প্রধান মন্ত্রী, শ্রী নরেন্দ্র মোদীনা ঙসি লোক সভাদা নোংচুপ এসিয়াদা চত্থরক্লিবা লান অমসুং মসিনা ভারতকীদমক থেংনরিবা শিংনবশিংগী মতাংদা ৱা ঙাংখ্রে। অৱাবা অসি চয়োল অহুমদগী হেন্না চত্থরক্লি হায়না পল্লদুনা, মালেমগী শেন্মিৎলোন অমসুং মীওইবগী পুন্সিদা শাথীনা শোকহল্লি হায়না পল্লদুনা, প্রধান মন্ত্রীনা ৱারোইশিন পুরকপগী তঙাইফদবা অদু পনখি। ফীভম অসিগী মরুওইবা অদু পল্লদুনা শ্রী মোদীনা হায়খি, "মালেম পুম্নমক্না খুদোংচাদবা অসি অথুবা মতমদা ৱারোইশিন পুরক্নবা পার্তী পুম্নমকপু তকশিল্লি।"
ভারতনা থেংনরিবা শিংনবশিংগী মওং-মতৌগী মতাংদা পল্লদুনা, প্রধান মন্ত্রীনা হায়খি মদুদি লান অসিনা মমাংদা অমুক্তা ওইখিদ্রিবা ইকোনোমিক, নেস্নেল সেক্যুরিতী অমসুং হ্যুমেনিতরিয়ন প্রেসরশিং লৈহল্লে। মহাক্না পনখি মদুদি ভারতনা লান শোক্নরিবা অমসুং লান অসিনা শোকহল্লবা লৈবাকশিংগা লোইননা পাক-শন্না ললোন-ইতিক্কী মরী লৈনরি, লান শোক্নরিবা মফমশিং অসি মরুওইবা ললোন-ইতিক্কী লম্বীশিংদা লৈ অমসুং ভারতকী ক্রুদ ওইল অমসুং গ্যাসকী মথৌ তাবশিং অয়াম্বা মফমশিং অসিদগী ফংলি। গল্ফ লৈবাকশিংদা লৈরিবা অমসুং থবক তৌরিবা ভারত মচা কোতি অমা অমসুং মসিগা লোইন-লোইননা হায়রিবা ঈশিংগী লম্বি অসিদা লৈরিবা কম্মর্সিয়েল শিপশিংদা মশিং য়াম্লবা ভারতকী ক্রুশিং মতাংদা পল্লদুনা প্রধান মন্ত্রীনা হায়খি, “ভারতকী অৱাবা অসি মহৌশানা হেন্না চাউই, অমসুং মরম অসিনা মালেম পুম্বদা ভারতকী পার্লিয়ামেন্তদগী পুন্না অমসুং অমত্তা ওইনা খোঞ্জেল তাহনবা হায়বসি বাম্না তঙাইফদে।”
ভারতকী প্রজাশিংবু ঙাক-শেন্নবা সরকারনা খোঙজেল য়াংনা লৌখৎলিবা খোঙথাংশিং অদু পল্লদুনা প্রধান মন্ত্রীনা হাউস অদুদা হায়খি মদুদি লান হৌরকপদগী শোকহল্লবা লৈবাকশিংদা লৈরিবা ভারত মচা খুদিংমক্তা মথৌ তাবা তেংবাং পীরম্মি। মহাক্না ৱেস্ত এসিয়াগী লৈবাক অয়াম্বগী মকোক থোংবশিংগা মহাক মশামক্না ৱারী শানখ্রে হায়না পল্লদুনা শ্রী মোদীনা হায়খি। মখোয় পুম্নমক্না ভারত মচাশিংগী সেফতীগী মতাংদা মপুং ফানা থাজবা পীরকখি, “অশোকপা মীওইশিংদা হেন্না ফবা মেদিকেলগী লায়েং ফংহল্লি, অমসুং অসিগুম্বা অরুবা ফিভম অসিদা, অৱাবা তারবা ইমুংশিংদা তঙাইফদবা মতেং পীরি।” হায়না শ্রী মোদীনা হায়খি।
