প্রধান মন্ত্রী শ্রী নরেন্দ্র মোদীনা এপ্রিল ২৪ অমসুং ২৫, ২০২৩দা মধ্য প্রদেশ, কেরালা, দাদরা অমদি নগর হবেলি অমসুং দামন অমদি দিয়ুদা চৎকনি।
এপ্রিল ২৪গী অয়ুক পুং ১১:৩০রোম তারকপদা প্রধান মন্ত্রীনা মধ্য প্রদেশকী রেৱাদা নেস্নেল পঞ্চায়তি রাজ নুমিৎকী পালন থৌরমদা শরুক য়াগনি, মফম অসিদা মহাক্না লুপা করোর ১৯,০০০রোমগী প্রোজেক্তশিং উরেপ-উয়ুং তমগনি অমসুং জাতিদা কত্থোক্কনি।
এপ্রিল ২৫গী অয়ুক পুং ১০:৩০রোম তারকপদা প্রধান মন্ত্রীনা তিরুবনন্তপুরম সেন্ত্রেল রেলৱে স্তেসন্দা ভন্দে ভারত এক্সপ্রেস লমথাগনি। মসিগী মতুং অয়ুক পুং ১১রোম তারজপদা প্রধান মন্ত্রীনা তিরুবনন্তপুরমদা লৈবা সেন্ত্রেল স্তেদিয়মদা লুপা করোর ৩২০০ হেনবগী চাউখৎ-থৌরাংগী প্রোজেক্তশিং উরেপ-উয়ুং তমগনি অমসুং জাতিদা কত্থোক্কনি।
নুমিদাং ৱাইরম পুং ৪ তারকপা মতমদা প্রধান মন্ত্রীনা নমো মেদিকেল এজুকেসন এন্দ রিসর্চ ইন্সতিত্যুত্তা চৎকনি অমসুং নুমিদাং ৱাইরম পুং ৪:৩০ তারকপদা মহাক্না দাদরা অমসুং নগর হবেলীগী সিলবাসাদা লুপা করোর ৪৮৫০ হেনবগী তোঙান-তোঙানবা চাউখৎ-থৌরাংগী প্রোজেক্তশিংগী উরেপ-উয়ুং তমগনি অমসুং জাতিদা কত্থোক্কনি। মসিগী মতুংদা নুমিদাং ৱাইরম পুং ৬ তারকপা মতমদা দামন্দা দেবকা সীফ্রন্ত শঙ্গাগনি।
রেৱাদা পি.এম.
প্রধান মন্ত্রীনা নেস্নেল পঞ্চায়তি রাজ নুমিৎকী পালন থৌরমদা শরুক য়াগনি অমসুং লৈবাক শিনবা থুংবদা লৈরিবা গ্রাম সভা অমসুং পঞ্চায়তি রাজ ইন্সতিত্যুসনশিংদা ৱা ঙাংগনি।
থৌরম অসিদা প্রধান মন্ত্রীনা পঞ্চায়ৎকী থাক্তা পব্লিক প্রোক্যুর্মেন্ত তৌনবগীদমক ইন্তিগ্রেতেদ ইগ্রামস্বারাজ অমসুং জি.ই.এম. পোর্তেল হৌদোক্কনি। ইগ্রামস্বারাজ – গভর্নেমেন্ত ইমার্কেৎপ্লেস ইন্তিগ্রেসনগী পান্দম অসি ইগ্রামস্বারাজ প্লেৎফোর্ম শীজিন্নদুনা জি.ই.এম.গী খুত্থাংদা পঞ্চায়ৎশিংনা মখোয়গী গুদশিং অমসুং সর্ভিসশিং প্রোক্যুর তৌ য়াহনগনি।
সরকারগি স্কিমশিংগী সেচুরেসন তৌনবা মাইকৈদা মীয়াম্না য়াওশিনবা অসি মাংদা পুখৎনবা পান্দমগা লোয়ননা প্রধান মন্ত্রীনা ‘বিকাস কী ওর সাঝে কদম’ কৌবা কেম্পেন অমা হৌদোক্কনি। কেম্পেন অসিগী থিম অসি লাস্ত মাইল হৌহন্নবা মীৎয়েংগা লোয়ননা ইনক্লুসিব দিবেলপমেন্তনা ওইগনি।
প্রধান মন্ত্রীনা বেনিফিসরীশিংদা স্বামিত্ব প্রোপর্তী কার্দ লাখ ৩৫ রোম খুৎশিন্নগনি। থৌরম অসিগী মতুংদা মফম অসিদা য়েন্থোকখিবা য়াওনা লৈবাক অসিদা স্বামিত্ব স্কিমগী মখাদা প্রোপর্তী কার্দ করোর ১.২৫রোম য়েন্থোক্কনি।
‘হাউসিং ফোর ওল’গী মিজন থুংহন্নবা মাইকৈদা চংশিনবা খোঙথাং অমদা প্রধান মন্ত্রী আৱাজ য়োজনা-গ্রামিনগী মখাদা বেনিফিসরী লাখ ৪ হেনবনা ‘গৃহ প্রবেশ’ তৌবগী থৌরমদা প্রধান মন্ত্রীনা শরুক য়াগনি।
প্রধান মন্ত্রীনা লুপা করোর ৪২০০রোমগী তোঙান-তোঙানবা রেলৱে প্রোজেক্তশিং জাতিদা কত্থোক্কনি অমসুং উরেপ-উয়ুং তমগনি। কত্থোক্কদবা প্রোজেক্তশিং অসিদা দব্লিং, গেজ কনভর্জন অমসুং ইলেক্ত্রিফিকেসন প্রোজেক্তশিংগা লোয়ননা মধ্য প্রদেশধা চাদা ১০০ রেল ইলেক্ত্রিফিকেসন তৌবা য়াওরি। প্রধান মন্ত্রীনা গ্বালিয়র স্তেসন নৌনা শেমগৎপগী উরেপ-উয়ুং তমগনি।
প্রধান মন্ত্রীনা জল জীবন মিসনগী মখাদা লুপা করোর ৭,০০০রোম ওইবা প্রোজেক্তশিংগী উরেপ-উয়ুংসু তমগনি।
তিরুবনন্তপুরমদা পি.এম.
