Mera Saansad
Search Search
Manipuri language

য়ুনিয়ন বজেত ২০১৮-১৯দা পীখিবা প্রধানমন্ত্রীগী ৱারোল

Published By : Admin | February 1, 2018 | 14:00 IST
This budget has devoted attention to all sectors, ranging from agriculture to infrastructure: PM #NewIndiaBudget
This Budget is farmer friendly, common citizen friendly, business environment friendly and development friendly, says PM Modi on #NewIndiaBudget
#NewIndiaBudget will add to ‘Ease of Living’, says Prime Minister Modi
The Budget will bring new opportunities for rural India; it will benefit the farmers immensely: PM Modi on #NewIndiaBudget
Delighted that Ujjwala Yojana will now be extended to 8 crore rural women instead of 5 crore previously: PM on #NewIndiaBudget
Ayushman Bharat Yojana is biggest health assurance initiative in the world which will immensely benefit the poor: PM on #NewIndiaBudget
The Budget focuses on enhancing lives of senior citizens: PM Modi on #NewIndiaBudget

শেল থুম মন্ত্রী অরুন জেতলীবু বজেত অসিগীদমক ঐহাক্না থাগৎপা ফোংদোকচরি । বজেত অসি ন্যু ইন্দিয়াগী য়ুম্বীবু হেন্না মপাঙ্গল কনখৎহল্লিবা বজেতনি । বজেত অসিনা লৈবাক অসিগী এগ্রীকলচরদগী হৌরগা লৈবাক অসিগী ইনফ্রাস্ত্রকচর ফাওবা মীৎয়েং থম্লি । নাকল অমরোমদা বজেত অসিনা লাইরবা অমসুং মিদল ক্লাস কাংবুগী অৱাবা কোকহন্নবা হেল্থ প্লানশিং কোনশিল্লি, নাকল অমদনা লৈবাক অসিদা লৈরিবা অপিকপা ইন্তরপ্রিনরশিংগী মরন মথুম হেঙ্গৎহন্নবা প্লান তৌরি । ফুদ প্রোসেসিংদগী ফাইবর ওপ্তিক্স ফাওবা, লম্বী সরক্তগী সিপ্পিং ফাওবা, নহাশিংদগী হৌরগা সেনিয়ার সিতিজন ফাওবা, রুরেল ইন্দিয়াদগী হৌরগা অয়ুশমান ইন্দিয়া ফাওবা, দিজিতেল ইন্দিয়াদগী হৌরগা স্তার্ত অপ ইন্দিয়া ফাওবা, বজেত অসি লৈবাক অসিগী প্রজা কোতি ১২৫গী আশা অমসুং মংলান অদু হেন্না চেৎশিলহল্লিবা বজেতনি । মসিনা লৈবাক অসিগী দিবেলপমেন্ত প্রোসেস হেনগৎহল্লগনি হায়না থাজবা থম্লি । বজেত অসি ফার্মর ফ্রেন্দলি, কমন মেন ফ্রেন্দলি, বিজিনেস এনভাইরোনমেন্ত ফ্রেন্দলি লোয়না লোয়ননা দিবেলপমেন্ত ফ্রেন্দলিশু ওইরি । বজেত অসিদা ইজ ওফ দুইং বিজিনেসকা লোয়ন লোয়ননা ইজ ওফ লিভিংদশু মীৎয়েং থম্লি । মিদল ক্লাসকী অহেনবা সেভিংশিং, ২১শুবা চহিচাগী ভারতকীদমক ন্যু জেনরেসন ইনফ্রাস্ত্রকচর অমসুং হেন্না ফবা হেল্থ এসুরেন্স- পুম্নমক অসি ইজ ওফ লিভিংগী মায়কৈদা অচেৎপা খোংথাং অমনি । লৌমীশিংনা উহৈ অমসুং মনা মশিংগী রেকোর্দ প্রদক্সন অমগা লোয়ননা লৈবাকপু চাওখৎহনবগী মায়কৈদা অচৌবা থৌদাং লৌরি । লৌমীশিংগী ফিভম হেন্না ফগৎহন্নবা অমসুং মখোয়গী ইনকম হেঙ্গৎহন্নবা বজেত অসিদা তোঙান তোঙানবা খোংথাংশিং য়াওরি । রুরেল দিবেলপমেন্ত অমসুং এগ্রীকলচরগীদমক্তা লুপা কোতি লাখ ১৪.৫গী রেকোর্দ এলোকেসন অমা থম্লে । অনৌবা য়ুম লাখ ৫১, কিলোমীতর লাখ অহুম হেনবা লম্বী, চাওরাক্না অমাংশং কোতি ২, ইমুং কোতি ১.৭৫দা ইলেক্ত্রিসিতী কনেক্সনশিং মসিগী কান্নবা অসি সমাজকী দলিতশিং, শোথরিবা কাংলুপশিংনা ফংলগনি । মসিগী খোংথাংশিং অসিনা অখন্ননা খুঙ্গংগী লমদমশিংদা অনৌবা খুদোংচাবশিং ফংহল্লগনি । লৌমীশিংদা মখোয়গী পোৎথোক্তা মমল শরুক অমা তঙ্খাই হেন্না পিনবা ৱাফম অদু ঐহাক অপেনবা পোকই । লৌমীশিংনা ৱারেপ অসিগী কান্নবা অদু মপুং ফানা ফংনবা, কেন্দ্র সরকারনা রাজ্য সরকারশিংগা খন্নরগা সাউন্দ সিস্তেম অমা থমগনি । মনা মশিং অমসুং উহৈ পুথোক্লিবা লৌমীশিংগীদমক ওপরেশন গ্রীন্সনা কান্নরবা খুৎলাই অমা ওইরগনি । দাইরি সেক্তরদা অমুলনা শঙ্গোম পুথোক্লিবা লৌমীশিংদা মতিক চাবা শেনফম ফংহল্লিবা অদু ঐখোয়না উরে । হৌজিক লৈবাক্কী তোঙান তোঙানবা জিলাশিংদা লৌউবগা মরি লৈনবা মফম অদুগী পোৎথোকশিং অদু খংজিনবগা লোয়ননা এগ্রীকলচরেল ক্লস্তর এপ্রোছকা লোয়ননা থবক তৌরগনি । লৈবাক্কী তোঙন তোঙনবা জিলাদা পুথোক্লিবা লৌউ শিংউবগী পোত্থোকশিং অদু খংল্লদুনা জিলাশিং অদু খংদোক্লগা, অদুগুম্লবা অখন্নবা পোত্থোক অদুগীদমক স্তোরেজ, প্রোসেসিং অমসুং মার্কেতিংগী খুদোংচাবা দিবেলপ তৌনবা প্লান অদু ঐহাক্না তরাম্না ওকলি ।