প্রধান মন্ত্রীনা মপান লৈবাক্তা লৈরিবা ভারত মচাশিংগীদমক পায়খৎলিবা কন্সুলর অমসুং ইন্সতিত্যুস্নেল সপোর্ত ফ্রেমৱার্ককী মতাংদা অকুপ্পা মরোল পীখি। মহাক্না পনখি মদুদি শোকহল্লবা লৈবাকশিংদা লৈরিবা ভারতকী মিসন পুম্নমক্না লেপ্পা লৈতনা মতেং পাংলি, চাং নাইনা এদভাইজরিশিং পীরি, অমসুং ভারত অমসুং অতোপ্পা শোকহল্লবা লৈবাকশিংদা ২৪/৭ কন্ত্রোল রুমশিং অমসুং ইমর্জেন্সী হেল্পলাইনশিং লিংখৎলি। প্রো-এক্তিব আউতরিচকী মতাংদা পল্লদুনা, পি.এম. মোদীনা হায়খি, “মসিগুম্বা মেকানিজমশিং অসিগী খুত্থাংদা, শোকহল্লবা মীওই পুম্নমক, মখোয় অসি ভারতকী শিন্মী ওইগেরা নৎত্রগা তুরিস্ত ওইগেরা, অথুবা মতমদা ই-পাউ পীরি।”
পাক-শন্না চত্থরিবা ইভেক্যুৱেসনগী থবকশিং অদু পল্লদুনা, প্রধান মন্ত্রীনা হাউস অদুদা হায়খি মদুদি লান হৌরকপা মতমদগী ভারতকী মীওই ৩,৭৫,০০০ হেন্না অসোই-অঙাম য়াওদনা ভারত্তা হল্লকখ্রে। মসিগী মনুংদা ইরান খক্তদগী ভারতকী মীওই ১,০০০ রোম য়াওরি। মসিগী মনুংদা ৭০০ হেনবনা নহা ওইরিবা মেদিকেলগী মহৈরোয়শিংনি। সি.বি.এস.ই.না গলফকী লৈবাকশিংদা লৈরিবা ভারতকী স্কুলশিংদা পাংথোক্কদৌরিবা ক্লাস ১০ অমসুং ১২গী একজামিনেসনশিং কেন্সেল তৌখ্রে অমসুং এজুকেসনগী কন্তিন্যুইতি লৈহন্নবা খোংথাং লৌখৎলি হায়নসু মহাক্না পনখি। সরকারগী এপ্রোচকী মতাংদা শ্রী মোদীনা হায়খি, “গবর্নমেন্ত অসি সেন্সিতিব ওইরি, চেকশিন্না লৈরি, অমসুং অঙম্বা মতেং খুদিংমক পাংনবা শেম-শারি।”
ইনর্জী সপ্লাইগী মরুওইবা ৱাহং অদু পল্লদুনা, প্রধান মন্ত্রীনা য়ানিংবা ফোংদোকখি মদুদি ক্রুদ ওইল, গ্যাস, ফর্তিলাইজর অমসুং অতৈ তঙাইফদবা পোৎলমশিং ময়াম হোর্মুজ স্ত্রেত ফাওদুনা ভারত্তা য়ৌরকই অমসুং স্ত্রেত অসি ফাওদুনা পোৎলম পুথোক পুশিন তৌবা অসি লানগী মতুংদগী য়াম্না অৱাবা ওইরক্লি। গবর্নমেন্তনা মীচম প্রজাগী ইমুংশিংবু অৱাবা মায়োক্নবদগী কন্নবা মিৎয়েং থম্লি হায়না পল্লদুনা অমসুং এল.পি.জি.গী দোমেস্তিক য়ুজবু মরুওইবা পীবা অমসুং দোমেস্তিক প্রদক্সন হেনগৎহনবগুম্বা খোঙথাংশিং অদু পল্লদুনা প্রধান মন্ত্রী মোদীনা হায়খি, “পেত্রোল অমসুং দিজেলগী সপ্লাই অসি লৈবাক শিনবা থুংনা লেপ্তনা লৈহন্নবা লেপ্তনা থবক পায়খৎলি।”
