প্রধান মন্ত্রী শ্রী নরেন্দ্র মোদী নবেম্বর ১১ অমদি ১২, ২০২২দা কর্নাতকা, তামিল নাদু, অন্ধ্র প্রদেশ অমসুং তেলঙ্গনাদা চৎকদৌরি। নবেম্বর ১১গী অয়ুক পুং ৯:৪৫রোম তাবা মতমদা প্রধান মন্ত্রীনা বেঙ্গলুরুগী বিধান সৌধাদা লম্বোইবা কবি স্রী কনকা দসা অমসুং মহার্সি বাল্মিকীগী মীতমশিংদা লৈ কৎকনি। পুং ১০:২০ রোম তাবা মতমদা, প্রধান মন্ত্রীনা বেঙ্গলুরুগী কে.এস.আর. রেলৱে স্তেসন্দা বন্দে ভারত এক্সপ্রেস অমসুং ভারত গৌরব কাসী দর্শন ত্রেন লমথাগনি। অয়ুক পুং ১১:৩০রোম তারকপা মতমদা, প্রধান মন্ত্রীনা কেম্পেগৌরা ইন্তরনেস্নেল এয়রপোর্তকী তর্মিনেল ২ শঙ্গাগনি। তুংদা, নমিৎয়ুংবা পুং ১২রোম তারকপা মতমদা প্রধান মন্ত্রীনা নদপ্রভু কেম্পেগৌরাগী ফীত ১০৮ ৱাংবা পিথ্রায়গী মীতম মায়খুম হাংদোক্লবা মতুংদা, নুংথিল পুং ১২:৩০ রোম তারকপা মতমদা বেঙ্গলুরুদা মীয়ামগী মীফম অমা শরুক য়াগনি। নুংথিল পুং ৩:৩০ রোম তারকপাম তমদা, প্রধান মন্ত্রীনা তামিল নাদুগী দিন্দিগুলদা লৈবা গান্ধীগ্রাম রুরেল ইন্সতিত্যুৎকী ৩৬শুবা কনভোকেসন থৌরম শরুক য়াগনি।
নবেম্বর ১২গী অয়ুক পউং ১০:৩০ রোম তাবা মতমদা, প্রধান মন্ত্রীনা অন্ধ্র প্রদেশকী ভিসাখপত্নমদা তোঙান তোঙানবা প্রোজেক্তশিং শঙ্গাগনি অমদি উরেপ উয়ুং তমগনি। নুংথিল পুং ৩:৩০রোম তাবা মতমদা, প্রধান মন্ত্রীনা তেলঙ্গনাগী রামাগুন্দমদা আর.এফ.সি.এল. প্লান্তদা চৎকনি। তূংদা, নুংথিল পুং ৪:১৫রোম তাবদা প্রধান মন্ত্রীনা রামাগুন্দমদা তোঙান তোঙানবা প্রোজেক্তশিং শঙ্গাগনি অমদি উরেপ উয়ুং তমগনি।
কর্নাতকাগী বেঙ্গলুরুদা প্রধান মন্ত্রী
প্রধান মন্ত্রীনা বেঙ্গলুরুদা কেম্পেগৌরা ইন্তরনেস্নেল এয়রপোর্তকী লুপা করোর ৫০০০রোম চঙনা শাবা তর্মিনেল ২ শঙ্গাগনি। তর্মিনেল অসিনা এয়রপোর্ত অসিগী পেসেঞ্জর হেন্দ্লিং কেপাসিতী শরুক অনি হেনগৎহন্দুনা হৌজিক লৈরিবা চহিদা পেসেঞ্জর করোর ২.৫ অসিদগী করোর ৫-৬তা হেনগৎহনগনি।
