প্রধান মন্ত্রী, শ্রী নরেন্দ্র মোদীনা ২০২৬গী মার্চ ১৩-১৪দা অসামদা চৎকনি। খোঙচৎ অসিগী মনুংদা, প্রধান মন্ত্রীনা কোকরাঝার, গুৱাহাতি অমসুং সিলচরদা লুপা করোর ৪৭,৮০০ হেনবগী চাউখৎ-থৌরাংগী প্রোজেক্ত কয়া শঙ্গাগনি, লৈবাক মীয়ামদা কত্থোক্কনি, উরেপ উয়ুং তমগনি, ভুমি পুজন পাংথোক্কনি অমসুং লমথাগনি।
মার্চ ১৩গী নুংথিল পুং ১.৩০ রোম তাবদা প্রধান মন্ত্রীনা কোকরাঝারদা লুপা করোর ৪,৫৭০গী প্রোজেক্তশিংগী ভুমি পুজন পাংথোক্কনি, উরেপ উয়ুং তমগনি অমসুং লমথাগনি। মতুং তারকপদা, গুৱাহাতিদা নুমিদাংৱাইরম পুং ৫ রোম তাবদা, প্রধান মন্ত্রীনা লুপা করোর ১৯,৬৮০ রোমগী চাউখৎ-থৌরাংগী প্রোজেক্ত কয়াগী ভুমি পুজন পাংথোক্কনি, শঙ্গাগনি অমসুং লৈবাক মীয়ামদা কত্থোক্কনি।
মার্চ ১৪দা, অয়ুক্কী পুং ১০.৪৫ রোম তাবদা, প্রধান মন্ত্রীনা সিলচরদা লুপা করোর ২৩,৫৫০গী প্রোজেক্ত কয়ামরুমগী ভুমি পুজন পাংথোক্কনি অমসুং লৈবাক মীয়ামদা কত্থোক্কনি।
কোকরাঝারদা পি.এম.
প্রধান মন্ত্রীনা লুপা করোর ৩,২০০ হেনবগী মরুওইবা লম্বীগী ইনফ্রাস্ত্রকচর ইনিসিয়েতিব অমা ওইরিবা অসাম মালা ৩.০গী ভুমি পুজন পাংথোক্কনি। স্কিম অসিগী মখাদা, ইন্তর স্তেৎ কন্নেক্তিবিতী ফগৎহন্নবা অমসুং নেস্নেল হায়ৱে অমসুং রুরেল রোদকী মরক্তা লৈনরিবা মরী মপাঙ্গল কনখৎহন্নবা অসাম শিনবা থুংনা কিলোমীতর ৯০০ হেন্না শাংবা লম্বী শেমগৎকনি।
প্রধান মন্ত্রীনা বোদোলেন্দ তেরিতোরিয়ল কাউন্সিল (বি.তি.সি.) এরিয়াদা চাউরাক্না লুপা করোর ১,১০০গী শেনফম থাদদুনা ফ্লাই ওভর মরি অমসুং থোং অনি য়াওনা লম্বীগী ইনফ্রাস্ত্রকচর প্রোজেক্ত তরুক্কীদমক 'ভুমি পুজন' পাংথোক্কনি। প্রোজেক্তশিং অসিনা কোকরাঝার দিস্ত্রিক্ততা ত্রাফিক চিনবা হন্থহল্লগনি অমসুং কন্নেক্তিবিতী, তুরিজম, লৌউ-শিংউগী লমদা খুদোংচাবা ফংহনবা, হকশেলগী লমদা খুদোংচাবা ফংহনবা অমসুং খুঙ্গংগী লমদা চৎথোক-চৎশিন তৌবা হেনগৎহনগনি।
প্রধান মন্ত্রীনা কোকরাঝার দিস্ত্রিক্তকী বশবারীদা পেরিওদিক ওভরহোলিং (পি.ও.ঐচ.) ৱার্কশোপ অমগী উরেপ উয়ুংসু তমগনি। ৱার্কশোপ অসিনা রেলৱে মেন্তেনেন্স ইনফ্রাস্ত্রকচর মপাঙ্গল কনখৎহল্লগনি, ওপরেস্নেল ইফিসিএন্সী হেনগৎহল্লগনি অমসুং লমদম অসিদা থবক ফংহন্নবগী খুদোংচাবা ফংহল্লগনি।
প্রধান মন্ত্রীনা অসাম অমসুং অৱাং-নোংপোক লমদমদা কন্নেক্তিবিতী ফগৎহন্নবা পান্দম থম্লিবা অনৌবা ত্রেন সর্বিস অহুমসু লমথাগনি। মখোয়শিং অদুদি কামাখ্যা-চার্লপল্লী অমৃত ভারত এক্সপ্রেস, মসিনা অৱাং-নোংপোক অমসুং খা ভারতকী মরক্তা হকথেংননা রেলগী কন্নেক্তিবিতী ফংহল্লি; গুৱাহাতি-ন্যু জলপাইগুরি এক্সপ্রেস অসিনা অসাম অমসুং নোংচুপ বেঙ্গলগী মরক্তা কন্নেক্তিবিতী হেনগৎহল্লি; অমসুং নরঙ্গি-অগরতলা এক্সপ্রেস অসিনা অসাম অমসুং ত্রিপুরাগী মরক্তা কন্নেক্তিবিতী ফগৎহল্লি অমসুং পেসেঞ্জরশিং, ললোন-ইতিক তৌরিবশিং অমসুং তুরিস্তশিংগীদমক ইন্তর-স্তেৎ চৎথোক-চৎশিন তৌবদা মতেং পাংলি।
গুৱাহাতিদা পি.এম.
