প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা সৌরাস্ত্রা তমিক সঙ্গমমগী লোইশিনবগী থৌরমদা ৱা ঙাংখ্রে।
থৌরম অসিদা ৱা ঙাংলদুনা প্রধান মন্ত্রীনা মীথুংলেন অমবু ওকপা হায়বা অসি অখন্নবা এক্সপরিয়েন্সনি অদুবু দিকেদ কয়াগী মতুংদা য়ুমদা লাকপগী এক্সপরিয়েন্স অমসুং নুংঙাইবা অসি মপাল নাইদে। মহাক্না হায়খি সৌরাস্ত্রগী মীয়াম্না চপ মান্নবা ইনোৎকা লোয়ননা রাজ্য অসিদা লাক্লিবা তমিল নাদুদগী মরুপশিংগীদমক রেদ কার্পেৎ থাখি।
প্রধান মন্ত্রীনা মহাক্না মুখ্য মন্ত্রী ওইরিঙৈ মতমদা সৌরাস্ত্রাদগী শরুক য়ারিবা মীওই ৫০,০০০ হেনবগা লোয়ননা ২০১০দা মদুরাইদা মান্নবা সৌরাস্ত্র তমিল সঙ্গমম অমা পাঙথোকখিবা অদু নীংশিংখি। প্রধান মন্ত্রীনা হায়খি চপ মান্নবা মীনুংশি অমসুং থৱায় য়াওবগা লোয়ননা তমিল নাদুদগী মীথুংলেনশিংনা সৌরাস্ত্রাদা লাক্লি। মীথুংলেনশিং অসিনা তুরিজমদা শরুক য়াশিনখি অমসুং কেৱারিয়াদা লৈবা স্তেচু ওফ য়ুনিতীদা চৎখি হায়না ফোঙদোক্লদুনা প্রধান মন্ত্রীনা হায়, কনাগুম্বা অমনা মমাংঙৈগী মমল য়াম্লবা নীংশিং মমিশিং, হৌজিক্কী মতমগী মান্নবা ৱাখল্লোন অমসুং এক্সপরিয়েন্সশিং অমসুং তুংলমচৎকী ফিরেপশিং অমসুং ইথিলশিং সৌরাস্ত্রা তমিল সঙ্গমমদা উবা ফংগনি। মহাক্না ঙসিগী থৌরম অসিগীদমক সৌরাস্ত্রা অমসুং তমিল নাদুগী মীয়ামদা নুংঙাইবা ফোঙদোকখি।
প্রধান মন্ত্রীনা হায়খি ভারতকী নীংখা তম্বগী অমৃত কালদা ঐখোয়না তমিল নাদু অমসুং সৌরাস্ত্রগী সঙ্গম ওইরিবা সৌরাস্ত্রা তমিল সঙ্গমমগুম্বা মরু ওইবা কলচরেল ইভেন্তশিং উবা ফংবা খক্তা নত্তনা দেবী মীনাক্ষি অমসুং দেবী পার্বতিগী শক্লোন্দা শক্তিবু থৌনিবগী কুহ্মৈ অমসু উবা ফংলি। অমসুং মসি ভগবান সোমনাথ অমসুং ভগবান রামনাথকী শক্লোন্দা শিবকী ৱাখল্লোনগী কুহ্মৈ অমনি। মতৌ অসুম্না মসি সুন্দরশ্বারাগী লমদম অমসুং নাগেশ্বারাগী লমদমগী সঙ্গম অমনি, মসি শ্রী কৃষ্ণ অমসুং শ্রী রঙ্গনাথাগী, নর্মাদা অমসুং বাগাইগী, দন্দিয়া অমসুং কোলাথামগী সঙ্গমনি অমসুং দ্বার্কা অমসুং পুরিগুম্বা পুরিশিংগী শেংলবা চৎনবীগী সঙ্গম অমনি হায়না মহাক্না ফোঙদোকখি। প্রধান মন্ত্রীনা মখা তারদুনা হায়খি, “তমিল সৌরাস্ত্রা সঙ্গমম অসি সরদার পতেল অমসুং সুব্রহ্মনিয়ম ভারতীগী লৈবাক নীংবগী ফিরেপকী সঙ্গম অমনি। ঐখোয়না লৈবাক শেমগৎপগী লম্বীদা হেরিতেজ অসিগা লোয়ননা মাংদা চংশিনগদবনি”।
লৈবাক শিনবা থুংবদা লৈরিবা তোঙান-তোঙানবা লোলশিং অমসুং দাইলেক্তশিং, আর্ত ফোর্ম অমসুং জোনরশিংগী মতাংদা পল্লদুনা প্রধান মন্ত্রীনা হায়খি, “ভারত অসি মাগী দাইভর্সিতীবু গুন অমা ওইনা উরিবা লৈবাক্নি”। প্রধান মন্ত্রীনা হায়খি ভারতনা মাগী থাজবা অমসুং স্পিরিচুএলিতীদা দাইভর্সিতী লৈ হায়না লৌখি অমসুং ভগবান শিব অমসুং ভগবান ব্রহ্ম থৌনিবা অমসুং ঐখোয়গী তোঙান-তোঙানবা মওংশিংদা লমদম অদুদা চেল্লিবা তুরেলশিংবু থৌনিবগী মতৌ অসি খুদম ওইনা পীখি। মসিগী দাইভর্সিতী