প্রধান মন্ত্রী শ্রী নরেন্দ্র মোদী 2024গী ওগস্ত 30দা মহারাস্ত্রগী মুম্বাই অমসুং পালঘরদা চৎকনি। অয়ুক পুং 11 রোম তাবদা, প্রধান মন্ত্রীনা মুম্বাইদা জিও ৱর্ল্দ কনভেন্সন সেন্তরদা গ্লোবেল ফিনতেক ফেস্ত (GFF) 2024দা ৱা ঙাংগনি। মসিগী মতুংদা, নুমিদাং পুং 1:30 রোম তাবদা, প্রধান মন্ত্রীনা পালঘরগী CIDCO গ্রাউন্দদা তোঙান তোঙানবা চাউখৎ-থৌরাংগী প্রোজেক্তশিং শঙ্গাগনি অমসুং উরেপ-উয়ুং তমগনি।
পালঘরদা পি.এম.
প্রধান মন্ত্রীনা 2024গী ওগস্ত 30দা ভাধভন পোর্তকী উরেপ উয়ুং তমগনি। প্রোজেক্ত অসিগী অপুনবা শেনফম অসি চাউরাক্না লুপা করোর 76,000নি। অচৌবা কন্তেনরগী জহাজশিং, দীপ দ্রাফ্তশিং অমসুং য়াম্না চাউবা কার্গো জহাজশিং থম্বা য়াহন্দুনা লৈবাক অসিগী ললোন-ইতিক অমসুং শেন্মিৎলোন চাউখৎহনগদবা মালেমগী থাক্কী মেরিতাইম গেৎৱে অমা শেমগৎনবা পান্দম থম্লি।
পালঘর জিলাগী দাহানু সহরগী মনাক্তা লৈবা ভাধভন পোর্ত অসি ভারতকী খ্বাইদগী চাউবা দী্র ৱাতর পোর্তশিংগী মনুংদা অমা ওইগনি অমসুং মসিনা ত্রান্সিৎকী মতম অমসুং শেনফম হন্থহন্দুনা ইন্তর্নেস্নেল শিপ্পিং রুতশিংদা হকথেংননা শম্নবা ঙমহল্লগনি। স্তেৎ-ওফ-আর্ত তেক্নোলোজী অমসুং ইনফ্রাস্ত্রকচরগা লোয়ননা পোর্ত অসিদা দীপ বার্থশিং, অফবা কার্গো হেন্দলিং ফেসিলিতীশিং, অমসুং মোদর্ন পোর্ত মেনেজমেন্ত সিস্তেমশিং য়াওগনি। পোর্ত অসিনা থবক ফংহন্নবা অচৌবা খুদোংচাবশিং ফংহল্লগনি, লোকেল বিজিনেসশিং পুক্নিং থৌগৎকনি অমসুং লমদম অসিগী অপুনবা শেন্মিৎলোন চাউখৎহনবদা মতেং পাংগনি হায়না পানরি। ভাধভন পোর্ত প্রোজেক্ত অসিদা অকোইবগী ফীভমদা শাফু পীবা হন্থহন্নবা অমসুং অকনবা ইকোলোজিকেল স্তেন্দর্দশিং ঙাক্না চৎনবদা মীৎয়েং থমদুনা সস্তেনেবল দিবেলপমেন্ত প্রাক্তিসশিং য়াওহল্লিন। পোর্ত অসি ওপরেস্নেল ওইরবা মতুংদা, ভারতকী মেরিতাইম কন্নেক্তিবিতী হেনগৎহল্লগনি অমসুং গ্লোবেল ত্রেদ হব অমা ওইনা আগী থাক অসি হেন্না মপাঙ্গল কনখৎহল্লগনি।
লৈবাক শিনবা থুংনা সেক্তর অসিগী ইনফ্রাস্ত্রকচর অমসুং প্রদক্তিবিতী হেনগৎহন্নবা পান্দম থম্লিবা লুপা করোর 1,560 গী ফিশরীজ প্রোজেক্ত 218 শঙ্গাগনি অমসুং উরেপ উয়ুংসু তমগনি। খোঙথাংশিং অসিনা ফিশরীজ সেক্তরদা থবক লাখ মঙা হেনবগী খুদোংচাবা পীগনি হায়না পানরি।