প্রধান মন্ত্রীনা হৌখিবা চহী তরাদগী ইনর্জী দাইভর্সিফিকেসনগী স্ত্রাতেজীনা হৌজিক ওইরিবা অৱাবা অসিদা মতৌ করম্না কান্নবা পুরকপগে হায়বদু শন্দোক্না তাকখি। হৌখিবা চহি ১১ অসিদা ভারতনা লৈবাক ২৭তগী লৈবাক ৪১দা ইনর্জীগী ইম্পোর্ত সোর্সশিং হেনগৎহনখ্রে। মসিনা লমদম অমখক্তগী মখা পোনবা হন্থহনখ্রে হায়না মহাক্না হাউসতা পাউদমখি। মসিগী থৌওং অসিগী মিৎয়েং অদু পল্লদুনা শ্রী মোদীনা হায়খি, “ঙসিগী ফিভম অসিদা, হৌখিবা চহী তরা অসিদা ইনর্জী সেক্যুরিতীগী মতাংদা লৌখৎখিবা খোংথাংশিং অসি হেন্না মরু ওইরক্লি।”
স্ত্রেতেজিক রিজর্বশিংগী মতাংদা, প্রধান মন্ত্রীনা হায়খি মদুদি ভারতনা অসিগুম্বা অৱাবা মতমগীদমক্তা ক্রুদ ওইল স্তোকপসিলিং তৌবদা অখন্ননা মীৎয়েং থম্লি। মহাক্না হাউস অদুদা হায়খি মদুদি ঙসিদি ভারতনা স্ত্রেতেজিক পেত্রোলিয়ম রিজর্ব তন লাখ ৫৩ হেন্না লৈরে, অমসুং ওল কম্পেনীশিংনা মশাগী ওইনা থম্লিবা রিজর্বকী মথক্তা তন লাখ ৬৫ হেন্না শেমগৎনবা থবক পায়খৎলি। ভারতকী রিফাইনিং ইকোসিস্তেম হেনগৎলকপগী মতাংদা পল্লদুনা প্রধান মন্ত্রীনা হায়খি, “হৌখিবা চহি ১১ অসিদা, ঐখোয়গী রিফাইনিং কেপাসিতীদসু মশক থোক্না হেনগৎলক্লি।”
গ্লোবেল সপ্লাইয়রশিংগা লৈঙাক্না থবক পায়খৎলিবা অমসুং গল্ফ শিপ্পিং রুতশিংদা ওইল, গ্যাস, ফর্তিলাইজর অমসুং অতৈ তঙাইফদবা পোৎলমশিং পুদুনা ভারত্তা লাকপা জহাজশিংবু অসোই-অঙাম য়াওদনা চৎথোক চৎশিন তৌহন্নবগীদমক মোনিতরিং তৌরিবা অসিগী মতাংদা প্রধান মন্ত্রীনা অকুপ্পা মরোল পীখি। মেরিতাইম কোরিদোরশিং ঙাক শেন্নবা মালেমগী পার্তনর পুম্নমক্কা লেপ্তনা ৱারী শানবগী মতাংদা পল্লদুনা শ্রী মোদীনা হায়খি, “মসিগুম্বা হোৎনবা কয়া অসিনা মরম ওইদুনা হৌখিবা নুমিৎ খরনি অসিদা হোর্মুজ স্ত্রেত্তা লেপখিবা ঐখোয়গী জহাজ কয়ানা ভারত্তা য়ৌরকখি।”
ভারতকী দোমেস্তিক ইনর্জী ত্রান্সফোর্মেসনগী মতাংদা পল্লদুনা, প্রধান মন্ত্রীনা ইথানোল ব্লেন্দিংদা চহী তরাগী মমাংদা চাদা ১.৫ খক্তগী ঙসিদি চাদা ২০ য়ৌরকপা অসিদা অখন্নবা খুমাং চাউশিল্লকপগী মতাংদা পনখি। মসিনা চহিদা ওইল ইম্পোর্ত অসি চাউরাক্না বারেল করোর মরি অমসুং মঙা হন্থহল্লে। মহাক্না রেলৱেজ ইলেক্ত্রিফিকেসনগী মতাংদসু পনখি। মসিনা চহি খুদিংগী দিজল লিতর করোর ১৮০ কনবা ঙম্লে। ২০১৪দা কিলোমিতর ২৫০ খক্তগী হৌরগা ঙসিদি কিলোমিতর ১১০০ ফাওবা মেত্রো নেৎৱার্ক পাকথোক চাউথোকহনখ্রে। ভারতকী ইনর্জীগী তুংলমচৎকী মতাংদা থাজবা থম্লদুনা প্রধান মন্ত্রী মোদীনা হায়খি, “হৌজিক্তি মহুৎ শিনবা য়াবা ফ্যুলশিংদা থবক পায়খৎলিবা অসিনা ভারতকী তুংলমচৎ অসি হেন্না সেক্যুর ওইহল্লগনি।”
