রোজগার মেলাগী মখাদা, ভিদিও কনফরেন্সকী খুৎথাংদা জুন ১৩গী অয়ুক পুং ১০:৩০ তাবদা প্রধান মন্ত্রী শ্রী নরেন্দ্র মোদীনা সরকারগী দিপার্তমেন্তশিং অমসুং ওর্গনাইজেসনশিংদা নৌনা থবক হাপ্লবশিংদা এপোইন্তমেন্ত লেত্তর ৭০,০০০ রোম য়েন্থোক্কনি। থৌরম অদুদা প্রধান মন্ত্রীনা থবক ফংলবশিংদা ৱা ঙাংগনি।
লৈবাক অসিগী মফম ৪৩দা রোজগার মেলাশিং পাংথোক্কনি। কেন্দ্র সরকার অমসুং রাজ্য সরকারশিং অমসুং য়ু.তিশিংগী দিপার্তমেন্তশিংদা থবক ফংলবশিং থৌরম অসিদা শরুক য়াগনি। লৈবাক্কী মফম কয়াগী নৌনা থবক ফংলবশিং সরকারগী তোঙান-তোঙানবা দিপার্তমেন্তশিং হায়বদি ফাইনান্সিএল সর্বিসেস দিপার্তমেন্ত, পোস্ত দিপার্তমেন্ত, স্কুল ইজুকেসন দিপার্তমেন্ত, হয়র ইজুকেসন দিপার্তমেন্ত, দিফেন্স মিনিস্ত্রি, রেভিনিউ দিপার্তমেন্ত, হেল্থ অমসুং ফেমিল ৱেলফিয়ার মিনিস্ত্রি, এতোমিক ইনর্জি দিপার্তমেন্ত, রেলৱেজ মিনিস্ত্রি, ওদিৎ অমসুং একাউন্তস দিপার্তমেন্ত অমসুং হোম এফেয়ার্স মিনিস্ত্রি য়াওরি।
রোজগার মেলা অসি থবক পীনবা প্রধান মন্ত্রীনা থাজবা পীখিবা অদু থবক ওইনা পাংথোক্নবা মাইকৈদা থাংজিনবা খোঙথাং অমনি। রোজগার মেলা অসি মখা তানা থবক পীনবা কেতালিস্ত অমা ওইনা থবক তৌরি অমসুং নহারোলশিং শক্তি পীনবা অমসুং লৈবাক চাউখৎনবা থবকশিংদা শরুক য়ানবা কান্নরবা খুদোংচাবা অমা পীরি।
নৌনা থবক ফংলবশিং মখোয় মশামক কর্মায়োগি পরাম্ভগী খুৎথাংদা iGOT কর্মায়োগি পোর্তেলদা ওনলাইন মোদুলদা ত্রেনিংগী খুদোংচাবা অমা ফংলগনি। মফম অমদগী দিভাইস অমদগী হেক্তা ই-লার্নিং কোর্স ৪০০ হেন্না তম্নবগী খুদোংচাবা পীরে।
