প্রধান মন্ত্রী শ্রী নরেন্দ্র মোদীনা মার্চ ১৩,২০২৪গী অয়ুক পুং ১০:৩০ তাবদা ভিদিও কনফরেন্সিংগী খুৎথাংদা ‘ইন্দিয়াস তেক্কেদ: চিপস ফোর বিকসিত ভারত’ শরুক য়াগনি অমসুং লুপা করোর লাখ ১.২৫ রোমগী সেমিকন্দক্তর ফেসিলিতি অহুমগী উরেপ-উয়ুং তমগনি। থৌরম অদুদা প্রধান মন্ত্রীনা লৈবাক শীনবা থুংবগী নহারোলশিংদা ৱা ঙাংগনি।
ভারত অসি সেমিকন্দক্তর দিজাইন, মেনুফেকচরিং অমসুং তেক্নোলোজি দিবলপমেন্তগী মালেমগী মফম অমা ওইনা শেমগৎপা, লৈবাক অসিগী নহারোলশিং থবক ফংনবা খুদোংচাবশিং হেনগৎহনবা হায়বসি প্রধান মন্ত্রীগী পান্দমনি। মসিগী পান্দম অসিগা ইরোইননা, গুজরাতকী ধোলেরা স্পিসিএল ইনভেস্তমেন্ত রিজিন(দি এস আই আর) দা সেমিকন্দক্তর ফেব্রিকেসন ফেসিলিতি; অসামগী মোরিগাউন্দা আউতসোর্স সেমিকন্দক্তর এশেমব্লি এন্দ তেস্ত ফেসিলিতি(ও এস এ তি) অমসুং গুজরাতকী সানন্দদা আউতসোর্স সেমিকন্দক্তর এশেমব্লি এন্দ তেস্ত ফেসিলিতি(ও এস এ তি) শানবা উরেপ-উয়ুং তমগনি।
ধোলেরা স্পিসিএল ইনভেস্তমেন্ত রিজিন(দি এস আই আর) গী সেমিকন্দক্তর ফেব্রিকেসন ফেসিলিতি অসি ভারত্তা সেমিকন্দক্তর ফেবশিং লিংখৎনবা মোদিফাইদ স্কিমগী মখাদা তাতা ইলেক্ত্রোনিক্স প্রাইভেদ লিমিতেদ(তি ই পি এল)না লিংখৎকদবনি। মসিদা লুপা করোর ৯১,০০০ হেন্না থাদগনি অমসুং মসি লৈবাক অসিদা অহানবা কম্মর্সিএল সেমিকন্দক্তর ফেব ওইরগনি।
অসামগী মোরিগাউন্দা আউতসোর্স সেমিকন্দক্তর এশেমব্লি এন্দ তেস্ত ফেসিলিতি(ও এস এ তি) অসি লুপা করোর ২৭,০০০ রোম চঙনা সেমিকন্দক্তর এশেমব্লি, তেস্তিং, মার্কেত্তিং অমসুং পেকেজিং(এ তি এম পি)গী মোদিফাইদ স্কিমগী মখাদা তাতা ইলেক্ত্রোনিক্স প্রাইভেদ লিমিতেদ(তি ই পি এল)না লিংখৎকদবনি।
সানন্দদা আউতসোর্স সেমিকন্দক্তর এশেমব্লি এন্দ তেস্ত ফেসিলিতি(ও এস এ তি) অসি লুপা করোর ৭,৫০০ রোম চঙনা সেমিকন্দক্তর এশেমব্লি, তেস্তিং, মার্কেত্তিং অমসুং পেকেজিং(এ তি এম পি)গী মোদিফাইদ স্কিমগী মখাদা সি.জি পৱার এন্দ ইন্দস্ত্রিএল সোলুসন্স লিমিতদনা লিংখৎকদবনি।
হায়রিবা ফেসিলিতিশিং অসিগী খুৎথাংদা, সেমিকন্দক্তর ইকোসিস্তেম মপাঙ্গল কনখৎহনগনি অমসুং ভারত্তা মরা তাগনি। হায়রিবা য়ুনিতশিং অসিনা সেমিকন্দক্তর ইন্দস্ত্রিদা নহারোল লিশিং কয়া থবক ফংহনগনি অমসুং ইলেক্ত্রোনিক্স, তেলিকোম অসিনচিংবা মরী লৈনবা সেক্তরশিংদা থবক ফংবা হেনগৎহনগনি।
থৌরম অসিদা কলেজ মহৈরোয় লিশিং কয়াগা লোয়ননা সেমিকন্দক্তর ইন্দস্ত্রিগী লুচিংবশিং শরুক য়াগনি।
