মহোৎসবকী থিম: বিকসিত ভারত ২০৪৭ অমগীদমক খুদোংথিবা থেংনবা ঙম্বা ভারতগী খুঙ্গং শেমগৎপা
ভারতকী খুঙ্গংগী থবক-শুবা নোম্বগী থৌনা অমসুং নাত হরাওবা ফোঙদোক্নবা মহোৎসব অসিনা পান্দম থম্লি
প্রধান মন্ত্রী শ্রী নরেন্দ্র মোদীনা জুনুৱারি ৪ গী অয়ুক পুং ১১ রোম তাবদা নিউ দিল্লিগী ভারত মন্দপমদা গ্রামিন ভারত মহোৎসব ২০২৫ হৌদোক্কনি। থৌরম অদুদা মহাক্না মীয়ামদা ৱা ঙাংগনি।
ভারতকী খুঙ্গংগী থবক-শুবা নোম্বগী থৌনা অমসুং নাত হরাওবা ফোঙদোকপা ওইনা, ‘বিকসিত ভারত ২০৪৭ অমগীদমক খুদোংথিবা থেংনবা ঙম্বা ভারতগী খুঙ্গং শেমগৎপা’ হায়রিবা থিম অমসুং মোত্তো “गांव बढ़े, तो देश बढ़े” গা লোয়ননা মহোৎসব অসি জনুৱারি ৪ দগী জনুৱারি ৯ ফাওবা পাংথোক্কনি।
খুঙ্গংগী ইনফ্রাস্ত্রকচর ফগৎনবা, মশা মরোমদোম লেপচবা ঙম্বা শেন্মিৎলোনশিং শেমগৎনবা অমসুং খুঞ্জাশিংগী মরক্তা অনৌবা থবকশিং পায়খৎপা পুক্নিং থৌগৎনবা পান্দমদা মহোৎসব অসিদা তোঙান-তোঙানবা খন্ন-নৈনবশিং, ৱার্কশোপশিং অমসুং মাস্তরক্লাসশিং পাংথোক্কনি। থৌরম অসিগী পান্দমশিংগী মনুংদা, অৱাং-নোংপোক ভারত্ত অখন্নবা মীৎয়েং থমদুনা, শেন-থুমগী কান্নবশিং ফংহন্দুনা অমসুং তুংকোইনা চৎনবা য়াগদবা লৌউ-শিংউগী থবকশিংদা মতেং পাংদুনা খুঞ্জাশিংগী মরক্ত শেন-থুমগী তংদু-লৈতাবা পুরকপা য়াওরি।
ওন্ত্রেপ্রেনিউয়রসিপকী খুৎথাংদা খুঙ্গংগী নুপীশিংদা শক্তি পীনবা; সরকারগী ওফিসিএলশিং, অখঙ-অহৈশিং, খুঙ্গংগী ওন্ত্রেপ্রেনিউয়রশিং, খুৎহৈবশিং অমসুং তোঙান-তোঙানবা হিরমশিংগী মরী লৈনবশিং পুনশিন্দুনা খুঙ্গংদা অওনবা পুরক্নবা পুন্না থবক তৌমিন্নবা লম্বী অমা শেম্নবা হোৎনবা; খুঙ্গংগী হিংনবগী লম্বীশিং ফগৎনবা তেক্নোলোজি অমসুং অনৌবা থবকশিং পায়খৎনবা খন্ন-নৈনবা পুক্নিং থৌগৎপা অমসুং ফজরবা থৌরমশিং অমসুং একজিবিসনশিংগী খুৎথাংদা ভারতকী ইনাকখুল্লবা নাত অমসুং চৎনবীশিং উৎনবা মহোৎসব অসিনা মীৎয়েং থম্লি।