পাক-শন্না শেনমিৎলোনগী ওইরিবা ফিভমশিংগী মতাংদা ৱা ঙাংলদুনা প্রধান মন্ত্রীনা হায়খি মদুদি ইনর্জী অসি মোদর্ন ইকোনোমীগী য়ুম্বীনি অমসুং নোংচুপ এসিয়া অসি মালেমগী ইনর্জীগী মথৌ তাবশিংগী মরুওইবা সোর্স অমনি, মসিনা হৌজিক ওইরিবা অৱাবা অসি মালেমগী ইকোনোমীশিংগীদমক শিংনবা অমা ওইহল্লি। ভারতকী ইম্পোর্ত-এক্সপোর্ত চেনগী খুদোংচাদবা খুদিংমক য়েংশিন্নবা অমসুং ৱারোইশিন পুরক্নবগীদমক্তা সরকারনা অতেনবা মতমগী ওইবা, ময়াই ওইবা মতমগী ওইবা অমসুং অশাংবা মতমগী ওইবা স্ত্রেতেজী অমগা লোয়ননা থবক তৌরি হায়না মহাক্না হাউসতা থমখি। স্তেকহোল্দরশিংগা সেক্তরগী ওইবা মরী লৈনবা খন্ন-নৈনবগী থৌওং অমসুং দেদিকেতেদ ইন্তর-মিনিস্তেরিয়েল গ্রুপনা মতেং পাংলি। থাজবগা লোইনা শ্রী মোদীনা হায়খি, “গবর্নমেন্ত অমসুং ইন্দস্ত্রীগা পুন্না হোৎনমিন্নদুনা ঐখোয়না অসিগুম্বা ফিভমশিং অসি মতিক চানা মায়োক্নবা ঙমগনি হায়না ঐহাক্না থাজবা থম্লি।”
লান অসিনা লৌউ-শিংউদা পীরিবা শাফুগী মতাংদা, প্রধান মন্ত্রীনা হাউস অসিদা থাজবা পীখি মদুদি ভারতকী লৌমীশিংনা চানবা চিঞ্জাক্কী পোৎলমশংই মতিক চানা লৈহল্লি অমসুং সরকারনা খারিফকী মরু হুনবদা মতং পাংনবা থবক পায়খৎলি অমসুং হৌখিবা চহিশিংদা মপাঙ্গল কনবা ইমর্জেন্সী ফুদ এরেঞ্জমেন্ত অমা শেমখ্রে। কোবিদ-১৯গী লাইচৎ অমসুং মসিগা মরী লৈনবা মালেমগী সপ্লাই চেনগী অৱাবা লৈরিঙৈ মতমদসু, মালেমগী কৈথেলশিংদা য়ুরিয়াগী মমল বেগ অমদা লুপা ৩০০০ য়ৌরকপা মতমদা, সরকারনা ভারতকী লৌমীশিংদা বেগ অসি লুপা ৩০০দগী হন্থনা ফংহনখি হায়না নৌহৌনা নিংশিংলদুনা শ্রী মোদীনা হায়খি, “হৌখিবা মতমদসু, ঐখোয়গী সরকারনা মালেমগী অৱাবা অসিগি পোৎলুম অদু লৌমীশিংগী মথক্তা তাহনখিদে।”
ভারতকী লৌউ-শিংউবু মপান্দগী থোক্লকপা শিংনবশিংদগী ঙাকথোক্নবা লৌখৎলিবা স্ত্রকচরেল খোংথাংশিংগী মতাংদা পল্লদুনা প্রধান মন্ত্রীনা হায়খি মদুদি হৌখিবা দিকেদ অমদা অনৌবা য়ুরিয়া প্লান্ত তরুক লিংখৎখ্রে, মসিনা চহিগী ওইনা মেত্রিক তন লাখ ৭৬ হেন্না পুথোকপা ঙম্লে, অদুগা দি.এ.পি. অমসুং এন.পি.কে.এস. ফর্তিলাইজরশিংগী দোমেস্তিক আউৎপুতশু চাউরাক্না মেত্রিক তন লাখ ৫০দা হেনগৎলকখি অমসুং ফর্তিলাইজর ইমপোর্তশু দাইভর্সিফাই তৌখি। হোৎনরিবশিং অসিগী মতাংদা পল্লদুনা, পি.এম. মোদীনা হায়খি, “ঐখোয়না থাও অমসুং গ্যাসকী ইম্পোর্ত দাইভর্সিফাই তৌবগুম্না, ঐখোয়না দি.এ.পি. অমসুং এন.পি.কে.এস.গী ইম্পোর্তকীদমক ঐখোয়গী ওপ্সনশিংসু পাকথোক চাউথোকহনখ্রে।”