প্রধান মন্ত্রীনা চাউরাক্না লুপা করোর 360 চংনা নেস্নেল রোল আউৎ ওফ ভেসেল কম্ম্যুনিকেসন এন্দ সপ্পোর্ত সিস্তেম হৌদোক্কনি। প্রোজেক্ত অসিগী মখাদা, সমুদ্র মপালগী রাজ্য অমসুং য়ুনিয়ন তেরিতোরী 13দা লৈরিবা মেকানাইজ অমসুং মোতোরাইজ ফিশিং ভেসিলশিংদা তাঙ্কক নাইনা ত্রান্সপোন্দর লাখ 1 ইনস্তোল তৌগনি। ভেসেল কম্ম্যুনিকেসন অমসুং সপ্পোর্ত সিস্তেম অসি ইসরোনা শাবা লমদমসিগী ওইবা তেক্নোলোজীনি। মসিনা ঙামীশিং সমুদ্রদা লৈরিঙৈ মতমদা নাকল অনিগী ওইবা কম্ম্যুনিকেসন অমা শেমগৎপদা মতেং পাংগনি অমসুং ঐখোয়গী ঙামীশিংগী রেস্ক্যু ওপরেসনশিং লোয়ননা শাফনা লৈহনবদা মতেং পাংগনি।
প্রধান মন্ত্রীনা হৌদোক্কদৌরিবা অতোপ্পা থৌশিলশিংগী মনুংদা রিসর্ক্যুলেতরী এক্বাকলচর সিস্তেম অমসুং বাইওফ্লোককুম্বা এদভান্স তেক্নোলোজী শীজিন্নবগী মথক্তা ফিশিং হার্বরশিং অমসুং ইন্তিগ্রেতেদ এক্বা পার্কশিং শেমগৎপা য়াওরি। প্রোজেক্তশিং অসি রাজ্য কয়াদা পায়খৎকনি অমসুং ঙাগী পোত্থোক হেনগৎহন্নবা, লৌরোক মতুংগী মেনেজমেন্ত ফগৎহন্নবা অমসুং ঙাগী সেক্তরদা শরুক য়াবা মীওই মিলিয়ন কয়াগীদমক তুং কোইনা হিংনবগী লম্বী শেম্নবগীদমক মরু ওইবা ইনফ্রাস্ত্রকচর অমসুং হায়-ক্বালিতী ইনপুতশিং ফংহল্লগনি।
প্রধান মন্ত্রীনা ফিশিং হার্বরশিং, ঙা য়োকপগী সেন্তরশিং অমসুং ঙাগী কৈথেলশিং শেমগৎপা, অপগ্রেদ তৌবা অমসুং মোদর্নাইজ তৌবা য়াওনা মরুওইবা ফিশরী ইনফ্রাস্ত্রকচর প্রোজেক্তশিংগীদমক উরেপ উয়ুংসু তমগনি। মসিনা ঙা অমসুং সমুদ্রগী পোৎলমশিংগী পোস্ত-হর্ভেস্ত মেনেজমেন্তকীদমক মথৌ তাবা ফেসিলিতীশিং অমসুং হায়জিনিক কন্দিসনশিং ফংহল্লগনি হায়না পানরি।
মুম্বাইদা পি.এম.
প্রধান মন্ত্রীনা গ্লোবেল ফিনতেক ফেস্ত (GFF) 2024গী অখন্নবা মীফমদা ৱা ঙাংগনি। GEF অসি পেমেন্ত কাউন্সিল ওফ ইন্দিয়া, নেস্নেল পেমেন্ত কোর্পোরেসন ওফ ইন্দিয়া অমসুং ফিনতেক কনভর্জেন্স কাউন্সিলনা পুন্না শীনবনি। ভারত অমসুং অতোপ্পা লৈবাক কয়াদগী পোলিসী মেকরশিং, রেগ্যুলেতরশিং, মকোক থোংবা বেঙ্করশিং, ইন্দস্ত্রীগী কেপ্তেনশিং অমসুং একাদেমিকশিং য়াওনা স্পিকর 800 রোম্না কনফরেন্স অসিদা সেসন 350 হেনবদা ৱা ঙাংগনি। মসিদা ফিনতেক লেন্দস্কেপকী খ্বাইদগী নৌবা ইন্নোভেসনশিংসু উৎকনি। 2024গী GFFদা থোত লীদরশিপ রিপোর্ত 20 হেনবা অমসুং হ্বাইৎ পেপরশিং লোঞ্চ তৌগনি, মখোয়না ৱাখল্লোনশিং অমসুং ইন্দস্ত্রীগী অকুপ্পা মরোলশিং পীগনি।
