প্রধান মন্ত্রী শ্রী নরেন্দ্র মোদীনা জুন ৫, ২০২৬দা গুজরাত অমসুং দামনদা চৎকনি। নুংথিল পুং ২:৩০রোম তাবা মতমদা প্রধান মন্ত্রীনা সুরত জিলাগী হজিরাদা চৎকনি অমসুং হৌজিক চত্থরিবা ইন্দস্ত্রিএল ওপরেসনশিং অমসুং ইনফ্রাস্ত্রকচর প্রোজেক্তশিং য়েংশিনগনি। নুংথিল পুং ৪:১৫রোম তারকপদা প্রধান মন্ত্রীনা সুরত্তা লুপা করোর ১৮,৮০০রোমগী তোঙান তোঙানবা চাউখৎ-থৌরাংগী প্রোজেক্তশিং শঙ্গাগনি, জাতিদা কত্থোক্কনি অমসুং উরেপ-উয়ুং তমগনি। মহাক্না থৌরম অদুদা তিনবা মীয়ামদা ৱা ঙাংগনি।
প্রধান মন্ত্রীনা মতুংদা দামনদা চৎকনি, মফম অদুদা নুংমিদাংৱাইরম ৬:১৫রোম তাবদা দামনদা নমো এয়রপোর্তকী অনৌবা তর্মিনেল বিল্দিং শঙ্গাগনি। মসিগী মতুংদা জাতিদা দামনগী নমো হোস্পিতাল কত্থোক্কনি। মসিগী মতুংদা নুংমিদাং পুং ৭:১৫ রোম তাবদা প্রধান মন্ত্রীনা দামনদা লুপা করোর ২,৯৭০রোমগী তোঙান তোঙানবা চাউখৎ-থৌরাংগী প্রোজেক্তশিং শঙ্গাগনি, কত্থোক্কনি অমসুং উরেপ-উয়ুং তমগনি। মহাক্না লুপা করো ৮৮৫রোমগী লাক্ষদ্বীপ য়ুনিয়ন তেরিতোরীগী মরু ওইবা প্রোজেক্ত মরিগীসু উরেপ-উয়ুং তমগনি। মহাক্না থৌরম অদুদা তিল্লিবা মীয়ামদসু ৱা ঙাংগনি।
সুরত্তা পি.এম.
প্রধান মন্ত্রীনা লম্বী, পাৱর অমসুং ইন্দস্ত্রিএল সেক্তরশিংদা সুরত্তা লুপা করোর ১৮,৮০০ হেনবগী চাউখৎ-থৌরাংগী প্রোজেক্ত কয়ামরুম শঙ্গাগনি, জাতিদা কত্থোক্কনি অমসুং উরেপ-উয়ুং তমগনি।
প্রধান মন্ত্রীনা ভাদোদরা-মুম্বাই এক্সেপ্রেসৱেগী পেকেজ VI অমসুং VII জাতিদা কত্থোক্কনি, মসিনা হায়-স্পীদ ত্রান্সপোর্তেসন, লোজিস্তিক্স ইফিসিএন্সী অমসুং গুজরাত অমসুং মহারাস্ত্রগী মরক্তা ইকনোমিক কন্নেক্তিবিতী হেনগৎহনগনি। প্রধান মন্ত্রীনা মরু ওইবা ইনফ্রাস্ত্রকচর প্রোজেক্তশিংগী উরেপ-উয়ুং তমগনি, মসিদা ত্রাইবেল লমশিংদা কন্নেক্তিবিতী ফগৎহন্নবা অমসুং স্তেত্যু ওফ য়ুনিতীদা এক্সেস হেনগৎহন্নবা এন.ঐচ.-৫৬দা মরু ওইবা সেক্সনশিং লেন মরি ওনবা য়াওরি।
প্রধান মন্ত্রীনা সুরত্তা ফমুং ২২০ লৈবা ই.এস.আই.সি. হোস্পিতাল অমসু শঙ্গাগনি, মসিনা মরু ওইবা স্পেসিএলিতীশিংদা মোদর্ন সেকেন্দরী হেল্থকেয়র পীগনি, হায়রিবা অসি সেন্ত্রেল লেবোরেতোরী অমসুং তঙাই ফদবা এন্সিল্লরী সর্ভিসশিংনা ঙাকলৌ পীরি। মসিদা ২৪/৭ ইমর্জেন্সী অমসুং ত্রোমা কেয়রসু লৈগনি, মসিনা ওক্যুপেস্নেল ইঞ্জরীশিং অমসুং মেদিকেল ইমর্জেন্সীশিং মতম চানা মেনেজমেন্ত তৌবা ঙমহনগনি। প্রধান