লুচিংবশিংনা লৈবাক অনিগী অমসুং মালেমগী ওইবা ৱাফমশিং খন্নখি অমসুং ঙাক-শেন, ইকোনোমিক অমসুং ললোন-ইতিক্কী লমদা মতেং পীনবা হেনগৎলক্লিবা অসি অমুক হন্না খন্নখি
দিজিতেল ইনফ্রাস্ত্রকচর, ক্লাইমেত এক্সন, ক্লিন ইনর্জি অমসুং স্তেনেবল দিবলপমেন্তদা মতেং পীনবা হায়না মখোয়না য়ানখি
জি-২০গীদমক ভারতনা মরুওইনা পায়খৎলিবা থবকশিংগী মতাংদা প্রধান মন্ত্রীনা স্পেনগী প্রধান মন্ত্রীদা পাউদমখি। ভারতনা জি-২০গী প্রসিদেন্ত ওইবা অসিদা প্রধান মন্ত্রী সানচেজনা মপুংফানা শৌগৎখি
ঙসি প্রধান মন্ত্রী শ্রী নরেন্দ্র মোদীনা তেলিফোন্দা স্পেনগী প্রধান মন্ত্রী পেদ্রো সানচেজগা ৱারি শানখ্রে।
মখোয়না লৈবাক অনিমক্না মরুওইনা লৌবা লৈবাক অনিগী অমসুং মালেমগী ওইবা ৱাফমশিং খন্নখি। লৈবাক অনিগী মরক্তা হৌজিক মতেং পীনরিবশিং মখোয়না হন্না য়েংশিনখি অমসুং হন্দক অৱাংবা থাক্তা ৱারি শানখিবশিং অমসুং ঙাক-শেন, ইকোনোমিক অমসুং ললোন-ইতিক্কী লমদা মতেং পীনবা হেনগৎলক্লিবা অদুদা অপেনবা ফোঙদোকখি।দিজিতেল ইনফ্রাস্ত্রকচর, ক্লাইমেত এক্সন, ক্লিন ইনর্জি অমসুং স্তেনেবল দিবলপমেন্তদা মতেং পীনবা হায়না মখোয়না য়ানখি।
বসুধাইবা কুতুম্বকম(মালেম অমা, ইমুং অমা, তুংলমচৎ অমা) হায়বা পান্দমদা অমতা ওইবা পুক্নিং থৌগৎনবা মাইকৈদা থবক তৌদুনা জি-২০গীদমক ভারতনা মরুওইনা পায়খৎলিবা থবকশিংগী মতাংদা প্রধান মন্ত্রীনা স্পেনগী প্রধান মন্ত্রীদা পাউদমখি। ভারতনা জি-২০গী প্রসিদেন্ত ওইবা অসিদা প্রধান মন্ত্রী সানচেজনা মপুংফানা শৌগৎখি।
মখা তানা পাউ ফাউনবা হায়না লুচিংবা অনিনা য়ানখি।