মেদ-ইন-ইন্দিয়া নেনো য়ুরিয়া, নেচরেল ফার্মিং প্রমোৎ তৌবা অমসুং পি.এম.-কুসুম স্কিমগী মখাদা সোলর পম্প লাখ ২২ হেন্না য়েন্থোক্তুনা দিজলদা লৌমীশিংগী মখা পোনবা হন্থহন্নবা লৌমীশিংবু শক্তি লৈহন্নবা সরকারনা হোৎনরি হায়না প্রধান মন্ত্রীনা ফোংদোকখি।
হৌজিক চত্থরিবা লান অসিগী মরক্তা কালেন থা অসিদা নোংমগী নোংমগী ইলেক্ত্রিসিতিগী মথৌ তাবা হেনগৎলকপগী শিংনবশিং অদু পল্লদুনা প্রধান মন্ত্রীনা লৈবাক শিনবা থুংনা লৈরিবা পাৱর প্লান্ত পুম্নমক্তা মতিক চাবা কোইলা স্তোক লৈরে অমসুং ভারতনা মথং-মথং চহি অনিগী ওইনা কোইলা তন করোর ১০০ পুথোকপগী রেকোর্দ অমা থম্লে হায়না হাউসতা পাউদমখি। মহাক্না হায়খি মদুদি পাৱর পুথোকপদগী হৌরগা পাৱর সপ্লাই ফাওবগী সিস্তেম পুম্নমক লেপ্পা লৈতনা য়েংশিল্লি। হৌখিবা চহী তরা অসিদা রিন্যুৱেবল ইনর্জীদা অহোংবা পুরকপদগী সরকারগী শেম-শারিবা অসিদা য়াম্না চাউনা অহোংবা পুরক্লে। ভারতকী অপুনবা ইনস্তোল তৌরবা পাৱর পুথোকপগী কেপাসিতীগী তংখাই হৌজিক রিন্যুৱেবল সোর্সশিংদগী লাক্লি অমসুং লৈবাক অসিগী অপুনবা রিন্যুৱেবল কেপাসিতীনা গিগাৱাৎ ২৫০গী পুৱারী ওইরবা মাইলস্তোন অদু লান্থোক্লে। হৌখিবা চহি ১১ অসিদা সোলর পাৱর কেপাসিতী অসি চাউরাক্না গিগাৱাৎ ৩দগী গিগাৱাৎ ১৪০দা হেনগৎলে, য়ুমথকশিংদা সোলর ইনস্তোলেসন লাখ ৪০ লিংখৎলে, কম্প্রেস তৌরবা বাইওগ্যাস প্লান্ত ২০০ হৌজিক্তি গোবার্ধন স্কিমগী মখাদা মথৌ তৌরি, অমসুং নৌনা অয়াবা পীরবা স্মোল হাইদ্রোপাৱর দিবেলপমেন্ত স্কিমগা লোয়ননা ন্যুক্লিয়র ইনর্জী পুথোকপদা পুক্নিং থৌগৎলি। মসিনা মথংগী চহি খরদা কেপাসিতী মেগাৱাৎ ১৫০০ হাপচিল্লগনি। শ্রী মোদীনা হায়খি, “হোৎনরিবা পুম্নমক অসিনা ঙসি লৈবাক অসিদা চাউনা মতেং পাংলি, অমসুং মসিনা ভারতকী ইনর্জীগী তুংলমচৎ অসি হেন্না সেক্যোর ওইহল্লগনি।”