মন্ত্রীনা ইন্তর-স্তেৎ ত্রান্সমিসন সিস্তেমগী মখাদা পাৱর ইভাক্যুএসন কেপাসিতী হেনগৎহন্নবা গুজরাত্তা ত্রান্সমিসন নেৎৱার্ক পাকথোক চাউথোকহনবা য়াওনা ক্রিতিকেল য়ুনিতী অমসুং ইন্দস্ত্রিএল ইনফ্রাস্ত্রকচর প্রোজেক্তশিং শঙ্গাগনি। প্রধান মন্ত্রীনা ভালসাদতা রিভেম্প রিফোর্মস-বেজ দিস্ত্রিব্যুসন সেক্তর স্কিমগী মখাদা মোদর্ন পাৱর দিস্ত্রিব্যুসন অপগ্রেদশিং, দাহেজ পেত্রোকেমিকেল্স এন্দ পেত্রোকেমিকেল ইনভেস্তমেন্ত রিজন (পি.সি.পি.আই.আর.) অমসুং সরিগম গুজরাত ইন্দস্ত্রিএল দিবেলপমেন্ত কোর্পোরেসন (জি.আই.দি.সি.)দা এদভান্স ইফ্ল্যুএন্ত দিস্পোজেল অমসুং ত্রীৎমেন্ত ইনফ্রাস্ত্রকচর, অমসুং জমবুসর বল্ক দ্রগ পার্কদা এসেন্সিএল লেআউৎ য়ুতিলিতীশিং য়াওনা গুজরাত সরকারগী মরু ওইবা থৌশিল কয়ামরুমসু শঙ্গাগনি।
দামনদা পি.এম.
প্রধান মন্ত্রীনা দামনদা লুপা করোর ২,৯৭০রোমগী চাউখৎ-থৌরাংগী প্রোজেক্তশিং শঙ্গাগনি, জাতিদা কত্থোক্কনি অমসুং উরেপ উয়ুং তমগনি। প্রোজেক্তশিং অসিনা হেল্থকেয়র, সিভিল এভিএসন, তুরিজ, ইনফ্রাস্ত্রকচর, কন্নেক্তিবিতী অমসুং মীয়ামগী য়াইফ-থৌরাং য়াওনা সেক্তর কয়ামরুম কোনশিল্লি অমসুং মসিনা দাদরা অমসুং নগর হভেলি অমসুং দামন অমসুং দিয়ু য়ুনিয়ন তেরিতোরীগী অপুনবা চাউখৎ-থৌরাংদা চাউনা শাহৌ অমা পীগনি পানরি।
প্রধান মন্ত্রীনা দামনদা নমো এয়রপোর্তকী অনৌবা তর্মিনেল বিল্দিং অমসুং নমো হোস্পিতাল য়াওনা লুপা করোর ১,৩৪০গী প্রোজেক্ত শঙ্গাগনি অমসুং কত্থোক্কনি। অনৌবা এয়রপোর্ত তর্মিনেল অসিনা লমদম অসিদা রিজনেল এয়র কন্নেক্তিবিতী চাউনা হেনগৎহনগনি অমসুং ইকনোমিক গ্রোথ লৈহনবদা মতেং পাংগনি। নমো হোস্পিতাল, দামন জিলাগী দিস্ত্রিক্ত হোস্পিতাল অসি নোংমদা ও.পি.দি. পেসেন্ত ১,৫০০গী ময়া নক্না শেবা তৌনবা শেমগৎখি অমসুং মীয়ামদা ক্বালিতী হেল্থকেয়র সর্ভিসশিং এক্সেস তৌবা হেনগৎহনগনি।
প্রধান মন্ত্রীনা লুপা করোর ১,৬৩০রোমগী প্রোজেক্তশিংগী উরেপ-উয়ুংসু তমগনি। দামনদা মমিং লৈরবা থোং, দামন কনভেন্সন সেন্তর অমসুং এন.আই.এফ.তি. কেম্পস য়াওনা মরু ওইবা প্রোজেক্তশিং য়াওরি। মসিগী প্রোজেক্তশিং অসিনা মোদর্ন ইনফ্রাস্ত্রকচর মপাঙ্গল কনখৎহনগনি, তুরিজম থৌগৎকনি, ইনভেস্তমেন্ত লৈহনগনি, থবক্কী খুদোংচাবশিং পীগনি অমসুং মীয়ামগী পুন্সিগী ক্বালিতী ফগৎহনগনি।
