জনুৱারি ১৭-১৮,২০২৬ দা প্রধান মন্ত্রী শ্রী নরেন্দ্র মোদী নোংচুপ বেঙ্গলদা চৎকনি।
জনুৱারি ১৭ গী নুমিৎয়ুংবা মতুং পুং ১২:৪৫ রোম তাবদা, প্রধান মন্ত্রী মালদাদা চৎকনি অমসুং মালদা তাউন রেলৱে ষ্টেসন্দা প্রধান মন্ত্রীনা হাওরা অমসুং গুৱাহাতি(কমাক্ষ্য) গী মরক্ত চেনগদবা ভারতকী অহানবা বন্দে ভারত শ্লিপ্পর ত্রেন লমথাগনি। তুংদা, নুংথিল পুং ১:৪৫ রোম তাবদা, মালদাদা পাংথোকপা মীয়ামগী থৌরম অমদা প্রধান মন্ত্রীনা লুপা করোর ৩,২৫০ হেনবগী তোঙান তোঙানবা রেল অমসুং লম্বীগী প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি।
জনুৱারি ১৮ দা, নুংথিল পুং ৩ রোম তাবদা, প্রধান মন্ত্রীনা হুগ্লি জিলাগী শিঙ্গুরদা লুপা করোর ৮৩০ হেনবগী তোঙান তোঙানবা চাউখৎ-থৌরাংগী প্রোজেকশিং শঙ্গাগনি, উরেপ-উয়ুং তমগনি অমসুং লমথাগনি।
মালদাদা প্রধান মন্ত্রী
প্রধান মন্ত্রী মালদাদা চৎকনি অমসুং লুপা করোর ৩,২৫০ হেনবগী তোঙান তোঙানবা রেল অমসুং লম্বীগী প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি, মসিনা নোংচুপ বেঙ্গল অমসুং অৱাং-নোংপোক লমদমদা চৎথোক-চৎশিন ফগৎহন্নবা অমসুং চাউখৎপা য়াংশিন্নবা পান্দম থম্লি।
প্রধান মন্ত্রীনা মালদা তাউন রেলৱে ষ্টেসন্দা চৎকনি, মফম অদুদা মহাক্না হাওরা অমসুং গুৱাহাতি(কমাক্ষ্য) গী মরক্ত চেনগদবা ভারতকী অহানবা বন্দে ভারত শ্লিপ্পর লমথাগনি। মহাক্না ভর্চুএল ওইনা গুৱাহাতি(কমাক্ষ্য)-হাওরা বন্দে ভারত শ্লিপ্পর ত্রেনসু লমথাগনি। অনৌবা ভারতকী চৎথোক-চৎশিনগী দরকার ওইবা হেনগৎলক্লিবা অসি পীনবা শেমগৎপা মপুংফানা এয়র-কন্দিসন তৌরবা বন্দে ভারত শ্লিপ্পর ত্রেন অসিনা পেসেঞ্জরশিংদা অহোংবা ভারাশিংদা এয়রলাইন অমদা চৎপগী নুংঙাইবা পীগনি। মসিনা অশাংবা খোঙচৎশিং য়াংহনগনি, অশোই-অঙাম থোকহল্লোই অমসুং হেন্না খুদোংচাহনগনি। হাওরা অমসুং গুৱাহাতি(কমাক্ষ্য) গী মরক্ত চৎথোক-চৎশিন্দা চঙবা মতম হন্থহন্দুনা চাউরাক্না পুং ২.৫ রোম চঙগনি, ত্রেন অসিনা লাইনিং-লাইশোনগী চৎথোক-চৎশিন অমসুং তুরিজমসু চাউখৎহনগনি।
প্রধান মন্ত্রীনা নোংচুপ বেঙ্গলদা অচৌবা রেলৱে প্রোজেক মরিগী উরেপ-উয়ুং তমগনি। প্রোজেকশিং অসিগী মনুংদা বালুরঘাত অমসুং হিলিগী মরক্ত অনৌবা রেল লাইন, ন্যু জলপাইগুরিদা তুংগী মীরোলগী ফ্রেদ শেমজিন্নবগী খুদোংচাবশিং, সিলিগুরি লোকো সেদ ফগৎহনবা অমসুং জলপাইগুরি জিলাদা বন্দে ভারত ত্রেন শেমজিন্নবা খুদোংচাবশিং মতমগা চুন্না শেমগৎপা য়াওরি। প্রোজেকশিং অসিনা পেসেঞ্জর অমসুং পোৎ-চৈ পুবগী থবকশিং ফগৎহনগনি, অৱাং থংবা বেঙ্গলদা লোজিষ্টিক্স ফগৎহনগনি অমসুং লমদম অসিদা থবক ফংনবা খুদোংচাবশিং পীগনি।
