প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুত্থাংদা নবেম্বর ২৬কী অয়ুক পুং ১০দা হায়দ্রাবাদকী রাজীব গান্ধী ইন্তরনেস্নেল এয়রপোর্তকী জি.এম.আর. এরোস্পেস অমসুং ইন্দস্ত্রীএল পার্ক, SEZ দা লৈবা সাফরান এয়রক্রাফ ইঞ্জিন সর্বিসেস ইন্দিয়া (SAESI) ফেসিলিতী শঙ্গারগনি।
SAESI অসি এয়রবস A320neo অমসুং বোয়িং 737 MAX এয়রক্রাফশিংদা শক্তি পীরিবা LEAP (লীদিং এভিয়েসন প্রোপলসন) ইঞ্জিনশিংগী মেন্তেনেন্স, রিপেয়র, অমসুং ওভরহোল (MRO) ফেসিলিতি অমনি। মসিগী ফেসিলিতী লিংখৎপা অসি য়াম্না মরু ওইবা মাইলস্তোন অমা ওইরি, মরমদি মসি মালেমগী খ্বাইদগী চাউবা এয়রক্রাফ ইঞ্জিন MROগী ফেসিলিতী অমা ওইবতা নত্তনা মালেমগী ইঞ্জিন OEM (ওরিজিনেল ইক্বিপমেন্ত মেনুফেকচরর) অমনা ভারত্তা MRO ওপরেসন অমা অহানবা ওইনা লিংখৎপা অসিসু অমনি।
GMR এরোস্পেস অমসুং ইন্দস্ত্রীয়েল পার্ক - SEZ গী মনুংদা 45,000 sqm দা শন্দোকপা, খ্বাইদগী নৌবা ফেসিলিতী অসি চাউরাক্না লুপা করোর 1,300গী অহানবা ইনভেস্তমেন্তগা লোয়ননা শেমগৎখি। চহিগী ওইনা LEAP ইঞ্জিন 300 ফাওবা সর্ভিস তৌনবা দিজাইন তৌখিবা, SAESI ফেসিলিতী অসিনা 2035 ফাওবদা অপুনবা ওপরেস্নেল কেপাসিতী ফংলবা মতুংদা অৱাংবা থাক্কী স্কিল লৈরবা ভারতকী তেক্নিসিয়ন অমসুং ইঞ্জিনীয়র 1,000 হেন্না থবক পীগনি। ফেসিলিতী অসিদা মালেমগী থাক্কী ইঞ্জিন মেন্তেনেন্স অমসুং রিপেয়র সর্ভিসশিং পীনবা এদভান্স প্রোসেস ইক্বিপমেন্তশিং লৈগনি।
MRO ফেসিলিতী অসি এভিয়েসন সেক্তরদা আত্মনির্ভরতাগী পান্দমগী মায়কৈদা অচৌবা খোংথাং অমা ওইরগনি। MROদা লমদমসিগী তৌবা ঙম্বগী মতিক লৈহনবনা ফোরেন এক্সচেঞ্জ আউৎফ্লো হন্থহল্লগনি, অৱাংবা ভেল্যুগী থবক ফংহল্লগনি, সপ্লাই চেনগী রেজিলিয়েন্স হেনগৎহল্লগনি অমসুং ভারতপু গ্লোবেল এভিয়েসন হব অমা ওইহল্লগনি। ভারত সরকারনা সেক্তর অসিগী খোংজেল য়াংনা খুমাং চাউশিল্লকপদা মতেং পাংনবগীদমক মপাঙ্গল লৈরবা MRO ইকোসিস্তেম অমা শেমগৎনবা থবক পায়খৎলি। 2024দা GSTগী রিফোর্মশিং, 2021গী MROগী গাইদলাইনশিং, অমসুং নেস্নেল সিভিল এভিয়েসন পোলিসী 2016 য়াওনা সরকারগী মরুওইবা পোলিসী ইনিসিয়েতিবশিংনা MRO প্রোভাইদরশিংগীদমক তেক্স স্ত্রকচরশিংবু মরম চানা শেমগত্তুনা অমসুং রোয়লতী চৈথেং হন্থহন্দুনা ওপরেসনশিংবু লায়থোকহনখ্রে।