তর্মিনেল ২ অসি লৈকোলগী ময়োল্লম বেঙ্গলুরুদা কত্থোকপা ওইনা দিজাইন তৌবনি অমদি পেসেঞ্জরশিংদা “লৈকোয়দা চৎপগুম” ইহুল ফাওহনগনি। পেসেঞ্জরশিংনা স্ক্বার মিতর ১০,০০০গী অশংবা ফক্লাং, য়ান্দুনা থম্বা লৈকোল অমদি মপানগী লৈকোল মরক্তা চৎকনি। এয়রপোর্ত অসিগী কেম্পস শিনবা থুংনা রিনিউএবল ইনর্জী ১০০% শীজিন্নদুনা স্তেনেবিলিতীগী পাদম অমা ওইরবনি। তর্মিনেল ২ অসি দিজাইন তৌবদা সস্তেনেবিলিতীকী পথাপশিং য়াওনা শেমবনি। সস্তেনেবিলিতী ইনিসিএতিব্তা য়ুম্ফম ওইবা তর্মিনেল ২ অসিনা মথৌ তৌবা হৌদ্রিঙৈদা য়ু.এস. জি.বি.সি. (গ্রীন বিল্দিং কাউন্সিল)না প্রি-সর্তিফাইদ প্লাতিনম রেতিং পীবা মালেমগী খ্বাইদগী চাউবা তর্মিনেল ওইরগনি। ‘নৌরাসা’ হায়রিবা থীম অসিনা তর্মিনেল ২গী কম্মিসন তৌরবা আর্তৱর্ক পুম্নমক পুনশিল্লি। আর্তৱর্ক অসিদা কর্নাতকা অমদি ভারতকী মপুং ওইবা তোপ তোপ্পা মশক্কী মমি তারি।
অপুনবগী ওইনা, তর্মিনেল ২গী দিজাইন অমসুং আর্কিতেকচর অসি লৈকোলদা লৈবা তর্মিনেল, তুং কোইনা চৎকদবা, তেক্নোলোজী অমদি আর্ত অমসুং কল্চর হায়রিবা লমজিংলিবা পথাপ মরিসিনা ইথিল পীবনি। শক্লোন পুম্নমক অসিনা তি২বু মতমগা চুনবা অদুগা মহৌশাদসু মরা তাশিল্লবা তর্মিনেল অমা ওইনা উৎলি অমদি চত্থোক চৎশিন তৌরিবা পুম্নমক্তা নীংশিংনিংঙাই ওইগদবা ‘লমথুংফম’গী মহাও অমা পীরি।
প্রধান মন্ত্রীনা বেঙ্গলুরুগী ক্রান্তিবীর সঙ্গোলী রায়ন্না (কে.এস.আর.) রেলৱে স্তেসন্দগী চেন্নাই-মৈসুরু বন্দে ভারত এক্সপ্রেস লমথাগনি। মসিনা লৈবাকসিগী মঙাশুবা অদুগা খা ভারতকী ওইনা অহানবা বন্দে ভারত এক্সপ্রেস ওইগনি। মসিনা চেন্নাইগী ইন্দস্ত্রিএল হব অমসুং বেঙ্গলুরুগী তেক অমদি স্তার্তঅপ হব অমসুং মমিং লৈরবা লমকোয় লমথুংফম ময়োল্লম মৈসুরুগী মরক্তা চত্থোক চৎশিনগী ফীভম ফগৎহল্লগনি।
প্রধান মন্ত্রীনা বেঙ্গলুরু কেওএসোআরো রেলৱে স্তেসন্দগী ভারত গৌরব কাসী য়াত্রা ত্রেনসু লমথাগনি। ভারত গৌরব স্কীমগী মখাদা কর্নাতকাদগী কাসী ফাওবা লাই খুরুম্বশিং থাননবগীদমক কর্নাতকা লৈঙাক অমসুং রেলৱে মন্ত্রালয় খুৎশম্নদুনা থাগদৌরিবা ত্রেন অসিগীদমক খোঙথাঙ লৌখৎপা অহানবা স্তেত কর্নাতকানা ওইরগনি। লাই খুরুম্বশিংদা কাসী, অয়োধ্যা অমসুং প্রয়াগরাজ চৎনবগীদমক নুংঙাইরবা লৈফম চাফম অমসুং লমজিং ফংহনগদৌরি।