প্রধান মন্ত্রীনা তিরুবনন্তপুরম সেন্ত্রেল স্তেসন্দা তিরুবনন্তপুরম অমসুং কাসরগোদকী মরমক্তা কেরালাগী অহানবা ভন্দে ভারত এক্সপ্রেস লমথাগনি। ত্রেন অসিনা জিলা ১১ মমিং ওইনা পল্লবদা তিরুবনন্তপুরম, কোল্লম, কোত্তায়ম, এর্নাকুলম, ত্রিস্সুর, পালক্কাদ, পতনমতিত্তা, মল্লপুরম, কোচিকোদ, কন্নুর অমসুং কাসরগোদ অসিদা চেনগনি।
প্রধান মন্ত্রীনা লুপা করোর ৩২০০ হেনবগী তোঙান-তোঙানবা প্রোজেক্তশিং উরেপ-উয়ুং তমগনি অমসুং জাতিদা কত্থোক্কনি। প্রধান মন্ত্রীনা জাতিদা কোচি ৱাতর মেত্রো কত্থোক্কনি। কোচি সহরগী অপনবা লৈতনা ফাওননবা বেত্তরীনা চলআইবা ইলেক্ত্রিক হাইব্রিদ বোৎশিংগী খুত্থাংদা কোচিগী অকোইবদা লৈরিবা ঈথৎ ১০গা শম্নহন্নবা অনৌবা মখলগী প্রোজেক্ত অমনি। কোচি ৱাতর মেত্রোগী মথক্তা দিন্দিগুল-পালানি-পালক্কাদ সেক্সনগী রেল ইলেক্ত্রিফিকেসন তৌখিবা অদুসু প্রধান মন্ত্রীনা কত্থোক্কনি।
থৌরম অসিদা প্রধান মন্ত্রীনা তিরুবনন্তপুরম, কোচিকোদ, বরকালা সিবাগিরি রেলৱে স্তেসনশিং নৌনা শেমগৎপা য়াওনা তোঙান-তোঙানবা রেল প্রোজেক্তশিং; নেমোম অমসুং কোচুবেলী য়াওনা তিরুবনন্তপুরমগী কমপ্রিহেন্সিব দিবেলপমেন্ত অমসুং তিরুবনন্তপুরম-শোরানুর সেক্সনগী সেক্সনেল স্পীদ হেনগৎহনবা হায়রিবশিং অসিগী উরেপ-উয়ুং তমগনি।
মসিগী মথক্তা প্রধান মন্ত্রীনা তিরুবনন্তপুরমদা দিজিতেল সাইন্স পার্ক্কী উরেপ-উয়ুং তমগনি। দিজিতেল সাইন্স পার্কনা একাদেমিয়াগা লোয়ননা চুংশীন্নদুনা ইন্দস্ত্রী অমসুং বিজিনেস য়ুনিৎশিংনা দিজিতেল প্রদক্তশিং অমসুং সর্ভিসেস দিবেলপ তৌনবা মরু ওইবা রিসর্চ ফেসিলিতী ওইহন্নবা পান্দম থম্মি। থর্দ জেনরেসন সাইন্স পার্ক ওইনা দিজিতেল সাইন্স পার্কনা এ.আই., দেতা এনলাইতিক্স, সাইবর সেক্যুরিতী, স্মার্ত মেতরিএলশিংনচিংবা ইন্দস্ত্রী ৪.০ তেক্নোলোজীজকী লমদা প্রোজেক্তশিং দিবেলপ তৌবদা সপ্পোর্ত তৌনবা কম্মন ফেসিলিতীশিং লৈরগনি। স্তেৎ ওফ দি আর্ত বেসিক ইনফ্রাস্ত্রকচরনা য়ুনিভর্সিতীশিংগা খুৎশম্নদুনা ইন্দস্ত্রীশিংনা হায় এন্দ এপ্লাইদ রিসর্চ তৌবা অমসুং প্রদক্তশিং কো-দিবেলপ তৌবদা মতেং পাংগনি। প্রোজেক্ত অসিগী অহানবা ইনভেস্তমেন্ত অসি লুপা করোর ২০০রোম ওই অমরোমদা অপুনবা প্রোজেক্ত আউৎলে অসিনা লুপা করোর ১৫১৫রোম ওইরা য়াই পান্নরি।
সিলবাসা অমসুং দামন্দা পি.এম.