নোংচুপ এসিয়াগী লান অসিদা ভারতকী দিপ্লোমেতিক রেস্পোন্সকী মতাংদা, প্রধান মন্ত্রীনা হায়খি মদুদি ভারতকী স্তেন্দিং অসি হৌখিবা মতমদগী ময়েক শেংনা লৈরক্লি, ময়ামগীদমক খনবা, ইরাং হন্থহন্নবা অমসুং সিবিলিয়নশিং অমসুং ইনর্জী অমসুং ত্রান্সপোর্ত ইনফ্রাস্ত্রকচরদা লান হৌবদা য়ানিংদবা ফোংদোকপা অসিনি। মহাক্না ৱেস্ত এসিয়াগী মরী লৈনবা লুচিংবশিংগা ৱারী শানখ্রে অমসুং মখোয়দা তেন্সন অসি হন্থহন্নবা অমসুং লান অসি লোইশিন্নবা তকশিনখি। কম্মর্সিয়েল শিপশিংদা এতেক তৌবা অমসুং হোর্মুজ স্ত্রেতকুম্বা ইন্তর্নেস্নেল ৱাতরৱেজশিং থিংজিনবা অসি অয়াবা ৱাফম নত্তে হায়না পল্লদুনা, প্রধান মন্ত্রী মোদীনা হায়খি, “ইন্দিয়ানা দিপ্লোমেসীগী খুত্থাংদা, লানগী ফিভম অসিগী মরক্তা ফাওবা ভারতকী শিপশিংবু সেফ ওইনা চৎহন্নবা লেপ্পা লৈতনা হোৎনরি।”
মীওইবা অমসুং শান্তিগীদমক ভারতনা লেপ্পা লৈতনা হোৎনরি হায়না প্রধান মন্ত্রীনা অমুক্কা হন্না ফোংদোকখি। ৱারী শানবা অমসুং দিপ্লোমেসী অসি ৱারোইশিন পুরক্নবা অমত্তা ঙাইরবা লম্বী ওইরি হায়না মহাক্না ফোংদোকখি। ভারতনা হোৎনরিবা পুম্নমক অসি লানগী ফিভম হন্থহন্নবা অমসুং খুদোংচাদবশিং লোইশিন্নবা হোৎনরি হায়না পল্লদুনা শ্রী মোদীনা হায়খি, অমসুং লান অসিদা কনাগুম্বা মীওইবা অমগী পুন্সিদা খুদোংথিবা থোকহনবা হায়বসি মীওইবা খুন্নাইগী কান্নবগী মায়োক্তা চৎলি, “ভারতনা হোৎনরিবদি মায়কৈ পুম্নমকপু অথুবা মতমদা শান্তি ওইবা ৱারোইশিন অমা পুরক্নবা পুক্নিং থৌগৎপনি।” হায়না শ্রী মোদীনা পনখি।
প্রধান মন্ত্রীনা খ্রাইসিস অসিগী মনুংগী ওইবা সেক্যুরিতী দিমেন্সন অদুদা পুক্নিং চিংশিনখি, অখন্নবা ইলিমেন্ত খরনা অসিগুম্বা ফিভমশিং অসি শিজিন্ননবা হোৎনরি হায়না মহাক্না পনখি। লো এন্দ ওর্দরগী এজেন্সী পুম্নমক এলর্ত্তা থমখ্রে অমসুং কোস্তেল, বোর্দর, সাইবর অমসুং স্ত্রেতেজিক ইন্সতোলেসনশিং, দোমেন পুম্নমক্তা সেক্যুরিতী হেন্না কনখৎহল্লগনি হায়না হাউসতা চেকশিন্নবা হায়রদুনা প্রধান মন্ত্রী মোদীনা হায়খি, “কোস্তেল সেক্যুরিতী, বোর্দর সেক্যুরিতী, সাইবর সেক্যুরিতী, নৎত্রগা স্ত্রেতেজিক ইন্সতোলেসনশিং ওইরবসু, পুম্নমক্কী সেক্যুরিতী হেন্না কনখৎহল্লগনি।”
