইজরেল ইন্নোবেসন, স্তার্ত-অপশিং অমসুং বিজিনেস পার্তনরশিপশিং, মরুওইনা লৌউ-শিংউ, ঈশিংগী মেনেজমেন্ত, হকশেল অমসুং দিজিতেল সর্বিসশিং অসি পাকথোক চাউথোকহন্নবা অচৌবা পোতেন্সিয়েল লৈ। মহাক্না কম্পনীশিংবু ভারত্তা ইনবেস্তমেন্ত, মেনুফেকচরিং অমসুং তেক্নোলোজী পার্তনরশিপ শেমগৎনবা খুদোংচাবশিং য়েংশিন্নবা হায়খি।
Yesterday in Jerusalem, PM Netanyahu and I visited an exhibition which showcased special innovations from the world of technology. Got a glimpse of pioneering work by Israeli youth in areas such as AI, Quantum, healthcare, cyber security, water resources, agriculture and more.… pic.twitter.com/xNdJxcGKS2
— Narendra Modi (@narendramodi) February 26, 2026
אתמול בירושלים , רוה"מ נתניהו ואני ביקרנו בתערוכה שהציגה מוצרי חדשנות מיוחדים מעולם הטכנולוגיה . קיבלתי הצצה לעבודות חלוציות של ישראלים צעירים בתחומי ה AI, קוונטום, בריאות, ביטחון סייבר, מקורות מים, חקלאות ועוד. עודדתי את החברות הישראליות להשקיע בהודו ולעבוד בשיתוף עם הצעירים… pic.twitter.com/qt1I4of4Z7
— Narendra Modi (@narendramodi) February 26, 2026