ঐখোয়গী লৈবাক্তা কোওপরেতিব সোসাইতীশিং অসি ইনকম তেক্স থিদে । অদুম ওইনমক ফর্মর প্রদুসর ওর্গনাইজেসন- এফপিও অসি কোওপরেতিব সোসাইতীশিগা মান্নরগশু কান্নবা অদু ফংদে । মরম অদুনা লৌমীশিংগী য়াইফনবা ফর্মর প্রদুসর ওর্গনাইজেসন- এফপিওগীদমক্তা ইনকম তেক্স থিহন্দনবা খোংথাং অসি তরাম্না ওকই । নুপীগী সেল্ফ হেল্প গ্রুপশিংবু অসিগুম্লবা ফর্মর প্রদুসর ওর্গনাইজেসনগী মতেংগা লোয়ননা ওর্গানিক, এরোমেতিক অমসুং হর্বল লৌউ পথাপকা লোয়ননা শম্নহন্নবা প্রোজেক্ত অসিশু লৌমীশিংগী শেন্থোক হেঙ্গৎহন্নবা মরুওইবা খোংথাং ওইগনি । মতৌ অশুম্না, গোবর-ধন য়োজনানা খুঙ্গংবু তরু তনান্না থম্বগা লোয়ন লোয়ননা লৌমীশিং অমসুং শা-শণ লোইরিবশিংগী শেন্থোক হেঙ্গৎহনবদা মতেং ওইরগনি । ঐখোয়গী লমদম অসিদা লৌমীশিংনা লৌউবগা লোয়ন লোয়ননা অতোপ্পা শিনফমশিং পাংথোকই । কনাগুম্বা খরনা ঙা য়োকপা, কনাগুম্বা খরনা শা-শণ লোইবা, কনাগুম্বা খরনা য়েন ঙানু লোইবা, কনাগুম্বা খরনা হয়িংখোই লোইবগা মরি লৈনৈ । অসিগুম্বা অহেনবা থবক থৌরমশিং অসিগীদমক লৌমীশিংনা বেঙ্কতগী লোন লৌবদা খুদোং চাদবা মায়োক্নরি । কিসান ক্রেদিত কার্দ শিজিন্নদুনা ঙা য়োকপা অমসুং শা-শণ লোইবাগীশু লোন পিনবা থৌরাং তৌরিবা অসি ইফেক্তিব ওইবা খোংথাংনি । ভারতকী জিলা ৭০০ হেনবা অসিদা চাওরাক্না ব্লোক ৭০০০ হেন্না লৈরি । ব্লোকশিং অসিদা রুরেল বিজিনেস সেন্তর লিশিং ২২গী ইনফ্রাস্ত্রকচর মোর্দনাইজেসন তৌদুনা খুঙ্গংশিং শম্নহন্নবা কন্না হোৎনরি । লাক্কদৌরিবা নুমীৎ খরা অসিদা কেন্দ্রনা লৌমীশিংগী শেন্থোক হেঙ্গৎহনবা, থবক ফংহন্নবা খুদোংচাবশিং শেমগৎপা অমসুং এগ্রোদা য়ুমফম ওইবা রুরেল অমসুং এগ্রীকলচরেল ইকোনোমী অনৌবা হবশিং ওইরক্লগনি । প্রধানমন্ত্রী গ্রামিন সরক য়োজনাগী মখাদা হৌজিক্তি খুঙ্গংশিং অসি কৈথেল মচাশিং, অৱাংবা মহৈ তমফমশংশিং অমসুং হোস্পিতালশিংগা শম্নহল্লগনি । মসিনা খুঙ্গংগী প্রজাশিংগী পুন্সিগী ফিভম ফগৎলগনি । ঐখোয়না ইজ ওফ লিভিংগী স্প্রিত অদু উজ্জৱলা য়োজনাদা উবা ফংই । স্কিম অসিনা লাইরবা নুপীশিংবু মৈখুদগী শাফহনবতা নত্তনা মখোয়গী এমপৱারমেন্তকী অচৌবা মচাক অমা ওইরকই । ঐহাক নুঙাইবা ফাওই মদুদি য়োজনা অসি চাওথোকহন্দুনা ইমুং কোতি ৫ দগী ইমুং কোতি ৮ ওইহল্লে । স্কিম অসিনা মশিং য়াম্লবা দলিত, ত্রাইবেল, বেকৱার্দ ক্লাসকী ইমুংশিংদা কান্নবা ফংহল্লগনি । বজেত অসিনা সেদুল ত্রাইবশিং অমসুং সেদুল কাস্তশিংগী য়াইফনবগীদমক লুপা কোতি লাখ ১গী শেনফম কায়থোক্লে । মতম পুম্নমক্তা সমাজ অসিগী লৱার মিদল ক্লাস অমসুং লাইরবা সেক্সনশিংনা চাওনা মায়োক্নরিবা অসি অনা লায়েংবনি । বজেত অসিদা পুথোক্লিবা অনৌবা স্কিম অয়ুশমান