প্রধান মন্ত্রী শ্রী নরেন্দ্র মোদীনা জনুৱারী ২৪গী নুংথিল পুং ৪ তাবা মতমদা মহাক্কী য়ুম, ৭ এল.কে.এম.দা প্রধান মন্ত্রী রাস্ত্রিয় বাল পুরস্কার (পি.এম.আর.বি.পি.) ফংলবশিংগা ৱারী শাগদৌরি।
ভারত লৈঙাক্না প্রধান মন্ত্রী রাস্ত্রিয় বাল পুরস্কার অঙাংশিংগী মফমদা ইনোভেসন, খুন্নাই থৌগল, মহৈ-মশিং, শান্ন-খোৎনবা, আর্ত অমসুং কল্চর, অমদি থৌনা ফবা হায়রিবা কাঙলুপ তরুকসিদা তোপ তোপ্পা থবক তৌখিবগীদমক লান্থোক্তুনা লাক্লি। মনা ফংলবা অঙাং খুদিংদা মেদল অমা, শেলগী মনা লুপা লাখ ১ অমদি সর্তিফিকেৎ অমমম পী। চহি অসিগী ওইনা বাল শক্তি পুরস্কারগী তোঙান তোঙানবা কাঙলুপশিংগী মখাদা লৈবাক শিনবা থুংবদগী অঙাং ১১ পি.এম.আর.বি.পি.-২০২৩গীদমক খনগৎলে। হায়রিবা মনা ফংগদৌরিবশিং অসিগী মরক্তা স্তেৎ অমদি য়ু.তি. ১১দগী নুপামচা ৬ অমদি নুপীমচা ৫ য়াওরি।