প্রধান মন্ত্রীনা চাগী বাগানগী শিন্মীশিংদা লমগী পত্তা য়েন্থোক্কনি, মসিনা চাগী বাগানগী কম্ম্যুনিতীদা হোমস্তীদকী লমগী হক ফংহনবদা পুৱারী ওইরবা মাইলস্তোন অমা ওইগনি। সেক্যুর ওইবা লমগী মপু ওইবনা হাউজিং সেক্যুরিতী ফগৎহল্লগনি, ইন্সতিত্যুস্নেল ক্রেদিৎ অমসুং ৱেলফেয়র স্কিমশিংদা হেন্না ফবা এক্সেস ফংহল্লগনি অমসুং মতম শাংনা সোসিএল অমসুং ইকোনোমিক মোবিলিতী থৌগৎহল্লগনি হায়না পানরি।
প্রধান মন্ত্রীনা পি.এম.-কিসান স্কিমগী ২২শুবা ইন্সতোলমেন্তসু লৈবাক অসিগী লৌমী করোর ৯.৩ হেনবদা রিলিজ তৌগনি। মসিগী মখাদা ইলিজিবল ওইবা লৌমীশিংনা মখোয়গী বেঙ্ক একাউন্তশিংদা লুপা ২,০০০ হকথেংননা ফংগনি।
প্রধান মন্ত্রীনা দিমা হাসাও অমসুং ৱেস্ত কার্বি আংলোং জিলাশিংদা লৈবা কোপিলি হাইদ্রো-ইলেক্ত্রিক প্রোজেক্ত জাতিদা কত্থোক্কনি। লুপা করোর ২,৩০০ হেন্না চংদুনা শাখিবা প্রোজেক্ত অসিনা ক্লিন ইনর্জী পুথোকপা হেনগৎহল্লগনি, লমদম অসিদা গ্রিদ স্তেবিলিতী ফগৎহল্লগনি অমসুং য়ুমথোং, লৌমী অমসুং ইন্দস্ত্রীশিংদা থাজবা য়াবা মৈ ফংহনগনি।
প্রধান মন্ত্রীনা ওল ইন্দিয়া লিমিতেদকী নুমালিগর-সিলিগুরি প্রদক্ত পাইপলাইন (এন.এস.পি.এল.) গী কেপাসিতি হেনগৎহনবা প্রোজেক্ত জাতিদা কত্থোক্কনি। প্রোজেক্ত অসিনা নুমালিগর রিফাইনরী অসি এম.এম.তি.পি.এ. ৩দগী এম.এম.তি.পি.এ. ৯দা পাকথোক চাউথোকহনবদা মতেং পাংগনি, মসিনা অহেনবা পেত্রোলিয়ম প্রদক্তশিং থাদোকপা ঙমহনগনি। প্রধান মন্ত্রীনা গুৱাহাতিবু নুমালিগর, গোহপুর অমসুং ইতানগরগা শম্নহল্লিবা অমসুং দিমাপুর ফাওবা ব্রাঞ্চ লাইন অমগা লোয়ননা মরুওইবা পাইপলাইন প্রোজেক্ত অমা ওইরিবা নোর্থ ইস্ত গ্যাস গ্রিদকী ফেজ ১গী উরেপ উয়ুংসু তমগনি। প্রধান মন্ত্রীনা হাইলাকান্দি জিলাগী পাঞ্চগ্রামদা নুমালিগর রিফাইনরী লিমিতেদ (এন.আর.এল.) গী রেল-ফেদ পি.ও.এল তর্মিনেলগী উরেপ উয়ুংসু তমগনি। প্রোজেক্তশিং অসিনা অৱাং-নোংপোক্কী ইনর্জী ইনফ্রাস্ত্রকচরবু মপাঙ্গল কনখৎহল্লগনি অমসুং নেস্নেল ইনর্জী সেক্যুরিতী হেনগৎহল্লগনি।