প্রধান মন্ত্রীনা ন্যু কোচবিহার-বনমানহত অমসুং ন্যু কোচবিহার-বোজিরহাতকী মরক্ত অনৌবা রেল লাইনশিং ইলেক্ত্রিক ফংহনবগী থবক মীয়ামদা কৎথোক্কনি, মসিনা ত্রেনশিং য়াংনা, মৈখু থাংদনা অমসুং ইনর্জি য়াম্না চঙদনা চেনবা ঙমহনগনি।
প্রধান মন্ত্রীনা ভর্চুএল ওইনা অনৌবা অমৃত ভারত এক্সপ্রেস ত্রেন ৪ লামথাগনি। হায়রিবা ত্রেনশিং অদুদি ন্যু জলপাইগুরি - নাগেরকোইল অমৃত ভারত এক্সপ্রেস; ন্যু জলপাইগুরি - তিরুচিরাপ্পালি অমৃত ভারত এক্সপ্রেস; অলিপুরদুয়ার -এস.এম.ভি.তি বেঙ্গালুরু অমৃত ভারত এক্সপ্রেস; অলুপুরদুয়ার – মুম্বাই(পানবেল) অমৃত ভারত এক্সপ্রেসনি। মসিনা ভারা হোংনা অমসুং নুংঙাইনা রেলনা লমশাং চৎপগী খুদোংচাবা হেনগৎহনগনি। হায়রিবা থবকশিং অসিনা মীচম মীয়াম, মহৈরোয়শিং, লাংফৈদা থবক শুবা চৎপা মীওইশিং অমসুং ললোনবশিং চৎথোক-চৎশিনদা মতেং পাংগনি অমসুং রাজ্যশিংগী মরক্ত শেন-থুম অমসুং খুন্নাইগী মরীশিং হেন্না ফগৎহনগনি।
এল.ঐচ.বি কোচশিং য়াওরবা অনৌবা ত্রেন মরিসু প্রধান মন্ত্রীনা লমথাগনি, হায়রিবা ত্রেনশিং অদুদি রাধিকাপুর – এস.এম.ভি.তি বেঙ্গালুরু এক্সপ্রেস; বালুরঘাত - এস.এম.ভি.তি বেঙ্গালুরু এক্সপ্রেসনি। ত্রেনশিং অসিনা লমদম অসিগী নহারোলশিং, মহৈরোয়শিং অমসুং আই.তিগী থবক তৌরিবা মীওইশিংদা বেঙ্গালুরুগুম্বা অচৌবা আই.তিগী মফম অমসুং থবক মফমদা নুংঙাইনা, অশোই-অঙাম লৈতনা অমসুং হকথেংননা চৎনবগী খুদোংচাবা পীরগনি।
প্রধান মন্ত্রীনা নেসনেল হায়ৱে-৩১দিগী ধুপগুরি-ফালাকাতা সেক্সনগী খুন্দা-লৈতাহনবা অমসুং লেন মরি ওনখৎপগী থবক উরেপ-উয়ুং তমগনি, মরুওইবা প্রোজেক অসিনা লমদম অসিগী চৎথোক-চৎশিন ফগৎহনগনি অমসুং অৱাং থংবা বেঙ্গলদা পেসেঞ্জরশিং অমসুং পোৎ-চৈ পুথোক-পুশিন হেন্না নুংঙাইহনগনি।
প্রোজেকশিং অসিনা ইনফ্রাষ্ট্রকচর শেমগৎপা অমসুং লম্বী-থোঙ ফগৎহনবদা মরুওইবা থৌদাং অমা লৌগনি, নোংপোক অমসুং অৱাং-নোংপোক লমদমশিং লৈবাক অসি চাউখৎনবা মরুওইবা ইঞ্জিশিং ওইনা থবক তৌবা হেনগৎহনগনি।
হুগ্লিদা প্রধান মন্ত্রী
প্রধান মন্ত্রীনা হুগ্লি জিলাগী শিঙ্গুরদা লুপা করোর ৮৩০ হেনবগী তোঙান তোঙানবা চাউখৎ-থৌরাংগী প্রোজেকশিং শঙ্গাগনি, উরেপ-উয়ুং তমগনি অমসুং লমথাগনি।
ইনলেন্দ ৱাতর ত্রান্সপোর্ত (আই দব্লিউ তি) তর্মিনেল অমা অমসুং রোদ ওভর ব্রিজ অমা য়াওনা, প্রধান মন্ত্রীনা বালাগরদা এক্সতেন্দেদ পোর্ত গেত সিষ্টেমগী উরেপ-উয়ুং তমগনি।