ভারতনা মসি কোকহল্লগনি । স্কিম অসিনা চাওরাক্না লৈবাক অসিগী লাইরবা অমসুং লৱার মিদল ক্লাস ইমুং কোতি ১০দা কান্নবা ফংহল্লগনি । মসিনা চাওরাক্না প্রজা কোতি ৪৫-৫০ কোনশিল্লগনি । স্কিম অসিগী মখাদা ইমুংশিং অসিনা শকখংলবা হোস্পিতালশিংদা চহিগী ওইনা লুপা লাখ ৫ ফাওবগী লেম্না লায়েংবগী খুদোংচাবা ফংহল্লগনি । হৌজিক ফাওবদা মসিনা সরকারনা চাদিং পুথোকপা মালেমগী খ্বাইদগী চাওবা হেল্থ ইন্সুরেন্স প্লান ওইরি । লৈবাক্কী মফম কয়াদা অনৌবা মেদিকেল কোলেজ ২৪ লিংখৎপনা প্রজাশিংদা লায়েংবগী খুদোংচাবা হেঙ্গৎহনবদা নত্তনা নহাশিংদশু মেদিকেল তম্বদা হেন্না খুদোং চাহল্লগনি । লৈবাক অসিগী পার্লিয়ামেন্ত কনস্তিত্বেন্সী অহুম খুদিংগী মেদিকেল কোলেজ অমমম থম্নবা ঐখোয়না পান্দম থম্লি । বজেত অসিদা সেনিয়র সিতিজনশিংগী তোঙান তোঙানবা খুদোংচাদবশিং অদুগীদমক ৱারেপ কয়া অমা লৌরে । প্রধানমন্ত্রী বয় বন্দনা য়োজনাগী মখাদা হৌজিক্তি সেনিয়র সিতিজন্না লুপা লাখ ১৫ ফাওবগী শেনফমদা শেন্দোই চাদা ৮ ফংলগনি । বেঙ্কশিং অমসুং পোস্ত ওফিসশিংদা তুংশিল্লিবা মখোয়গী শেনফম অদুদা লিশিং ৫০ ফাওবগী শেন্দোয়দা তেক্স লৌরোই । লুপা লিশিং ৫০ ফাওবগী হেল্থ ইন্সুরেন্সকী প্রীমিয়মদা ইনকম তেক্স লৌররোই । মতৌ অদুম্না অরুবা অনাবা লায়েংবদা লুপা লাখ অমা ফাওবগী চাদিংদা ইনকম তেক্স লৈররোই । মোর্দন ইন্দিয়াগী মংলান অদু মংফাওহন্নবা, মীচম প্রজাগী ইজ ওফ লিভিংবু পুক্নিং থৌগৎনবা অমসুং দিবেলপমেন্তদা তংদু লৈতাবা পুরক্নবা, ভারতনা নেক্স জেনরেসন ইনফ্রাস্ত্রকচর অমা মথৌ তারি । দিজিতেল ইন্দিয়াগা মরি লৈনবা ইনফ্রাস্ত্রকচর দিবেলপ তৌবদা অখন্নবা মীৎয়েং থম্লি । মসিগীদমক লুপা কোতি লাখ ৬ কায়থোক্লে, মসি মমাং চহিদগী লুপা কোতি লাখ ১ হেল্লবনি । মসিগী স্কিমশিং অসিনা লৈবাক অসিদা চাওনা থবক ফংহল্লগনি । তলব চারিবা অমসুং মিদল ক্লাস কাংবুদা তেক্স হন্থহনবগীদমক ঐহাক্না শেল থুম মন্ত্রীবু থাগৎচরি । বজেত অসি ভারতকী প্রজাশিংগী মঙলান মংফাওনহনগদবা বজেতনি । বজেত অসিনা মখাগীশিং অসি শোয়দনা কান্নহল্লগনি- লৌমীশিংদা পোত্থোক্কী মতিক চাবা মমল ফংহনবা, লায়রবশিংবু ৱেলফেয়ার স্কিমশিংনা কান্নবা ফংহনবা, তেক্স থিরিবা সিতিজনশিংগী পুকচেল শেংবা অদু ইকায় খুম্নবা, অচুম্বা তেক্স স্ত্রকচরগা অমগা লোয়ননা ইন্তরপ্রিনরশিংগী স্প্রিত অদু পুক্নিং থৌগৎপা অমসুং লৈবাক অসিদা সেনিয়র সিতিজনশিংগী কন্ত্রীব্যুসন থৌগৎপা । ঐহাক্না অমুক হন্না শেল থুম মন্ত্রী অমসুং মহাক্কী তিম্বু ইজ ওফ লিভিং হেঙ্গৎহল্লিবা অমসুং ন্যু ইন্দিয়াগী য়ুমফম চেৎশিলহল্লিবা অসিগুম্বা বজেত অসিগীদমক থমোয় শেংনা থাগৎপা ফোংদোকচরি ।

