প্রধান মন্ত্রী শ্রী নরেন্দ্র মোদীনা মার্চ ১১-১২, ২০২২দা গুজরাত্তা চৎকদৌরি। মার্চ ১১গী নুমিদাং ৱাইরম পুং ৪ তাবা মতমদা প্রধান মন্ত্রীনা গুজরাত পঞ্চায়ৎ মহাসম্মেলনদা শরুক য়াগদৌরি অমসুং মীতিন অদুদা ৱা ঙাংগনি। প্রধান মন্ত্রীনা মার্চ ১২গী অয়ুক পুং ১১ তাবা মতমদা জাতিদা রাস্ত্রীয় রক্ষা য়ুনিভর্সিতী (আর.আর.য়ু)গী বিল্দিং খুৎশিন্নগনি। মহাক্না অথোইবা মীথুংলেন অমা ওইনা আর.আর,য়ু.গী অহানবা কনভোকেসন্দা ৱা ঙাংগনি। নুমিদাং ৱাইরম পুং ৬:৩০ তাবা মতমদা প্রধান মন্ত্রীনা ১১শুবা খেল মহাকুম্ভ হৌদোক্কনি অমসুং থৌরম অসিদা ৱা ঙাংগনি।
গুজরাত্তা জিলা পঞ্চাবৎ ৩৩, তলুকা ২৪৮ অমসুং গ্রাম পঞ্চায়ৎ ১৪,৫০০ হেন্না লৈবগা লোয়ননা পঞ্চায়তি রাজ স্ত্রকচর অসি তায়র অহুম লৈ। ‘গুজরাত পঞ্চায়ৎ মহাসম্মেলন’ অপনু গাম, অপনু গৌরব’ অসিদা রাজ্য অসিদা লৈরিবা পঞ্চায়তি রাজ স্ত্রকচরগী তায়র অহুমদগী মীহুৎ লাখ ১ হেনবনা শরুক য়াবা উবা ফংগনি।
পোলিসিং, ক্রিমিনেল জস্তিস অমসুং করেক্সনেল এদমিনিস্ত্রেসনগী তোঙান-তোঙানবা ৱিংশিংদা হায় ক্বালিতী ত্রেন্দ মেনপাৱর মথৌ তারিবা অদু থুংহন্নবা রাস্ত্রীয় রক্ষা য়ুনিভর্সিতী (আর.আর.য়ু) লিংখৎখি। সরকারনা ২০১০ গুজরাত সরকারনা লিংখৎখিবা রক্ষা শক্তি য়ুনিভর্সিতী অসি অপগ্রেদ তৌদুনা রাস্ত্রীয় রক্ষা য়ুনিভর্সিতী হায়না মীংথোন্দুনা নেস্নেল পুলিস য়ুনিভর্সিতী অমা লিংখৎখি। জাতিগী ওইনা মরু ওইবা ইন্সতিত্যুসন অমা ওইরিবা য়ুনিভর্সিতী অসি ২০২০গী ওক্তোবর ১দগী ওপরেসন তৌবা হৌখি। য়ুনিভর্সিতী অসিনা ইন্দস্ত্রীদগী লৌশিং অমসুং রিসোর্সশিং লৌদুনা প্রাইবেৎ সেক্তরগা লোয়ননা সীনর্জীশিং দিবেলপ তৌগনি অমসুং পুলিস অমসুং সেক্যুরিতীগা মরী লৈনবা তোঙান-তোঙানবা লমশিংদা সেন্তর ফোর এক্সিলেন্স লিংখৎকনি।
আর.আর.য়ু.না পুলিস সাইন্স অমসুং মেনেজমেন্ত, ক্রিমিনেল লো অমসুং জস্তিস, সাইবর সাইকোলোজী, ইনফোর্মেসন তেক্নোলোজী, আর্তিফিসিএল ইন্তেলিজেন্স অমসুং সাইবর সেক্যুরিতী, ক্রাইম ইনভেস্তিগেসন, স্ত্রেতেজিক লেংগ্বেজ, ইন্তর্নেল দিফেন্স অমসুং স্ত্রেতেজীশিং, ফিজিকেল এজুকেসন অমসুং স্পোর্তস, কোস্তেল অমসুং মেরিন সেক্যুরিতী অসিগুম্বা পোলিসিং অমসুং ইন্তর্নেল সেক্যুরিতীগী তোঙান-ওঙানব লমশিংদা দিপ্লোমাদগী দোক্তরেৎকী থাক ফাওবগী একাদেমিক প্রোগ্রামশিং ফংহল্লি। হৌজিক্কী ওইনা রাজ্য ১৮দগী মহৈরোয় ৮২২না প্রোগ্রামশিং অসিদা এনরোল তৌখ্রে।
স্পোর্তস ১৬ অমসুং শরুক য়াবা মীওই লাখ ১৩গা লোয়ননা ২০১০দগী গুজরাত্তা মতম অদুগী মুখ্য মন্ত্রী শ্রী নরেন্দ্র মোদীগী মীৎয়েং শান্না উবা ঙম্বা লীচিং মখাদা হৌখিবা খেল মহাকুম্ভা অসি ঙসিদি জেনরেল স্পোর্তস ৩৬ অমসুং পেরা স্পোর্তস ২৬ কোনশিনবা ঙম্লে। শান্নরোয় লাখ ৪৫ হেনবনা ১১শুবা খেল মহাকুম্ভ অসিগীদমক রেজিস্তর তৌখি।
ল মহাকুম্ভ অসিনা গুজরাত্তা স্পোর্তস ইকোসিস্তেমবু রিভোল্যুসনাইজ তৌখি। চহিগী অকক্নবা লৈহনদনা মসিদা থা অমা চুপ্না চত্থগদবা তোঙান-তোঙানবা ইভেন্তশিংদা রাজ্য অসিগী মীওই কয়ানা শরুক য়াবা উবা ফংগনি। মসিদা কবাদ্দী, খো-খো, থৌরি চীংনবী, য়োগসনস, মল্লাখম্ভ অসিগুম্বা ত্রেদিস্নেল স্পোর্তসশিং অমসুং আর্তিস্তিক স্কেতিং, তেনিস অমসুং ফেন্সিং অসিগুম্বা মোদর্ন স্পোর্তসকী তোপ-তোপ্পা অপুনবা অমনি। মসিদনা গ্রাসরুৎ লেবেলদা স্পোর্তসকী অনৌবা তেলেন্ত মশক খঙদোকপদা মরু ওইবা থৌদাং অমা লৌখি। মসিনা গুজরাত্তা পেরা স্পোর্তসকী শাহৌ অমসু পীখি।
