প্রধান মন্ত্রী শ্রী নরেন্দ্র মোদীনা পি.এম.না পোর্ত ব্লেয়রগী বীর সবর্কর ইন্তর্নেস্নেল এয়রপোর্তকী অনৌবা ইন্তিগ্রেতেদ তর্মিনেল বিলদিং জুলাই 18দা ভিদিও কনফরেন্সিংগী খুত্থাংদা শঙ্গারগনি।
কন্নেক্তিবিতী ইনফ্রাস্ত্রকচর ফগৎহনবনা হৌজিক্কী সরকারগী মরু ওইবা মিৎয়েং ওইদুনা লাক্লি। চাউরাকপা লুপা করোর 710 চঙদুনা শাবা অনৌবা ইন্তিগ্রেতেদ তর্মিনেল বিলদিং শঙ্গাবা অসিনা ইথৎ UT অসিগী কন্নেক্তিবিতী হেনগৎহনবদা অচৌবা থৌদাং লৌগনি। চাউরাক্না স্ক্বার কিমি. 40,800গী পাক চাউবা অনৌবা তর্মিনেল বিলদিং অসিনা চহিদা পেসেঞ্জর চাউরাক্না লাক্ষ 50 শেন্নবা ঙমগনি। বোইং 767-400 অনি অমসুং এয়রবস তাইপ 321 অনি খাম্বা য়াবগী কেপাসিতী লৈবা এপ্রোন অমসু করোর ₹80 চঙনা পোর্ত ব্লেয়র এয়রপোর্তা শারে। মসিনা এয়রপোর্ত অসিবু মতম অমত্তদা প্লেন তরা খাম্বা য়াহল্লে।
মহৌশাগী মতৌদগী ইথিল লৌবা আর্কিতেকচর দিজাইন অসিনা সমুদ্র অমসুং ইথৎকী মওং তাক্তুনা কোংগ্রেনগী মওং মাল্লি। অনৌবা এয়রপোর্ত তর্মিনেল বিলদিং অসিদা মৈশা শাজিল্লকপা হন্থহন্নবা দবল ইন্স্যুলেতেদ রুফিং, অয়ুক-নুংথিলগী মতমদা নুংশা মঙাল নীংথিনা চঙহন্নবা অমসুং খুৎশেমগী মৈ থানবগী চাং হন্থহন্নবা স্কাইলাইত, LED লাইতিং, লো হিত গেন গ্লেজিংনচিংবা সস্তেনেবল ওইহন্নবা মওং-মতৌ কয়া য়াওরি। অন্দরগ্রাউন্দ ৱাতর তেঙ্কতা নোংগী ঈশিং য়োকশিন্নবা, মসিগী 100% চাংবু লেন্দস্কেপিং তৌনবা নৌনা অমুক শিজিন্নবা য়াহনগদবা ওন-সাইত সিৱেজ ত্রিতমেন্ত প্লান্ত অমসুং 500 KW কেপাসিতীগী সোলর পাৱর প্লান্ত অসিসু এয়রপোর্ত অসিদা য়াওরিবা অমসুং ইথৎ অসিগী অকোয়বগী ফিভমদা কা হেন্না অকায়বা লৈহন্দনবা হাপ্পা তর্মিনেল বিলদিং অসিগী মওং-মতৌ খরনি।
নীংথিরবা অন্দমান অমসুং নিকোবর ইথৎকী গেতৱে ওইরিবা পোর্ত ব্লেয়র অসি লমকোয়বশিংগী পাম্নবা পন্থুংফম অমনি। মতিক চানা চাউবা অনৌবা ইন্তিগ্রেতেদ তর্মিনেল বিলদিং অসিনা এয়র ত্রাফিক হেনগৎহনগনি অমসুং ইথৎ অসিদা লমকোয়বা হেন্না লাকহনবদা তেংবাংগনি। মসিনা লোকেল খুন্নাইগী মীওইশিংগী থবক্কী অহেনবা খুদোংচাবা পীবগা লোয়ননা লমদম অসিগী শেন্মিৎলোন্দসু তেংবাংগনি।
