প্রোজেক অনিমক্না লমদম অসিগী তুরিজমগী খুদোংচাবশিং হেনগৎহনগনি
প্রধান মন্ত্রীনা লুপা করোর ১০০০ হেনবগী কংফালগী শরুক্তা লৈবা ঈশিং লম্বীশিংগী অতোপ্পা প্রোজেকশিং শঙ্গাগনি অমসুং উরেপ-উয়ুং তমগনি
প্রধান মন্ত্রীনা হালদিয়াদা মল্তি মোদাল তর্মিনেল শঙ্গাগনি

প্রধান মন্ত্রী শ্রী নরেন্দ্র মোদীনা জনুৱারি ১৩গী অয়ুক পুং ১০:৩০ তাবদা ভিদিও কনফরেন্সকী খুৎথাংদা বরানসীদা মালেমদা খ্বাইদগী শাংবা রিভর ক্রুইজ-এম.ভি গঙ্গা বিলাস লমথাগনি অমসুং তেন্ত সিতি শঙ্গাগনি। থৌরম অদুদা মহাক্না লুপা করোর ১০০০ হেনবগী কংফালগী শরুক্তা লৈবা ঈশিং লম্বীশিংগী অতোপ্পা প্রোজেকশিং শঙ্গাগনি অমসুং উরেপ-উয়ুং তমগনি।

এম.ভি গঙ্গা বিলাস

এম.ভি গঙ্গা বিলাসগী খোঙচৎ উত্তর প্রদেসকী বরানসীদগী হৌগনি অমসুং বংলাদেস ফাওরগা কিলোমিতর ৩,২০০ রোম হোনলগা নুমিৎ ৫১দা অসামগী দিব্রুগরদা থুংগনি, মসিনা ভারত অমসুং বংলাদেসকী রিভর সিস্তেম ২৫ ফাওরগা হোনগনি। এম.ভি গঙ্গা বিলাসতা মথোল অহুম লৈরি অমসুং লমকোয়বা ৩৬ চনবা সুতি ১৮ য়াওরি। অহানবা হৌদোকপা খোঙচৎ অসিদা সুইজরলেন্দগী লমকোয়বা মীওই ৩২ খোঙচৎ অসি লোইবা ফাওবা শরুক য়াগনি। এম.ভি গঙ্গা বিলাসনা লৈবাক অসিগী খ্বাইদগী অফবা অদু মালেমদা উৎকনি। নুমিৎ ৫১গী খোঙচৎ মনুং অসিদা ৱার্ল্দ হেরিতেচ সাইতশিং, নেসনেল পার্কশিং, তুরেলগী ঘাতশিং য়াওনা মফম ৫০ হেন্না য়েংহন্নবা থৌরাং তৌরি। য়েংহন্নবা থৌরাং তৌরিবা মরুওইবা সহরশিংগী মনুংদা বিহারগী পাতনা, ঝারখান্দগী সাহিবগঞ্জ, নোংচুপ বঙ্গালগী কোলকাতা, বংলাদেসকী ধকা অমসুং অসামগী গুৱাহাতি য়াওরি। খোঙচৎ অসিনা লমকোয়বশিংদা চাংয়েংগী খোঙচৎ অসিগী খুদোংচাবা অমা ফংগনি অমসুং ভারত অমসুং বংলাদেসকী কলা, কলচর, পুৱারি অমসুং স্পিরিচুএল খঙবা ঙমগনি।

 

রিভর ক্রুইজ তুরিজম চাউখৎহন্নবা প্রধান মন্ত্রীগী পান্দম ফংনবা, মসিগী থবক অসি হৌদোকপা অসিনা রিভর ক্রুইজগী শীজিন্নদনা লৈরিবা খুদোংচাবশিং কান্নবা লৌবা য়ারগনি অমসুং মসিনা ভারত্তা রিভর ক্রুইজ তুরিজমগী অনৌবা যুগ অমা হৌদোক্লগনি।

বরানসীদা তেন্ত সিতি

মফম অসিদা তুরিজমগী কান্নবশিং লৌনবা গঙ্গা তুরেল মপান্দা তেন্ত সিতিগী থবকশিং পায়খৎলকপনি।  কাসি বিশ্বনাথ ধাম হৌদোকপদগী বরানসী সহরদা লমকোয়বা মীওইশিং থোমজিল্লকলিবা অসিদা মখোয়গী দরকার ওইবা লৈফম পীনবা প্রোজেক অসি পায়খৎপনি। প্রোজেক অসি পি.পি.পিগী মওংদা বরানসী দিবলপমেন্ত ওথোরিতিনা পায়খৎপনি। অনকপদা লৈবা তোঙান-তোঙানবা ঘাতশিংদগী হি তোংলগা লমকোয়বশিংনা তেন্ত সিতি অসিদা য়ৌরক্কনি। চহি খুদিংগী ওক্তোবরদগী জুন ফাওবা তেন্ত সিতি অসি থবক তৌগনি অমসুং নোংচু থা মতমদা তুরেলগী ঈশিং ইমাই ৱাংখৎলকপদগী থা অহুম তেন্তশিং লৌথোক্কনি।