প্রধান মন্ত্রীনা ২০১৯গী জনুৱারীদা মহাক মশামক্না উরেপ উয়ুং তমখিবা সিলবাসাদা লৈবা নমো মেদিকেল এজুকেসন এন্দ রিসর্চ ইন্সতিত্যুত্তা চৎকনি অমসুং জাতিদা কত্থোক্কনি। মসিনা দাদরা অমসুং নগর হবেলী অমসুং দামন অমসুং দিয়ুগী য়ুনিন তেরিতোরীগী প্রজাশিংগীদমক হেল্থকিয়র সর্ভিসশিংদা অওনবা পুরক্লগনি। স্তেৎ ওফ দি আর্ত মেদিকেল কোলেজ অসিদা খ্বাইদগী নৌবা রিসর্চ সেন্তরশিং, নেস্নেল অমসুং ইন্তর্নেস্নেল জর্নেলশিং পুং ২৪ এক্সেস তৌবা য়াবা সেন্ত্রেল লাইব্রেরী, স্পেসিএলাইস মেদিকেল স্তাফ, মেদিকেল লেবশিইং, স্মার্ত লেকচর হোলশিং, রিসর্চ লেবশিং, এনাতোমী ম্যুজিয়ম, ক্লব হাউস, স্পোর্ত ফেসিলিতীশিং লোয়ননা মহৈরোয়শিং অমদি ফেকলতী মেম্বরশিংগীদমক লৈফম য়াওরি।
মসিগী মতুংদা প্রধান মন্ত্রীনা সিলবাসাদা লৈবা সেলি গ্রাউন্দদা লুপা করোর ৪৮৫০ হেনবগী প্রোজেক্ত ৯৬কী উরেপ-উয়ুং তমগনি অমসুং কত্থোক্কনি। প্রোজেক্তশিং অসিদা দাদরা অমসুং নগর হবেলীগী মোর্খাল, খেরদি, সিন্দোনি অমসুং মাসৎতা সরকারগী স্কুলশিং; দাদরা অমসুং নগর হবেলী জিলাদা তোঙান-তোঙানবা লম্বীশিং ফজহনবা, শেমগৎপা অমসুং পাকথোকপা; অম্বাৱাদি, পরিয়ারি, দামনৱাদা, খারিৱাদতা সরকারগী স্কুলশিং অমসুং দামনদা গভর্নমেন্ত ইঞ্জিনীয়রিং কোলেজ; মোতি দামন অমসুং নানি দামনদা ঙা কৈথেল অমসুং শোপ্পিং কমপ্লেক্স অমসুং নানি দামনদা ৱাতর সপ্লাই স্কিম পাকথোক-চাউথোকহনবা য়াওরি।
মন্ত্রীনা দামনদা দেবকা সীফ্রন্ত জাতিদা কত্থোক্কনি। লুপা করোর ১৬৫রোম চংনা শাখিবা কিমি ৫.৪৫গী সীফ্রন্ত অসি লৈবাক অসিগী অহানবা কোস্তেল প্রোমিনেদ অমনি। সীফ্রন্ত অসিনা লমদম অসিগী শেন্মীৎলোন্দা শাহৌ পীগনি অমসুং লমদম অসিদা লমকোইবশিং হেন্না পুক্নিং চীংশিন্দুনা মতম লেন্নবা অমসুং পোত্থানবা এক্তিবিতীশিংগী হব অমা ওইহল্লি। সীফ্রন্ত অসি মালেমগী থাক্কী লমকোইবগী লমথুংফম ওইনা ওন্থোকখি। মসিদা স্মার্ত লাইতিং, পার্কিং ফেসিলিতীশিং, লৈকোল, ফুদ স্তোলশিং, রিক্রিএস্নেল এরিয়া অমসুং তিংদা লকজরী তেন্ত সিতীশিং ওইনবগী প্রোবিজন য়াওরি।
