Mera Saansad
Search Search
Manipuri language

কেন্দ্রগী বজেত ২০২৫-২৬ গী মতাংদা প্রধান মন্ত্রী শ্রী নরেন্দ্র মোদীগী ৱারোল ফোঙদোকখ্রে

Published By : Admin | February 1, 2025 | 14:30 IST
বিকসিত ভারত বজেত ২০২৫-২৬ না ভারতমচা করোর ১৪০ গী অনিংবশিং থুংহনগনি: প্রধান মন্ত্রী
বিকসিত ভারত বজেত ২০২৫-২৬ অসি হেন্না চাউখৎহন্নবা খুৎলায় অমনি: প্রধান মন্ত্রী
বিকসিত ভারত বজেত ২০২৫-২৬ না মীওই খুদিংমক্ত থৌনা পীরে: প্রধান মন্ত্রী
বিকসিত ভারত বজেত ২০২৫-২৬ না লৌউ-শিংউ চাউখৎহনগনি অমসুং খুঙ্গংগী শেন্মিৎলোন ফগৎহনগনি: প্রধান মন্ত্রী
বিকসিত ভারত বজেত ২০২৫-২৬ না ঐখোয়গী লৈবাক্কী মিদল ক্লাসতা য়াম্না চাউনা কান্নবা পীগনি: প্রধান মন্ত্রী
বিকসিত ভারত বজেত ২০২৫-২৬ না মেনুফেকচরিং, ওন্ত্রাপ্রেনিউয়রশিং, এম.এস.এম.ইশিং অমসুং অপীকপা ললোন-ইতিকশিংদা ৩৬০-দিগ্রি মীৎয়েং থম্লে: প্রধান মন্ত্রী

ঙসি প্রধান মন্ত্রী শ্রী নরেন্দ্র মোদীনা ভিদিও মেসেজগী খুৎথাংদা কেন্দ্র বজেত ২০২৫-২৬ গী মতাংদা মহাক্কী ৱারোল ফোঙদোকখ্রে। ঙসি অসি ভারতকী চাউখৎপগী খোঙচত্ত মরুওইবা মাইপাকপা অমনি হায়না ফোঙদোক্লদুনা, প্রধান মন্ত্রীনা হায়খি বজেত অসিদা ভারতমচা করোর ১৪০গী অনিংবশিং মমি তারে অমসুং মীওই খুদিংমক্কী মঙলানশিং মঙফাওনহল্লে। বিকসিত ভারতকী পান্দম ফংনবা নহারোল অমসুং মীচম মীয়ামগীদমক হিরম খুদিংমক থোং লাওনা হাংদোক্লে। বজেত অসি শাফু অমা ওইনা শেন তুংশিনবা, শেন থাদবা, পোৎ-চৈ লৈবা অমসুং চাউখৎপা হেনগৎহনগনি। ‘মীয়ামগী বজেত’ অসিগীদমক মহাক্না ফাইনান্স অমসুং কোর্পোরেত এফেয়াসকী য়ুনিয়ন মিনিস্তর শ্রীমতি নিরমালা সিতারমন অমসুং মহাক্কী কাংবু থাগৎপা ফোঙদোকখি।

প্রধান মন্ত্রীনা হায়খি মদুদি বজেত অসিগী পান্দমদি কমদৌনা সরকারগী শেঙ্গাউ থনহলগদগে হায়বনি। অদুবু বজেত অসিনা কমদৌনা মীয়ামগী ফুরিৎখাউশিং থনহলগনি, মখোয়গী শেন তুংশিনবা হেনগৎহনগনি অমসুং লৈবাক অসিগী চাউখৎপদা মখোয়গা চৎমিন্ননবা মীৎয়েং চঙলে। বজেত অসিদা হায়রিবা পান্দমশিং অসিগী য়ুম্ফম থোল্লে।

প্রধান মন্ত্রীনা হায়খি মদুদি বজেত অসিদা অওনবশিং পুরক্নবা মাইকৈদা থবকশিং পায়খৎলে। ন্যুক্লিয়ার ইনর্জিদা প্রাইভেত সেক্তর শরুক য়াবা পুক্নিং থৌগৎনবা পুৱারি ওইরবা ৱারেপ লৌরে। লৈবাক অসি চাউখৎহনবদা সিবিল ন্যুক্লিয়ার ইনর্জিনা মরুওইবা থৌদাং লৌগনি। থবক পীগদবা সেক্তর খুদিংমক বজেত অসিদা মরুওইনা লৌরে। মরুওইবা অওনবা অনিনা তুংদা শিংথানিঙাই ওইনা অওনবশিং পুরক্কনি। জহাজ শাবগী থবক ইনফ্রাস্ত্রকচর ওইনা শকখঙবা অসিনা লৈবাক অসিদা অচৌবা জহাজশিং শাবা হেনগৎহনগনি অমসুং অত্মানির্ভর ভারত অভিয়ান য়াংখৎহনগনি। লমকোয়ফম ৫০ দা হোতেলশিং ইনফ্রাস্ত্রকচরগী কাংলুপ্ত লৈহনবা অসিনা তুরিজম চাউখৎহনগনি অমসুং থবক খ্বাইদগী য়াম্না পীবা সেক্তর ওইরিবা হোস্পিতেলিতি সেক্তরদা অনৌবা থৌনা পীরগনি। “বিকাস ভি, বিরাসাত ভি” গী লাইৱাগা লোয়ননা লৈবাক অসি চাউখৎলি। গ্যান ভারতম মিসন হৌদোক্তুনা অরিবা লাইরিক করোর ১ হেন্না ঙাক-শেন্দুনা থম্নবা বজেত অসিনা শিংথানিঙাই ওইরবা থবকশিং পায়খৎলে। ভারতকী লৌশিংগী চৎনবীশিংনা ইথিল পীদুনা নেসনেল দিজিতেল রেপোসিতোরি অমা লিংখৎলগনি।