প্রধান মন্ত্রীনা শ্রী নদপ্রভু কেম্পেগৌরাগী ফীত ১০৮ ৱাংবা পিথ্রায়গী মীতমসু মায়খুম হাংদোক্কনি। মীতম অসি বেঙ্গলুরুগী চাওখৎ থৌরাংদা, ময়োল্লম অসিগী ফাউন্দর নদপ্রভু কেম্পেগৌরাগী থৌদাংবু নীংশিংবা ওইনা শাবনি। স্তেচ্যু ওফ য়ুনিতী শাখিবগীদমক মমিং চৎখিবা রাম ভি সুতরনা ৱাখল শাগত্তুনা মীতম অসি পিথ্রায় তন ৯৮ অমসুং স্তীল তন ১২০ চঙনা শাবনি।
অন্ধ্র প্রদেশকী ভিসাখপত্নমদা প্রধান মন্ত্রী
প্রধান মন্ত্রীনা লুপা করোর ১০,৫০০ হেনবগী প্রোজেক্তশিং লৈবাক্কী মফমদা কত্থোক্কনি অমদি উরেপ উয়ুং তমগনি। মহাক্না লেন তরুক্কী গ্রীনফীল্দ রাইপুর-ভিসাখাপত্নম ইকনমিক কোরিদোরগী অন্ধ্র প্রদেশ সেক্সনগী উরেপ উয়ুং তমগনি। মসি লুপা করোর ৩৭৫০ হেন্না চঙনা শাগদবনি। ইকনমিক কোরিদোর অসিনা ছত্তিসগর অমসুং ওরিসাগী ইন্দস্ত্রিএল নোদশিং অমদি ভিসাখপত্নম হিথাংফম অমসুং চেন্নাই – কোলকতা নেস্নেল হায়ৱেগী মরক্তা হেন্না থুনা চত্থোক চৎশিন তৌবা য়াহনগনি। মসিনা অন্ধ্র প্রদেশ অমসুং ওরিসাগী ত্রাইবেল অমদি শোত্থহৌরবা মফমশিংদা চত্থোক চৎশিনগী ফীভম ফগৎহনগনি। প্রধান মন্ত্রীনা ভিসাখপত্নমগী কনভেন্ত জংসনদগী সীলা নগর জংসন ফাওবগী কত্থোক্লবা হিথাংফম লম্বী অমগী উরেপ উয়ুংসু তমগনি। মসিনা লমদমদুগী অমদি হিথাংফমদা চৎকদবা পোৎচৈ পুবা ত্রাফিক তোখাইনা খাইদোক্তুনা ভিসাখপত্নম সিতীদা ত্রাফিক চীনবা হন্থহনগনি। মহাক্না স্রীককুলম-গজাপতী কোরিদোরগী শরুক অমা ওইনা লুপা করোর ২০০ চঙনা শাগৎলিবা এন.ঐচ.-৩২৬এগী নরসন্নেপেতাদগী পথাপত্নম ফাওবগী শরুকসু লৈবাক মীয়ামদা কত্থোক্কনি। প্রোজেক্ত অসিনা লমদম অদুদা চত্থোক চৎশিনগী পাম্বৈ হেন্না ফগৎহল্লগনি।
প্রধান মন্ত্রীনা অন্ধ্র প্রদেশতা লুপা করোর ২৯০০ হেন্না চঙনা শেমগৎপা ও.এন.জি.সি.গী য়ু-ফীল্দ ওনসোর দীপ ৱাতর ব্লোক প্রোজেক্ত লৈবাক মীয়ামদা কত্থোক্কনি। মসি প্রোজেক্ত অসিগী খ্বাইদগী লুবা গ্যাস দিস্কভরীনি অমদি মসিদগী গ্যাস পুথোকপগী মতিং অসি মিলিয়ন মেত্রিক স্তেন্দর্দ ক্যুবিক মীতর পর দে (এম.এম.এস.সি.এম.দি.) ৩লোম ওইগনি। মহাক্না এম.এম.এস.সি.এম.দি. ৬.৬৫রোমগী কেপাসিতী লৈবা জি.এ.