প্রধান মন্ত্রীনা রঙ্গিয়া-মুরকোংসেলেক রেল লাইন ইলেক্ত্রিফিকেসন (কিলোমিতর ৫৫৮) অসি চাউরাক্না লুপা করোর ৪২০ চংনা শাবা অমসুং চাপর্মুখ-দিব্রুগর রেল লাইন ইলেক্ত্রিফিকেসন (কিলোমিতর ৫৭১) অসি চাউরাক্না লুপা করোর ১১৮০ চংনা শাবা, বদরপুর-সিলচর অমসুং বদরপুর-চুরাইবারী রেল লাইনশিং অসি চাউরাক্না লুপা করোর ৬৫০ চংনা শাবা য়াওনা মরুওইবা রেলৱে ইলেক্ত্রিফিকেসন প্রোজেক্তশিং লৈবাক মীয়ামদা কত্থোক্কনি। প্রোজেক্তশিং অসিনা ব্রহ্মপুত্রা অমসুং বরাক ভেলীগী লমদমশিংদা কন্নেক্তিবিতী ফগৎহন্দুনা হেন্না থুনা, ইনর্জী ইফিসেন্ত অমসুং অকোইবগী ফিবম কনবা ত্রেন ওপরেসনশিং তৌবা ঙমহনগনি।
প্রধান মন্ত্রীনা লুপা করোর ৩৬০০ হেন্না চংগদবা ফুরকাতিং-তিনসুকিয়া রেল লাইন দবলিং প্রোজেক্ত (কি.এম. ১৯৪) গী উরেপ উয়ুংসু তমগনি, মসিনা লাইন কেপাসিতি হেনগৎহল্লগনি অমসুং অহেনবা পেসেঞ্জর অমসুং ফ্রেৎ ত্রেনশিং মথৌ তৌহনগনি।
ৱাতরৱেজ সেক্তরদা, প্রধান মন্ত্রীনা বিস্বানাথ জিলাফী বিস্বানাথ ঘাত অমসুং জোরহাৎ জিলাগী নেমতিদা ক্রুজ তর্মিনেলশিংগী উরেপ উয়ুং তমগনি। প্রধান মন্ত্রীনা দিব্রুগরগী বোগিবিলদা লৈবা রিজনেল সেন্তর ওফ এক্সিলেন্স (আর.সি.ও.ই.) গীদমক 'ভুমি পুজন'সু পাংথোক্কনি। মসিনা অৱাং-নোংপোক লমদমগী মরুওইবা মেরিতাইম ত্রেনিং অমসুং রিসর্চ হব অমা ওইনা মথৌ তৌগনি। প্রধান মন্ত্রীনা পাণ্ডু জেত্তীবু এন.ঐচ. ২৭গা শম্নহল্লিবা এপ্রোচ রোদসু শঙ্গাগনি।
প্রধান মন্ত্রীনা কামাখ্যা রেলৱে স্তেসনগা কামাখ্যা লাইশঙগা শম্নগদবা রোপৱে প্রোজেক্ত অমগী উরেপ উয়ুংসু তমগনি। অৱাংবা থাক্কী মোনোকেবল দিতেচেবল গোন্দোলা তেক্নোলোজী শীজিন্নদুনা পব্লিক-প্রাইবেৎ পার্তনরশিপ মোদেল অমগী মখাদা থৌরাং তৌরিবা রোপৱে অসিদা নোংমদা পেসেঞ্জর ১৭,০০০ রোম পুবগী কেপাসিতী লৈগনি। প্রোজেক্ত অসিনা লম্বী চৎপগী মতম হন্থহল্লগনি অমসুং শহরগী লম্বীশিংদা মী চিনবা হন্থহল্লগা তীর্থ য়াত্রীশিংগীদমক নুংঙাইবা, অকোইবগী ফিভমগা চান্নবা ত্রান্সপোর্তেসনগী ওপ্সন অমা ফংহল্লগনি।