লৌউ-শিংউ অমসুং খুঙ্গংগী শেন্মিৎলোন্দা অনৌবা য়াওল অমগীদমক লৌমীশিংনা য়ুম্ফম থোনগনি হায়না বজেত্ত লাউথোক্লদুনা প্রধান মন্ত্রীনা হায়খি পি.এম ধন-ধন্যা কৃযি য়োজনাগী মখাদা, জিলা ১০০ দা ইথৈ অমসুং ইনফ্রাস্ত্রকচর শেমগৎলগনি। লৌমীশিংদা কিষান ক্রেদিদ কার্দ লুপা লাখ ৩ দগী লুপা লাখ ৫ দা হেনগৎহল্লে।

প্রধান মন্ত্রীনা হায়খি লুপা লাখ ১২ ফাওবগী ইনকমদা তেক্স লৌদ্রে। ইনকমগী কাংলুপ খুদিংমক্ত তেক্স ককথবা অসিনা মিদল ক্লাস অমসুং নৌনা সরকারগী থবক তৌরিবশিংদা য়াম্না চাউনা কান্নবা পীরগনি।

প্রধান মন্ত্রীনা হায়খি মেনুফেকচরিং, ওন্ত্রাপ্রেনিউয়রশিং, এম.এস.এম.ইশিং অমসুং অপীকপা ললোন-ইতিকশিংদা ৩৬০-দিগ্রি মীৎয়েং থম্লে। নেসনেল মেনুফেকচরিং মিসনগী মখাদা ক্লিন তেক, শাউন, খোঙউপ অমসুং শান্নপোৎ শাবগী ইন্দস্ত্রি অখন্নবা মতেং ফংলে। মালেমগী কৈথেলদা ভারতকী পোৎথোকশিং ঙানহন্নবা পান্দমশিং ময়েক শেংলে।

রাজ্যশিংদা শেন থাদনবা অফবা অমসুং চাংদম্নবা য়ারবা ফিবমশিং শেমগৎনবা বজেত অসিদা অখন্নবা মফম অমা পীরে হায়না ফোঙদোক্লদুনা, প্রধান মন্ত্রী মোদীনা হায়খি মদুদি এম.এস.এম.ইশিং অমসুং স্তার্দঅপশিংগী ক্রেদিদ গারেন্তি শরুক অনি হেনগৎনবা লাউথোক্লে। এস.সি. এস.তি অমসুং অহানবা নুপী ওন্ত্রাপ্রেনিউয়রশিংদা গরেন্তি য়াওনা লুপা করোর ২ ফাওবগী লোন পীনবা স্কিম অমা হৌদোক্লে। অহানবা ওইনা নোংমগী অফং অফংবা থবক শুবা শিন্মীশিং ই-শ্রাম পোর্তেলদা রেজিস্তার তৌনবা লাউথোক্লে অমসুং মসিনা মখোয় অনা-লায়েং অমসুং অতোপ্পা সোসিএল সেকুরিতি স্কিমশিংগী কান্নবা ফংলগনি। শিন্মীশিংগী ইকায়খুম্নবা ঙাক্নবা সরকারনা পায়খৎলিবা থবকশিংগী মমি মসিদা তারে। জন বিশ্বাস ২.০ গুম্বা চৎন-কাংলোন অমসুং শেন-থুমগী অওনবশিং অসিনা মিনিমম গভর্নমেন্ত অমসুং থাজবদা য়ুম্ফম ওইবা লৈঙাক মপাঙ্গল কনখৎহনগনি।

মহাক্কী ৱারোল লোইশিল্লকপদা, প্রধান মন্ত্রীনা হায়খি বজেত অসিনা লৈবাক অসিগী হৌজিক দরকার ওইরিবশিং ফংহনবা খক নত্তনা তুংগী থৌরাং তৌবদশু মতেং পাংলে। দিপ তেক ফন্দ, জিওস্পাসিএল মিসন অমসুং ন্যুক্লিয়ার ইনর্জি মিসন য়াওনা স্তার্দঅপশিংগী থবকশিং পায়খৎলে। পুৱারি ওইরবা বজেত অসিগীদমক মীয়াম পুম্নমক থাগৎপা ফোঙদোকচরি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

 

 

 

 

 

Login or Register to add your comment
Explore More
প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা

Popular Speeches

প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা
View All
Apple exports record $2 billion worth of iPhones from India in November

Media Coverage

Apple exports record $2 billion worth of iPhones from India in November
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister shares Sanskrit Subhashitam highlighting the power of collective effort
December 17, 2025

The Prime Minister, Shri Narendra Modi, shared a Sanskrit Subhashitam-

“अल्पानामपि वस्तूनां संहतिः कार्यसाधिका।

तृणैर्गुणत्वमापन्नैर्बध्यन्ते मत्तदन्तिनः॥”

The Sanskrit Subhashitam conveys that even small things, when brought together in a well-planned manner, can accomplish great tasks, and that a rope made of hay sticks can even entangle powerful elephants.

The Prime Minister wrote on X;

“अल्पानामपि वस्तूनां संहतिः कार्यसाधिका।

तृणैर्गुणत्वमापन्नैर्बध्यन्ते मत्तदन्तिनः॥”