আই.এল.গী স্রীককুলম এঙ্গুল নেচরেল গ্যাস পাইপলাইন প্রোজেক্তকী উরেপ উয়ুংসু তমগনি। কিলোমিতর ৭৪৫ শাংবা পাইপলাইন অসি লুপা করোর ২৬৫০ হেন্না চঙনা শাগদবনি। নেচরেল গ্যাস গ্রীদ (এন.জি.জি.)গী শরুক অমা ওইরিবা পাইপলাইন অসিনা অন্ধ্র প্রদেশ অমসুং ওরিসাগী তোঙান তোঙানবা দিস্ত্রিক্তশিংদা য়ুম, ইন্দস্ত্রী, কম্মর্সিএল য়ুনিৎ অমদি ওতোমোবাইল সেক্তরদা নেচরেল গ্যাস পীননবা মরুওইবা ইনফ্রাস্ত্রকচর শেমগৎকনি। পাইপলাইন অসিনা অন্ধ্র প্রদেশকী স্রীককুলম অমসুং ভিজিয়ানাগরম দিস্ত্রিক্তা লৈরিবা সিতী গ্যাস দিস্ত্রিব্যুসন নেৎৱর্কদা নেচরেল গ্যাস সপ্লাই তৌগনি।
প্রধান মন্ত্রীনা লুপা করোর ৪৫০রোম চঙনা নৌনা শেমগৎকদবা ভিসাখাপত্নম রেলৱে স্তেসনগী উরেপ উয়ুং তমগনি। নৌনা শেমগৎকদৌরিবা স্তেসন অসিনা নোংমদা পেসেঞ্জর ৭৫,০০০দা সর্ভিস পীগনি অমদি মতমগী ওইবা খুদোংচাবশিং ফংহন্দুনা পেসেঞ্জরশিংনা ফংলিবা মহাও হেনগৎহনগনি।
প্রধান মন্ত্রীনা ভিসাখপত্নম ফিসিং হারবর মোদর্নাইজেসন অমদি অপগ্রেদেসনগী উরেপ উয়ুংসু তমগনি। প্রোজেক্ত অসিগী অপুনবা চঙগদবা শেন্ফম অসি লুপা করোর ১৫০রোম্নি। অপগ্রেদ অমদি মোদর্নাইজ তৌরবা মতুংদা, ফিসিং হার্বর অসিনা হেন্দ্লিং কেপাসিতী নোংমদা তন ১৫০ ওইরম্বদগী ৩০০দা হেনগৎহন্দুনা শরুক অনি ওইহন্দুনা সেফ লেন্দিং অমদি বর্থিং অমদি অতৈ মতমগা চুনবা ইনফ্রাস্ত্রকচর, জেত্তীদা হল্লকপগী মতম হন্থহনবা, মাঙবা হন্থহনবা অমদি শেন্দোং হেন্না লৈহনবগী ফীভম ফংহনগনি।
তেলঙ্গনাগী রামাগুন্দমদা প্রধান মন্ত্রী
প্রধান মন্ত্রীনা রামাগুন্দমদা লুপা করোর ৯৫০০ হেন্বগী তোঙান তোঙানবা প্রোজেক্তশিং মীয়ামদা কত্থোক্কনি অমদি উরেপ উয়ুং তমগনি। মহাক্না রামাগুন্দমদা ফর্তিলাইজর প্লান্ত লৈবাক মীয়ামদা কত্থোক্কনি। রামাগুন্দম প্রোজেক্তকী উরেপ উয়ুংসু প্রধান মন্ত্রীনা ওগস্ত ৭, ২০১৬দা তমখিবনি। ফর্তিলাইজর প্লান্ত অসি অমুক হিংগৎহনবদা মথৌ হাপ্লিবা অসি য়ুরিয়া পুথোকপদা ইরোমদোম লেপচবা হায়বা প্রধান মন্ত্রীগী মীৎয়েঙ অদুননি। রামাগুন্দম প্লান্তনা লমদমসিগী ওইবা নীম কোতেদ য়ুরিয়া চহিদা এল.এম.তি. ১২.৭ পুথোকপগী মতিং লৈগনি।