Login or Register to add your comment
Explore More
প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা

Popular Speeches

প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা
View All
India-New Zealand elevate ties to strategic partnership; Scripts 2030 roadmap, $20bn investment & Indo-Pacific security

Media Coverage

India-New Zealand elevate ties to strategic partnership; Scripts 2030 roadmap, $20bn investment & Indo-Pacific security
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister condoles the passing of Father Amir of State of Qatar HH Sheikh Hamad bin Khalifa Al Thani
July 12, 2026

The Prime Minister, Shri Narendra Modi, has expressed deep grief over the passing of the Father Amir of the State of Qatar, HH Sheikh Hamad bin Khalifa Al Thani.

The Prime Minister described him as a visionary leader who led Qatar to great levels of development and prosperity. Shri Modi also remembered him as a true friend whom he had the honour of meeting during his visit to Qatar in February 2024.

The Prime Minister conveyed his sincere condolences to the Amir of Qatar, HH Sheikh Tamim bin Hamad Al Thani, the entire royal family and the people of Qatar.

The Prime Minister wrote on X;

“We deeply mourn the passing of Father Amir of State of Qatar, HH Sheikh Hamad bin Khalifa Al Thani. A visionary leader who led Qatar to great levels of development and prosperity, we remember him also as a true friend whom I had the honour of meeting during my last visit to Qatar in February 2024. I convey my sincere condolences to the Amir of Qatar, HH Sheikh Tamim bin Hamad Al Thani and the entire royal family and people of Qatar. May the departed soul rest in eternal peace.

@TamimBinHamad”