প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা আর্সেলর মিত্তল নিপ্পন স্তীল ইন্দিয়া (এ.এম/এন.এস. ইন্দিয়া) হজীরা প্লান্ত পাকথোক-চাউথোকপগী থৌরমদা তিনখিবা মীয়ামদা ৱা ঙাংখ্রে।
প্রধান মন্ত্রীনা হায়খি মদুদি স্তীল প্লান্ত অসিগী খুত্থাংদা ইনভেস্তমেন্তশিং লাকপা খক্তা নত্তনা অনৌবা খুদোংচাবা কয়াগী লম্বীসু হাংদোক্লি। প্রধান মন্ত্রীনা হায়, “লুপা করোর লিশিং ৬০ হেনবগী ইনভেস্তমেন্তনা গুজরাত অমসুং লৈবাক অসিগী নহারোলশিংগীদমক থবক্কী খুদোংচাবা কয়ামরুম পীরগনি। পাকথোক চাউথোকপা অসিগী মতুংদা হজীরা স্তীল প্লান্তদা ক্রুদ স্তীল প্রদক্সন কেপাসিতী মিলিয়ন তন ৯দগী মিলিয়ন তন ১৫দা হেনগৎহল্লগনি”।
২০৪৭ ফাওবদা চাউখৎপা ভারত অমগী মাইকৈদা চংশিল্লিবা পান্দমশিংদা স্তীল ইন্দস্ত্রীনা লৌরিবা থৌদাং হেনগৎলক্লিবা অসিগী মতাংদা প্রধান মন্ত্রীনা হায়খি মপাঙ্গল কনবা স্তীল সেক্তরনা অচৌবা ইনফ্রাস্ত্রকচর সেক্তর অমা ওইহনবা ঙমগনি। মতৌ অসুম্না স্তীল সেক্তরনা লম্বী, রেল লম্বী, এয়রপোর্ত, হীথাংফম, কনস্ত্রক্সন, ওতোমোতিব, কেপিতেল গুদস অমসুং ইঞ্জিনীয়রিং প্রদক্তশিংদা চাউনা শরুক তম্লগনি।
প্রধান মন্ত্রীনা হায় মদুদি পাকথোক চাউথোকপা অসিগা লোয়ননা ভারত্তা পুমনৌ নৌবা তেক্নোলোজী লাকপনা ইলেক্ত্রিক ভেহিকল, ওতোমোবাইল অমসুং অতোপ্পা মেন্যুফেকচরিং সেক্তরশিংদা চাউনা মতেং পাংলগনি। প্রধান মন্ত্রীনা হায়, “আর্সেলর মিত্তল নিপ্পন স্তীল ইন্দিয়াগী প্রোজেক্ত অসিনা মেক ইন ইন্দিয়াগী মঙলান্দা মরু ওইবা পন্দুপ অমা ওইরগনি হায়না ঐহাক্না থাজৈ। মসিনা স্তীল সেক্তরদা চাউখৎপা ভারত অমসুং মীপাল তাংদবা ভারত অমা ওইনবগী ঐখোয়গী খোঙথাংশিংদা অনৌবা শক্তি পীরগনি”।
ভারত্তা মালেমনা থম্লিবা থাজবা অসিগী মতাংদা প্রধান মন্ত্রীনা হায় ভারতনা মালেমগী খ্বাইদগী চাউবা মেন্যুফেকচরিং হব ওইনবা মাইকৈদা খোঙজেল য়াংনা চংশিল্লি অমসুং সরকারনা সেক্তর অসি চাউখৎহন্নবগীদমক মতৌ তাবা পোলিসী এনভাইর্নমেন্ত শেমগৎনবা থবক কন্না তৌরি। মহাক্না মখা তারদুনা হায়, “হৌখিবা চহি ৮দা মীপুম খুদিংমক্না হোৎনখিবশিংনা মরম ওইদুনা ভারতকী স্তীল ইন্দস্ত্রীনা মালেমগী অনিশুবা খ্বাইদগী চাউবা স্তীল পুথোকপা ইন্দস্ত্রী ওইবা ঙমখি। ইন্দস্ত্রী অসিদা খুমাং চাউশিন্নবগী চাউনা মতিক ময়াই চেল্লি”।
