প্রধান মন্ত্রী শ্রী নরেন্দ্র মোদীনা দিল্লীগী প্রগতি মৈদান্দা লৈবা ভারত মন্দপমদা ওগস্ত 7কী নুমিৎ য়ুংবা পুং 12 তাবা মতমদা নেস্নেল হেন্দলুম দেগী পালন থৌরমদা শরুক য়াগনি।
প্রধান মন্ত্রী অসি লৈবাক্কী ফজরবা নাৎকী ওইবা আর্তিস্ত্রী অমসুং ক্রাফমেনশিপ অসি য়োকখৎনবা হোৎনরিবা আর্তিসেনশিং অমসুং ক্রাফমেনশিংদা পুক্নিং থৌগৎনবা অমসুং পোলিসীগী সপ্পোর্ত পীনবা মতম চুপ্পদা শৌগৎতুনা লাকপা মীশক অমা ওইখি। মহাক্কী মঙলান অদুনা লমজিংদুনা সরকারনা ওগস্ত 7, 2015দা অহানবা ওইনা পালন তৌবগা লোয়ননা নেস্নেল হেন্দলুম দে পালন তৌবা হৌখি। ওগস্ত 7, 1905দা হৌখিবা স্বাদেশি মুফমেন্তবু ইকাই খুম্নবা উৎপা ওইনা অমসুং ইন্দিজিনস ইন্দস্ত্রীশিং অমসুং মরু ওইনা হেন্দলুমগী ফী শারিবশিংবু পুক্নিং থৌগৎনবা তাং অসি অখন্ননা খনখি।
চহি অসিদা 9শুবা নেস্নেল হেন্দলুম দে পালন তৌরি। থৌরম অসিদা নেস্নেল ইন্সতিত্যুত ওফ ফেশন তেক্নোলোজী (NIFT)না দিবেলপ তৌবা তেক্সতাইল্স & ক্রাফসকী রিপোজিতরী - “भारतीय वस्त्र एवं शिल्प कोष” গী ই-পোর্তেল অমসু প্রধান মন্ত্রীনা লোঞ্চ তৌগনি।
থৌরম অসিদা হেন্দলুম অমসুং খাদীগী ফী শারিবা আর্তিসেন 3000 হেনবনা অমসুং তেক্সতাইল & MSME সেক্তরশিংদগী স্তেকহোল্দরশিংনা শরুক য়াগদৌরি। মসিনা ভারত শিনবা থুংবদগী হেন্দলুম ক্লস্তরশিং, NIFT কেম্পসশিং, ৱেবর সর্ভিস সেন্তরশিং, ইন্দিয়ন ইন্সতিত্যুত ওফ হেন্দলুম তেক্নোলোজী কেম্পসশিং, নেস্নেল হেন্দলুম দিবেলপমেন্ত কোর্পোরেসন, হেন্দলুম এক্সপোর্ত প্রমোসন কাউন্সিল, KVIC ইন্সতিত্যুসনশিং অমসুং তোঙান-তোঙানবা স্তেৎ হেন্দলুম দিপার্তমেন্তশিংনা অমত্তা ওইনা পুনগনি।