.প্রধান মন্ত্রীনা লুপা করোর ৮৮৫রোমগী লাক্ষদ্বীপ য়ুনিয়ন তেরিতোরীগীদমক মরু ওইবা প্রোজেক্তশিংগী উরেপ-উয়ুং তমগনি। প্রোজেক্তশিং অসিদা কালপেনি ঈথৎ অমসুং কদমত ঈথৎ অনিমক্কী নোংপোক অমসুং নোংচুপতা পোর্ত ফেসিলিতীশিং শেমগঃপা য়াওরি। মল্তিপর্পস জেত্তীশিং শেমগৎপনা মিতর ৩০০ ফাওবা শাংবা ক্রুজ ভেসেলশিং য়াওনা অচৌবা পেসেঞ্জর ভেসেলশিং চহি চুপ্পা বর্থিং তৌবা য়াহনগনু। প্রোজেক্ত অসিনা পেসেঞ্জর অমসুং কার্গো হেন্দলিং শাফবা অমসুং ইফিসিএন্ত ওইবা ঙমহনগনি অমসুং ফিশ হেন্দলিং, ফ্যুএল দিস্ত্রিব্যুসন, আইস সপ্লাই অমসুং হী শেমজিনবগী ইন্তিগ্রেতেদ ফেসিলিতীশিং ফংহনগনি। মসিগী থৌশিল অসিনা মেরিতাইম কন্নেক্তিবিতী মপাঙ্গল কনখৎহনগনি, মফম অদুগী ঙামীশিংগী পুন্সি মহিংদা মতেং পাংগনি, তুরিজম থৌগৎকনি অমসুং ঈথৎশিং অসিগী সোসিও-ইকনোমিক দিবেলপমেন্তদা শরুক তমগনি।
I will be in Surat, Gujarat and Daman tomorrow, 5th June, to attend various programmes aimed at improving ‘Ease of Living’ for the people. In these two programmes, development works worth over Rs. 20,000 crore will be inaugurated or their foundation stones will be laid.…
— Narendra Modi (@narendramodi) June 4, 2026
In Surat, key infra projects will be launched including key packages of the Vadodara-Mumbai Expressway. An ESIC Hospital for the city and surrounding areas will also be inaugurated. Other works to be inaugurated include the Transmission Network Expansion in Gujarat, modern power…
— Narendra Modi (@narendramodi) June 4, 2026
In Daman, the key inaugurations include a new terminal building of the airport, which will improve connectivity. The Namo Hospital will cater to people’s healthcare needs. The foundation stones for projects like the Daman Convention Centre and the NIFT Campus will be laid. pic.twitter.com/SlaiKJRNTe
— Narendra Modi (@narendramodi) June 4, 2026
From the same programme, foundation stones for development works in Lakshadweep will also be laid. These works include development of Port Facilities on the Eastern and Western Sides of both Kalpeni Island and Kadmat Island. By improving maritime infrastructure, these initiatives…
— Narendra Modi (@narendramodi) June 4, 2026
