প্রধান মন্ত্রী শ্রী নরেন্দ্র মোদীনা মার্চ 221-22, 2024দা ভুতানদা স্তেৎ বিজিৎ অমা চৎকনি। খোঙচৎ অসি ভারত অমসুং ভুতানগী মরক্তা চাং নাইনা অৱাংবা থাক্তা খন্ন-নৈনবগী চৎনবী অমসুং সরকারনা মাগী নেবরহুদ ফার্স্ত পোলিসীদা মরুওইবা মীৎয়েং চংলিবা অসিগী পরিং মখাদা চৎপনি।
খোঙচৎ অসিদা প্রধান মন্ত্রীনা, ভুতানগী নীংথৌ, হিস মেজেস্তী জিগমে খেসর নামগ্যাল ৱাংচুক অমসুং ভুতানগী মরিশুবা নীংথৌ, হিস মেজেস্তী জিগমে সিনগ্যে ৱাংচুক্কা লোয়ননা ভাবোকশিংগা উনগনি। প্রধান মন্ত্রীনা ভুতানগী প্রধান মন্ত্রী ঐচ. ই. শ্রী সেরিং তোবগেগসু ৱারী শাগনি।
ভারত অমসুং ভুতাননা অমগা অমগগী থাজবা, ৱাখল তানবা অমসুং অফবা মংলানদা য়ুম্ফম ওইবা অখন্নবা অমসুং অচেৎপা পার্তনরশিপ অমা শিয়র তৌরি। ঐখোয়গী অখন্নবা মরী অসিদা ঐখোয়গী মান্নবা স্পিরিচ্যুএল হেরিতেজ অমসুং নুংশিজরবা মীয়ামগী মরক্তা লৈনবা মরীনা ঐখোয়গী অখন্নবা মরীশিং চেৎশিনহল্লি অমসুং মপাঙ্গল কনখৎহল্লি। খোঙচৎ অসিনা নাকল অনিমক্কী ওইনা বাইলেতরেল অমসুং রিজনেলগী ওইবা হীরমশিংদা ৱাখল্লোনশিং ফোঙদোক্নবগী খুদোংচাবা ফংহনগনি অমসুং ঐখোয়গী মীয়ামগী কান্ননবগীদমক ঐখোয়গী ফীদম্নফম ওইরবা পার্তনরশিপ অসি পাকথোক চাউথোকহন্নবা অমসুং হেন্না চেৎশিলহন্নবা পাম্বৈশিং খন্নগনি।