বালগরগী একর ৯০০ রোম পাক-চাউবা মফম অমা চহি অমদা মিল্লিয়ন তন ২.৭ রোমগী কেপাসিতিগী পান্দম অমগা লোয়ননা অনৌবা কার্গো হেন্দলিং তর্মিনেল অমা শেমগৎকনি। প্রোজেক অসিদা কার্গো হেন্দলিং জেতি অনি শাবা, অমনা কন্তেন্নরশিংগী কার্গোগী অমসুং অমনা দ্রাই বল্ক কার্গোগী ওইগনি।
য়াম্না চিনবা সহরগী লম্বীশিংদগী অচৌবা কার্গোশিং পুবা থৈদোরক্তুনা কার্গো লৌথোকপগী থবক ফগৎহন্নবা বালাগর প্রোজেক্না পান্দম থম্লি। মসিনা কোলকাতা সহরদা লম্বীদা অশোই-অঙাম থোক্তবা হেনগৎহনগনি, গারি চিনবা অমসুং পোল্লুসন হন্থহনগনি অমসুং মীয়ামগী হিংবগী থাক ৱাংখৎহনগনি। মল্তিমোদালগী চৎথোক-চৎশিন ফগৎহনবা অমসুং লোজিষ্টিক্স ফগৎহনবনা লমদম অসিগী উদ্যোগশিং, এম.এস.এম.ইশিং অমসুং লৌউ-শিংউগী পোৎথোকশিং পুথোক্লিবশিংদা শেন য়াম্না চঙদনা কৈথেলশিং য়ৌবা ঙমহনগনি। প্রোজেক অসিনা নাকোইননা অমসুং হকথেংননা থবক কয়া পীগনি হায়না পানরি অমসুং লোজিষ্টিক্স, তর্মিনেলগী থবকশিং, ত্রান্সপোর্তকী থবকশিং, শেমজিন-শাজিনবা অমসুং মরী লৈনবা থবকশিংদা লমদম অসিগী মীয়াম থবক ফংগনি।
প্রধান মন্ত্রীনা কোলকাতদা অফবা অমসুং অনৌবা ইলেক্ত্রিক কাতামারন অমসু হৌদোক্কনি। মসি কংফালগী ঈশিং লম্বীদা চৎথোক-চৎশিন তৌনবা কোচিন সিপয়ার্দ লিমিতেদনা শাবা ইলেক্ত্রিক কাতামারন ৬ গী মনুংদা অমনি। পেসেঞ্জর ৫০ চনবা হায়ব্রিদ ইলেক্ত্রিক এলুমিনিয়ম কাতামারন অসিদা অৱাংবা থাক্কী ইলেক্ত্রিক প্রোপুলসন সিষ্টেমশিং অমসুং লিথিয়ম-তাইতানেত বেত্তরি তেক্নোলোজি য়াওরি অমসুং মসি মপুংফানা ইলেক্ত্রিক জিরো-ইমিসন মোদ অমসুং হায়ব্রিদ মোদতা থবক তৌবা ঙম্মী। ভেসেল অসিনা সহরগী তুরেলদা চৎথোক-চৎশিন তৌবা, ইকো-তুরিজম অমসুং হুগ্লি তুরেল পরিংদা মনুং-হুঞ্জিনবা মফমদা পেসেঞ্জর চৎথোক-চৎশিন ঙমহগনি।
প্রধান মন্ত্রীনা জয়রাম্বতি-বোরোগোপিনাথপুর-মৈনাপুর ন্যু রেল লাইনসু শঙ্গাগনি। লাইন অসি তারকেশ্বর-বিষ্ণুপুর ন্যু রেল লাইন প্রোজেক্কী মরুওইবা শরুক অমনি। অনৌবা রেল লাইন অসিগা লোয়ননা, বোরোগোপিনাথপুরদা খামগদবা মৈনাপুর অমসুং জয়রাম্বতিগী মরক্ত অনৌবা ত্রেন অমসু লমথাগনি। মসিনা বঙ্কুরাগী মীয়ামদা হকথেংননা রেলদা চৎনবগী খুদোংচাবা পীগনি, চৎথোক-চৎশিন্দা ভারা হেন্না চঙহল্লোই অমসুং নুমিৎ খুদিংগী চৎথোক-চৎশিন তৌরিবা মীওইশিং, মহৈরোয়শিং অমসুং লাই খুরুম্বা লাকপা মীওইশিংদা খুদোংচাহনগনি।
প্রধান মন্ত্রীনা অমৃত ভারত এক্সপ্রেস ত্রেন অহুম লমথাগনি: কোলকাতা(হাওরা) – অনন্দ বিহার তর্মিনেল অমৃত ভারত এক্সপ্রেস; কোলকাতা(সিলদাহ) – বারানাস অমৃত ভারত এক্সপ্রেস; কোলকাতা(সন্ত্রাগাচি) -তাম্বারাম অমৃত ভারত এক্সপ্রেস।
