প্রধান মন্ত্রী শ্রী নরেন্দ্র মোদী হয়েং নই দিল্লীগী চারিঅপ্পা পেরেদ গ্রাউন্দদা পাংথোকপা নেস্নেল কেদেত কোর্পস (এন.সি.সি.) রেল্লীদা শরুক য়াগনি।
থৌরম অদুদা প্রধান মন্ত্রীনা গার্দ ওফ ওনর য়েংশিনগনি অমসুং তোঙান তোঙানবা এন.সি.সি. কন্তিজেন্তশিংনা পাংথোকপা মার্ত পাস্ত য়েংগনি। কলচরেল পর্ফোমেন্স অমগা লোয়ননা এন.সি.সি. কেদেতশিংনা এদভেনচর স্পোর্তস, ম্যুজিক অমসুং পর্ফোমেন্স অর্তনচিংবা লমশিংদা মখোয়গী তৌবা ঙম্বশিং প্রধান মন্ত্রীগী মাংদা লান্থোক্কনি।
প্রধান মন্ত্রীনা থাগৎনিঙাই ওইরবা এন.সি.সি. কেদেতশিংদা এৱার্দসু য়েন্থোক্কনি অমদি তুংদা ময়ামগী মফমদা ৱা ঙাংগনি।
চহী খুদিংগী, এন.সি.সি. কেদেত চা কয়া রিপব্লিক কেম্পকীদমক নই দিল্লীদা লাক্লি। মমাংগী চহীদা প্রধান মন্ত্রীনা এন.সি.সি. রেলীদী ৱা ঙাংবা মতমদা নেচরেল দিজাস্তর মনুংদা মখোয়না মী কনবা অমসুং তেংবাং পীবগী ওপরেসনশিংদা হোৎনরিবশিং লোয়ননা স্বচ্ছ ভারত অভিয়ানগুম্বা ইনিসিয়েতিবশিং প্রমোৎ তৌনবগীদমক মখোয়না হোৎনরিবশিং অদু থাগৎপা ফোংদোকখি।
