প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা মার্চ ৩, ২০২৬ গী অয়ুক পুং ১১:১৫ রোম তাবদা “শেন-থুম চাউখৎপা তুংকোইনা লৈহনবা অমসুং ফগৎহনবা” হায়বা হিরমদা বজেত মতুংগী ৱেবিনারদা ৱা ঙাংগনি
থিম অসিগী মখাদা, মেনুফকেচরিং, উদ্যোগ ফগৎহনবা অমসুং মরুওইবা হিরমশিং, এম.এস.এম.ইশিং, ফাইনান্স অমসুং কৈথেল, সিতিক ইকোনোমিক রিজনশিং অমসুং ইনফ্রাষ্ট্রকচর, লোজিষ্টিক্স অমসুং ফ্রেদ য়াওনা তোঙান তোঙানবা হিরমশিংদা তোঙান তোঙানবা ৱেবিনার মরি পাংথোক্লি।
উদ্যোগকী থবকশিং পাকথোক-চাউথোক্নবা, তেক্নোলোজিগী লমদা হেন্না মাঙজিল থানবা অমসুং মরুওইবা হিরমশিংদা য়ুম্ফমশিং হেন্না ফগৎনবা অওনবশিং পুরক্নবা বজেত মতুংগী ৱেবিনারশিংদা খন্নগনি। মরুওইবা থবকশিং অসি থবক ওইনা পায়খৎনবা খন্ন-নৈনবা অদুদা মীৎয়েং থমগনি, উদ্যোগকী মীওইশিংনা মখোয়না খঙবশিং শরুক য়াদুনা হেন্না মপুংফানা থবক পায়খৎনবা মতেং পাংগনি।