মহাক্কী ৱারোল লোইশিল্লদুনা, প্রধান মন্ত্রীনা হায়খি মদুদি লান অসিনা থোকহনবা মালেমগী অরুবা ফিভমশিং অসি মতম শাংনা লৈহল্লকপা য়াই। মহাক্না কোবিদ-১৯গী লাইচৎ মনুংদা লৈবাক অসিনা অমত্তা ওইনা লেপখিবা অদুগুম্না শেম-শানবা অমসুং অমত্তা ওইনা লেপমিন্ননবা লৈবাক মীয়ামদা হায়খি। খাংবা কনবা, পুক্নিং ফাথবা অমসুং মিৎ-না শিংনা ফত্তবা পাউ শন্দোক্তুনা, ব্লেক মার্কেতিং তৌদুনা, নৎত্রগা হোর্দিং তৌদুনা ফীভম অসিদগী কান্নবা লৌনবা হোৎনবা মীওইশিংগী মায়োক্তা চেকশিন্না লৈনবা অমসুং পুক্নিং চিংশিন্দুনা, শ্রী মোদীনা রাজ্য সরকার পুম্নমক্তা হাউসকী থোংদা হায়জখি মদুদি অসিগুম্বা মীওইশিং অসিগী মথক্তা কনবা মোনিতরিং অমসুং অথুবা মতমদা থবক লৌখৎনবা হোৎনগদবনি। লৈবাক অসিগী অপুনবা ৱারেপ অদুদা মহাক্কী থাজবা অদু ফোঙদোক্লদুনা, প্রধান মন্ত্রী মোদীনা হায়খি, “সরকার খুদিংমক অমসুং লৈবাক অসিগী মীপুম খুদিংমক্না অমত্তা ওইনা চৎমিন্নবা মতমদা, ঐখোয়না খুদোংচাদবা খুদিংমক থেংনবা ঙমগনি, মসি ঐখোয়গী মশকনি, অমসুং মসি ঐখোয়গী পাঙ্গলনি।”
ৱা ঙাংখিবগী মপুংফাবা ৱারোল পানবা মসিদা নম্বীয়ু
इस समय, पश्चिमी एशिया के हालात चिंताजनक हैं।
— PMO India (@PMOIndia) March 23, 2026
बीते दो-तीन हफ्तों में जयशंकर जी ने और हरदीप पुरी जी ने इस विषय पर सदन को जरूरी जानकारी दी हैं।
लेकिन अब इस संकट को तीन सप्ताह से ज्यादा हो गए हैं।
इसका पूरे विश्व की अर्थव्यवस्था पर, लोगों के जीवन पर बहुत विपरीत असर हो रहा है।…
युद्धरत और युद्ध से प्रभावित देशों के साथ भारत के व्यापक व्यापारिक रिश्ते हैं।
— PMO India (@PMOIndia) March 23, 2026
जिस क्षेत्र में युद्ध हो रहा है, वो दुनिया के दूसरे देशों के साथ हमारे व्यापार का भी एक महत्वपूर्ण रास्ता है: PM @narendramodi
हमारे लिए ये रीजन एक और कारण से भी अहम है।
— PMO India (@PMOIndia) March 23, 2026
लगभग एक करोड़ भारतीय खाड़ी देशों में रहते हैं और वहां काम करते हैं।
इन समंदर में जो कमर्शियल शिप चलते हैं, उनमें भारतीय क्रू-मेंबर्स की संख्या भी बहुत अधिक है।
ऐसे अलग-अलग कारणों के चलते, भारत की चिंताएं स्वाभाविक रूप से अधिक हैं।…
भारत हमेशा से मानवता के हित में शांति की आवाज उठाता रहा है। बातचीत और कूटनीति ही इस समस्या का समाधान हैं।
— PMO India (@PMOIndia) March 23, 2026
हमारे प्रयास तनाव को कम करने और इस संघर्ष को समाप्त करने के लिए हैं।
इस युद्ध में किसी के भी जीवन पर संकट मानवता के हित में नहीं है इसलिए भारत का प्रयास सभी पक्षों को जल्द…