প্রোজেক্ত অসি, নেস্নেল ফর্তিলাইজর্স লিমিতেদ (এন.এফ.এল.), ইঞ্জিনিয়র্স ইন্দিয়া লিমিতেদ (ই.আই.এল.) অমদি ফর্তিলাইজর কোর্পোরেসন ওফ ইন্দিয়া লিমিতেদ (এফ.সি.আই.এল.) অহুমগী জোইন্ত ভেঞ্চর অমা ওইরিবা রামাগুন্দম ফর্তিলাইজর এন্দ কেমিকেল্স লিমিতেদ (আর.এফ.সি.এল.)গী মখাদা পায়খৎপনি। আর.এফ.সি.এল.দা লুপা করোর ৬৩০০ হেন্না থাদদুনা নিউ এম্মোনিয়া-য়ুরিয়া প্লান্ত লিংখৎনবগী থৌদাং শিন্নরি। আর.এফ.সি.এল. প্লান্ত অসিদা পীগদৌরিবা গ্যাস জগদিসপুর – ফুলপুর – হল্দিয়া পাইপলাইনগী খুত্থাঙদা ফংহনগনি।
প্লান্ত অসিনা তেলঙ্গনা লোয়ননা অন্ধ্র প্রদেশ, কর্নাতকা, ছত্তিসগর অমদি মহারাস্ত্র স্তেতকী লৌমীশিংদা মরাং কায়না অমদি মতম চানা য়ুরিয়া হার ফংহনবা ঙম্লগনি। প্লান্ত অসিনা হার মরাং কায়না ফংহনবতা নত্তনা লম্বী থোং, রেলৱে, এংসিলরী ইন্দস্ত্রীনচিংবা চাওখৎহনবা য়াওনা লমদম অদুগী মপুং ওইবা শেন্মিৎলোন চাওখৎহনবদসু চাউনা কান্নহল্লগনি। মসিগী মথক্তা, লমদম অসিনা ফেক্তরীশিংগীদমক তোঙান তোঙানবা পোৎলমশিং ফংহন্নবগীদমক এম.এস.এম.ই. ভেন্দরশিং চাওখৎহনবদসু কান্নরগনি। আর.এফ.সি.এল.গী ‘ভারত য়ুরিয়া’না মপান্দগী হার পুশিল্লকপা হন্থহনবতা নত্তনা লমদমদুগী লৌমীশিংদা মতম চানা হার ফংহন্দুনা অমদি সর্ভিস ফংহন্দুনা থবক থৌরম হেনগৎহন্দুনা শেন্মিৎলোন্দা চাওনা কান্নহনগনি।
প্রধান মন্ত্রীনা লুপা করোর ১০০০রোম চঙনা শেমগৎপা ভদ্রচলম রোদ – সত্তুবল্লী রেল লাইনসু লৈবাক মীয়ামদা কত্থোক্কনি। লুপা করোর ২২০০ হেন্না চঙনা শেমগৎকদবা তোঙান তোঙানবা প্রোজেক্তশিং মমিং ওইনা পল্লবদা এন.ঐচ.-৭৬৫দি.জি.গী মেদক-সিদ্দিপেৎ-এল্কাতুর্থী সেক্সন; এন.ঐচ.-১৬১.বি.বি.গী বোধন-বসর-ভৈন্সা সেক্সন; এন.ঐচ.৩৫৩সি.গী সিরোঞ্চাদগী মহাদেবপুর সেক্সনগী উরেপ উয়ুংসু তমগনি।
তামিল নাদুগী গান্ধীগ্রামদা প্রধান মন্ত্রী
প্রধান মন্ত্রীনা গান্ধীগ্রাম রুরেল ইন্সতিত্যুৎকী ৩৬শুবা কনভোকেসন থৌরমদা শরুক য়াগনি। ইং ২০১৮-১৯ অমদি ২০১৯-২০ বেত্চকী মহৈরোয় ২৩০০ হেনবনা কনভোকেসন থৌরম অসিদা মখোয়গী দিগ্রীশিং লৌগনি।
