সেসন অসিগী থিমদি “নোংজু-নুংশাগী ফিবম হোংলকপদা লমদম অমনা থেংন্নবা হোৎনবা” হায়বনি
লাক্লিবা মার্চ ১০গী নুংথিল পুং ৪:৩০ তাবদা নিউ দিল্লিগী বিজ্ঞান ভাবন্দা প্রধান মন্ত্রী শ্রী নরেন্দ্র মোদীনা নেসনেল প্লেতফোর্ম ফোর দিজাস্তার রিক্স রিদক্সন(এন পি দি আর আর)গী ৩শুবা সেসন হৌদোক্কনি। ৩শুবা সেসন অসিগী থিমদি “নোংজু-নুংশাগী ফিবম হোংলকপদা লমদম অমনা থেংন্নবা হোৎনবা” হায়বনি।
থৌরম অদুদা, প্রধান মন্ত্রীনা সুভাস চন্দ্র বোস অপদা প্রবন্ধান পুরুস্কার ফংলবশিং ইকায়খুম্নবা উৎকনি। ২০২৩গী পুরুস্কার ফংলবশিংদি ওরিসা স্তেৎ দিজাস্তার মেনেজমেন্ত ওথোরিতি(ও এস দি এম এ) অমসুং লুংলৈ ফাইয়ার স্তেসন, মিজোরমনি। অমাং-অতা থোকপা হন্থহন্নবগী হিরমদা অনৌবা থবকশিং অমসুং ৱাখল্লোনশিং, খুৎলায়শিং অমসুং তেক্নোলোজিশিংগী উৎপা একজিবিসন অমসু প্রধান মন্ত্রীনা হৌদোক্কনি।
অমাং-অতা থোকপা হন্থহন্নবগী হিরমদা ৱারি শান্নবা, অখঙবশিং, অনৌবা ৱাখল্লোনশিং পীথোক-পীশিন তৌন্নবা, রিছর্স তৌনবা অমসুং খুদোংচাবশিং থিদোক্নবা মরী লৈনবশিংগী মফম অমা ওইনবা এন.পি.দি.আর.আর অসি ভারত সরকারনা লিংখৎপনি।