ইনলেন্ত ৱাতরৱেজ প্রোজেকশিং

প্রধান মন্ত্রীনা নোংচুপ বঙ্গালদা হালদিয়া মল্তি মোদাল তর্মিনেল শঙ্গাগনি। জাল মার্গ বিকাস প্রোজেক্কী মখাদা পায়খৎপা হালদিয়া মল্তি মোদাল তর্মিনেল অসিনা চাউরাক্না ৩ মিল্লিয়ন মেত্রিক তন পর এন্নম(এম এম তি পি এ)গী কার্গো পুথোক-পুশিন তৌবা ঙমগনি অমসুং ৩০০০ দেদৱেদ তোন্নেজ(দি দব্লিউ তি) ফাওবগী জহাজশিং হোনজিল্লকপা য়ানবা বার্থশিং শেম্লে।

প্রধান মন্ত্রীনা উত্তর প্রদেসকী সাইদপুর, চোচাকপুর, ঘাজিপুর জিলাগী জামানিয়া অমসুং বালিয়া জিলাগী কান্সপুরদা অতাউবা হিথাংফম মরি শঙ্গাগনি। মসিগী প্রধান মন্ত্রীনা বিহারগী দিঘা, নাকতা দিয়ারা, বারহ, পাতনা জিলাগী পানাপুর অমসুং সমাস্তিপুর জিলাগী হাসানপুরদা মীয়ামগী হিথাংফম মঙা শানবা উরেপ-উয়ুং তমগনি।

মফম অদুগী মীয়ামগী হিংনবগী লম্বী ফগৎনবা অমসুং শেন-থুমগী থবকশিং চাউখৎনবা উত্তর প্রদেস, বিহার, ঝারখান্দ অমসুং নোংচুপ বঙ্গাল রাজ্যশিংদা গঙ্গা তুরেল পরিংদা মীয়াগী হিথাংফম ৬০ হেন্না শাখ্রে। মীয়ামগী হিথাংফমশিং অসিনা লৌমীশিং, ঙাগী পোৎথোক পুথোকপা য়ুনিতশিং, লৈ য়োনবশিং, উহৈ-ৱাহৈ পুথোকপশিং অমসুং খুৎহৈবশিংদা ইরাই লাইনা পোৎ-চৈ পুথোক-পুশিন তৌনবা খুদোংচাবশিং পীদুনা মীয়ামগী হিংনবগী লম্বী ফগৎহনবা মতেং পাংগনি অমসুং গঙ্গা তুরেলগী মনুং-হুজিনবা মফমশিংদা য়ৌবা ঙমগনি।

প্রধান মন্ত্রীনা গুৱাহাতিদা অৱাং-নোংপোক্কী মেরিতাইম স্কিল দিবলপমেন্ত সেন্তর শঙ্গাগনি। সেন্তর অসিনা অৱাং-নোংপোক লমদমগী হৈশিংবা হেনগৎহনগনি অমসুং লোজিসতিক্স ইন্দস্ত্রিদা থবক ফংনবগী খুদোংচাবা কয়া পীগনি।

হায়রিবশিং অসিগী মথক্তা, প্রধান মন্ত্রীনা জহাজ শেমজিন্নবা মফম অমা শানবা উরেপ—য়ুং তমগনি অমসুং গুৱাহাতিগী পান্দু তর্মিনেলদা অৱাংবা লম্বী অমা শঙ্গাগনি। পান্দু তর্মিনেলদা লৈগদৌরিবা জহাজ শেমজিন্নবা মফম অসিনা কোলকাতাগী জহাজ শেম্নবা মফমদা জহাজ পুবা অমসুং অমুক পুরকপদা থা অমগী মতম চংবা অদু কনবা ঙম্লগনি। মসিগী মথক্তা, জহাজ পুবদা য়াম্লবা শেনফম অমা চংবা অদু কনবা ঙম্লগনি। পান্দু তর্মিনেলদগী এন.ঐচ-২৭ য়ৌবা লম্বী অসি পুং ২৪ মথৌ পাংথোকপা য়াগনি।  

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
BJP manifesto 2024: Super app, bullet train and other key promises that formed party's vision for Indian Railways

Media Coverage

BJP manifesto 2024: Super app, bullet train and other key promises that formed party's vision for Indian Railways
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 15 এপ্ৰিল, 2024
April 15, 2024

Positive Impact of PM Modi’s Policies for Unprecedented Growth Being Witnessed Across Sectors