প্রধান মন্ত্রীনা ভারতকী স্তীল ইন্দস্ত্রী হেন্না চাউখৎহন্নবগী খোঙথাংশিং অদু পাউদমখি। মহাক্না হায় পি.এল.আই. স্কিমনা মসিগী গ্রোথ লৈহন্নবগী অনৌবা এভেন্যুশিং শেমখি। আই.এন.এস. বিক্রান্তবু খুদম ওইনা পীরদুনা প্রধান মন্ত্রীনা হায় লৈবাক অসিনা ক্রিতিকেল স্ত্রেতেজিক এপ্লিকেসনশিংদা শীজিন্নবা হেনগৎলক্লিবা হায়-গ্রেদ স্তীলদা এক্সপর্তিজ হেনগৎলকখি। প্রধান মন্ত্রীনা হায়খি দি.আর.দি.ও.গী বিজ্ঞানিকশিংনা এয়রক্রাফ কেরিয়রদা শীজিন্নবা অখন্নবা স্তীল দিবেলপ তৌখি। ভারতকী কম্পনীশিংনা স্তীলগী মেত্রিক তন লিশিং কয়া পুথোকখি। অমসুং আই.এন.এস. বিক্রান্ত অসি ইন্দিজিনস কেপাবিলিতী অমসুং তেক্নোলোজীগা লোয়ননা মপুং ফানা শেম শাখি। অসিগুম্বা কেপাবিলিতী হেনগৎহন্নবা লৈবাক অসিনা হৌজিক ক্রুদ স্তীলগী প্রদক্সন কেপাসিতী শরুক অনি হেনগৎহন্নবা পান্দম থমখি। ঐখোয়না হৌজিক ক্রুদ স্তীল এম.তি. ১৫৪ পুথোক্লি। মথংগী চহি ৯-১০দা ঐখোয়গী পান্দম অসি প্রদক্সন কেপাসিতী এম.তি. ৩০০ পুথোকপনি।
চাউখৎ থৌরাংগী মঙাল অসি মঙফাওনবা ঙম্নবা হোৎনরকপা মতমদা থেংনবা শীংনবশিংগী মতাংদা প্রধান মন্ত্রীনা স্তীল ইন্দস্ত্রীগী কারবোন ইমিসনশিং অসি খুদম ওইনা পীখি। মহাক্না হায় নাকল অমদা ভারতনা ক্রুদ স্তীল পুথোকপগী কেপাসিতী হেনগৎলক্লি অমরোমদনা এনভাইর্নমেন্ত ফ্রেন্দলী তেক্নোলোজীশিং শীজিন্নবা থৌগৎলি। প্রধান মন্ত্রীনা মখা তারদুনা হায়, “ঙসি ভারতনা কারবোন ইমিসনশিং পুথোকপা হন্থহনবা খক্তা নত্তনা কারবোন কেপচর অমসুং রিয়ুজ তৌরিবা অদুগুম্বা প্রদক্সন তেক্নোলোজীশিং পুথোকপদা মীৎয়েং চংলি”। মহাক্না মখা তারদুনা হায় লৈবাক অসিদা সর্ক্যুলর ইকনোমী থৌগৎলি অমসুং সরকার অমদি প্রাইবেৎ সেক্তরনা মাইকৈ অসিদা পুন্না থবক তৌমিন্নরি। প্রধান মন্ত্রীনা হায়, “এ.এম.এন.এস. ইন্দিয়া গ্রুপকী হজীরা প্রোজেক্তনা গ্রীন তেক্নোলোজী শীজিন্নবদা হেন্না মীৎয়েং চংলিবা অসিদা ঐহাক্না অপেনবা পোকই”।
ৱারোল পীবা লোইশিনবদা প্রধান মন্ত্রীনা হায়, “মীপুম খুদিংমক্না মপুং ফাবা শক্তিগা লোয়ননা পান্দম অমা ফংনবা মাইকৈদা খোঙথাংশিং লৌখৎপা হৌরবা মতমদা মদু মঙফাওনবা ঙম্নবা হোৎনবা অসি অৱাবা ওইরক্লোই”। মহাক্না সরকার অসিনা স্তীল ইন্দস্ত্রীবু অনৌবা পনখৈশিং য়ৌনবা হোৎনখি। প্রধান মন্ত্রীনা লোইশিনবদা হায়, “প্রোজেক্ত অসিনা অপুনবা লমদম অমসুং স্তীল সেক্তরগী চাউখৎ থৌরাংদা শাহৌ পীরগনি হায়না ঐহাক্না থাজৈ”।
India's steel industry will strengthen the country's growth. pic.twitter.com/QDItAUhfpO
— PMO India (@PMOIndia) October 28, 2022
Today, India is rapidly growing as a big manufacturing hub. pic.twitter.com/GQSHFTpteZ
— PMO India (@PMOIndia) October 28, 2022