প্রধান মন্ত্রীনা গুৱাহাতিদা পি.এম. একতা মোলসু শঙ্গাগনি। মোল অসি অসাম অমসুং অৱাং-নোংপোক লমদমগী মরুওইবা কম্মর্সিএল অমসুং তুরিজম হব অমা ওইনবা পান্দম থম্লিম মসিদা অসাম অমসুং অতোপ্পা রাজ্যশিংদগী ৱান দিস্ত্রিক্ত ৱান প্রদক্ত (ও.দি.ও.পি.) আইতেমশিং, জি.আই.-তেগ তৌরবা প্রদক্তশিং, হেন্দিক্রাফ অমসুং হেন্দলুমগী পোৎলমশিং য়াওগনি। ফেসিলিতী অসিদা মকোক থোংবা ইন্দিয়ন ব্রান্দশিংগী শো রুমশিং, ফুদ কোর্ৎশিং, মোদর্ন ফেসিলিতীশিং, পার্কিং অমসুং দিজিতেল কিওস্কশিংসু য়াওগনি। মসিনা লোকেল আর্তিসানশিংগীদমক প্লেৎফোর্ম অমা পীগনি অমসুং রিজনেল কলচর অমসুং ইন্দস্ত্রীবু প্রমোৎ তৌগনি।
সিলচরদা পি.এম.
প্রধান মন্ত্রীনা অৱাং-নোংপোক ভারত্তা অহানবা এক্সেস কন্ত্রোল নফিল্দ ফোর-লেন হাই স্পীদ কোরিদোর ওইরিবা শিলোং-সিলচর কোরিদোরগী 'ভুমি পুজন' পাংথোক্কনি। চাউরাক্না লুপা করোর ২২,৮৬০গী শেনফমগা লোয়ননা কিলোমিতর ১৬৬ শাংবা কোরিদোর অসিনা মেঘালয়া অমসুং অসামগী মরক্তা কন্নেক্তিবিতী য়াম্না ফগৎহনগনি। প্রোজেক্ত অসিনা গুৱাহাতি অমসুং সিলচরগী মরক্তা লৈরিবা অরাপ্পা অদু হন্থহল্লগনি অমসুং চৎথোক-চৎশিন তৌবদা চংগদবা মতম অদু পুং ৮.৫দগী পুং ৫দা হন্থহল্লগনি। মসিনা লমদম অসিদা শেন্মিৎলোনগী খুমাং চাউশিলহল্লগনি অমসুং ঙমখৈ লান্না ললোন-ইতিক তৌবা হেনগৎহল্লগনি।
প্রধান মন্ত্রীনা কেপিতেল পোইন্তকী মনাক্তা লৈবা ত্রঙ্ক রোদতগী সিলচরগী রঙ্গিরখারি পোইন্ত (ফেস-১) ফাওবা এন.ঐচ.-৩০৬দা লৈবা এলিভেতেদ কোরিদোর অমগীদমক 'ভুমি পুজন'সু পাংথোক্কনি। প্রোজেক্ত অসিনা সিলচরগী খ্বাইদগী মী চিনবা লম্বীশিংগী মনুংদা অমা ওইরিবা সিলচরদা লম্বীগী খুদোংচাদবা হন্থহল্লগনি, মিজোরাম, ত্রিপুরা অমসুং মনিপুরগুম্বা য়ুম্লোন্নরিবা রাজ্যশিংগা শম্নবা হেনগৎহল্লগনি অমসুং বরাক ভেলীগী শেন্মিৎলোন চাউখৎহনবদা মতেং ওইরগনি।
মসিগী মথক্তা, প্রধান মন্ত্রীনা করিমগঞ্জ জিলাগী পাথারকান্দিদা অনৌবা এগ্রিকলচর কোলেজ অমগী উরেপ উয়ুংসু তমগনি। ইন্সতিত্যুসন অসিনা অসামদা এগ্রিকলচরেল এজুকেসন অমসুং রিসর্চকী ইকোসিস্তেম মপাঙ্গল কনখৎহল্লগনি অমসুং বরাক ভেলী অমসুং য়ুম্লোন্নরিবা মফমশিংগী মহৈরোইশিংদা মখোয়গী য়ুমদগী নক্না অৱাংবা থাক্কী এগ্রিকলচরেল এজুকেসন ফংহল্লগনি।
