প্রধান মন্ত্রী শ্রী নরেন্দ্র মোদীনা 2026গী জনুৱারী 3দা অয়ুক পুং 11 রোম তাবদা রাই পিথোরা কলচরেল কমপ্লেক্স, নই দিল্লীদা ভগবান বুদ্ধগা মরী লৈনবা শেংলবা পিপরহৱা রেলিকশিংগী অচৌবা ইন্তরনেস্নেল এক্সপোজিসন, “মঙাল অমসুং থম্বাল: মঙাল ফংলবা মীওইগী রেলিকশিং” হায়না মিংথোনবা অসি হৌদোক্কনি।
এক্সপোজিসন অসিনা অহানবা ওইনা নেস্নেল ম্যুজিয়ম, ন্যু দিল্লী অমসুং ইন্দিয়ন ম্যুজিয়ম, কলকাতাগী কাংলুপশিংদা ঙাক-শেন্দুনা থম্লিবা পিপরহৱানা পুথোকপা অশেংবা রেলিকশিং অমসুং আর্কিওলোজিকেল মেতরিএলশিংগা লোয়ননা চহি চা অমা হেনবগী মতুংদা লৈবাক অসিদা অমুক হন্না পুরকখিবা পিপরহৱানা রেলিকশিং পুনশিল্লি।
ইং 1898দা ফংখিবা, পিপরহৱা রিলিকশিং অসি অঙনবা মতমগী বুদ্ধ ধর্মগী আর্কিওলোজিকেল স্তদীদা মরুওইবা মফম অমা লৌরি। মসি ভগবান বুদ্ধগা হকথেংননা মরী লৈনবা খ্বাইদগী অঙনবা অমসুং পুৱারীগী ওইবা মগুন লৈবা রিলিক দিপোজিৎশিংগী মনুংদা অমনি। পিপরহৱা সাইৎকা শাগোন্নবা আর্কিওলোজিকেল ইভিদেন্সশিংনা অরিবা মতমগী কপিলাবস্তু, ভগবান বুদ্ধনা পুম্নমক থাদোক্তুনা চৎত্রিঙৈ মমাংগী মহাক্কী পুন্সিগী অঙনবা মতম মফম অসিদা লৈরমখিবগীদমক পাক শন্না খঙনরিবা অসিগা মরী লৈনহল্লি।
এক্সপোজিসন অসিনা ভগবান বুদ্ধগী তম্বীরোলগা লোয়ননা ভারতকী অচেৎপা অমসুং লেপ্তনা লৈরক্লিবা সভ্যতাগী মরী অদু উৎলি অমসুং মসিনা ভারতকী ইনাক খুল্লবা স্পিরিচুএল অমসুং কলচরেল হেরিতেজ ঙাক্নবা প্রধান মন্ত্রীগী অচেৎপা ফিরেপ অদু উৎলি। হন্দক্তা মপান লৈবাক্তগী অমুক হন্না হল্লকখিবা অসি সরকারগী লেপ্পা লৈতবা খোঙথাং, ইন্সতিত্যুস্নেল কোওপরেসন অমসুং অনৌবা পব্লিক-প্রাইবেৎ পার্তনরশিপকী খুত্থাংদা ঙমখিবনি।
একজিবিসন অসি থীমগী মতুং ইন্না শীন-লাঙখি। মসিগী ময়াইদা সঞ্চি স্তুপাদগী ইথিল লৌদুনা শেমদোক্লবা ইন্তর্প্রিতিব মোদেল অমা লৈ, মসিদা নেস্নেল কলেক্সনশিংদগী অশেংবা রিলিক্সশিং অমসুং লৈবাক অসিদা অমুক হল্লকখিবা মনিশিংবু পুনশিল্লি। অতোপ্পা সেক্সনশিংগী মনুংদা পিপরহৱা রিভিজিতেদ, বুদ্ধকী পুন্সিগী ভিগনেৎশিং, ইন্তেঞ্জিবলল ইন দি তেঞ্জিবেল: দি এস্থেতিক লেঙ্গুৱেজ ওফ বুদ্ধিস্ত তীচিংস, এক্সপান্সন ওফ বুদ্ধিস্ত আর্ত এন্দ আইদিএলস বিয়োন্দ বোর্দরস, অমসুং রিপেত্রিএসন ওফ কলচরেল আর্তেফেক্তস: দি কন্তিন্যুয়িং এনদেবর য়াওরি।
মীয়াম্না হেন্না খঙবা ঙম্নবা, এক্সপোজিসন অসি ইম্মর্সিব ফিল্মশিং, দিজিতেল রিকনস্ত্রক্সনশিং, ইন্তর্প্রেতিব প্রোজেক্সনশিং, অমসুং মল্তিমেদিয়া প্রজেন্তেসনশিং য়াওনা মপুং ফানা ওদিও-ভিজুএল কম্পোনেন্ত অমনা সপ্পোর্ত তৌরি। হায়রিবা ইলিমেন্তশিং অসিনা ভগবান বুদ্ধগী পুন্সি, পিপরহৱাগী লৈহৌরিবা পোৎলমশিং ফংলকপা, লমদম কয়াদা মখোয়গী খোঙচৎ, অমসুং মখোয়গা মরী লৈনবা আর্তিস্তিক ত্রেদিসনশিংগী মতাংদা খঙবা ঙমহল্লি।