অসিনা ঐখোয়বু খাইবুম-খাইবুম তাহনবগী মহুৎ ঐখোয়গী মরীশিং চেৎশিনহনখি হায়না প্রধান মন্ত্রীনা ফোঙদোকখি। মহাক্না হায়খি তোঙান-তোঙানবা ইচেলশিং পুনশিনবা মতমদা ইতিনফম অমা শেম্মি অমসুং ভারতনা চহিচা কয়াদগী কুম্ভগুম্বা ইভেন্তশিংদা তুরেলশিং তিন্নবদগী ৱাখল্লোনশিং তিন্নবগী মতাংদা লৈরিবা ৱাখল্লোন অসি য়োকখৎতুনা লাকখি। প্রধান মন্ত্রীনা হায়, “সঙ্গমগী শক্তিনা সৌরাস্ত্রা তমিল সঙ্গমমবু ঙসি অনৌবা শক্লোন্দা মাংদা পুখৎলি”। মহাক্না হায়খি লৈবাক্কী অপুনবা শক্তমনা সরদার পতেল সাহেবকী থৌজালশিংগা লোয়ননা অসিগুম্বা অচৌবা কুহ্মৈশিংগী শক্লোন লৌরি। প্রধান মন্ত্রীনা হায়খি মসি ‘এক ভারত শ্রেস্থ ভারত’কীদমক মখোয়গী পুন্সিবু কত্থোকখিবা অমসুং মঙলান শাগৎচরম্বা নীংতম লান্মী লাখ কয়াগী মঙলানশিং থুংহনবনি।
প্রধান মন্ত্রীনা হেরিতেজতা চাউথোকচবা পোকপগী ‘পঞ্চ প্রন’গী মতাংদা নীংশিংখি অমসুং হায়খি, “ঐখোয়না মসিবু হেন্না খঙবা মতমদা, মীখা পোনবগী ৱাখল্লোন্দগী নীংখা তমদুনা ঐখোয় ইশাবু খঙনবা হোৎনবা মতমদা ঐখোয়গী হেরিতেজত চাউথোকচবা পোকপা হেনগৎলক্কনি”। কাশী তমিল সঙ্গমম অমসুং সৌরাস্ত্রা তমিল সঙ্গমমগুম্বা ইভেন্তশিংনা মাইকৈ অসিদা কান্নরা ইহৌ অমা ওইরক্লি হায়না মহাক্না ফোঙদোকখি। গুজরাত অমসুং তমিল নাদুগী মরক্তা লৈরিবা অচেৎপা মরী অসিবু নাথৈদুনা থমখিবগী মতাংদা মহাক্না ফোঙদোকখি। প্রধান মন্ত্রীনা হায়খি, “লাই হাক্ততগী রাজ্য অনিগী মরক্তা অচেৎপা মরী অমা লৈনদুনা লাকখি। সৌরাস্ত্রা অমসুং তমিল নাদুগী, নোংচুপ অমসুং খাগী কলচরেল ফ্যুজন অসি চহি লিশিং কয়াদগী চেলক্লিবা ইচেল অমনি”।
২০৪৭কী পান্দম, মীখা পোনবা অমসুং দিকেদ তরেৎকী শীংনবশিংগী মতাংদা পল্লদুনা প্রধান মন্ত্রীনা দাইভর্জনরী অমসুং অমাংবা থোকহল্লিবা শক্তিশিংদগী চেকশিন্নবা হায়খি। মহাক্না হায়খি, “ভারত্তা খ্বাইদগী অৱাবা মতমদা ফাওবা ইন্নোবেৎ তৌনবা শক্তি লৈ, সৌরাস্ত্রা অমসুং তমিল নাদুগী পুৱারীনা মসি ঐখোয়দা থাজবা পোকহল্লি”। প্রধান মন্ত্রীনা সোমনাথতা চত্থখিবা এতেক অদু নীংশিংখি অমসুং মসিনা তমিল নাদুদা পাক্তক্ননা য়ুম হোংহনখিবা অদু নীংশিংখি অমসুং লৈবাক অসিগী শরুক অমদগী অতোপ্পা অমদা হোংলিবশিংনা অনৌবা লোল, মীয়াম অমসুং এনভাইর্নমেন্তগী মতাংদা অৱাবা পোক্তে হায়না ফোঙদোকখি। মহাক্না হায়খি মশিং য়াম্লবা মীওইশিংনা সৌরাস্ত্রাদগী তমিল নাদুদা মখোয়গী লাইনীং অমসুং শক্তাক ঙাকশেন্নবগদমক ময়ুম হোংখি অমসুং তমিল নাদুগী মীয়াম্না মখোয়বু থমোয়গী থোং হাংদুনা তরাম্না ওকখি অমসুং অনৌবা পুন্সিগীদমক মখোয়দা খুদোংচাবা পুম্নমক ফংহনখি। প্রধান মন্ত্রীনা হায়খি, “‘এক ভারত শ্রেস্থা ভারত’কী মসিদগী হেন্না চাউবা খুদম লৈরিদ্রা?”
অথোইবা লম্বোইবা তিরুবল্লাবরগী মতাংদা পল্লদুনা প্রধান মন্ত্রীনা হায়খি মখোয়গী য়ুমশিংদা অতোপ্পবু হরাও-তয়াম্না তরাম্না ওকখিবা মীওইশিংদা নুংঙাইবা, চাউখৎপা অমসুং অফবা লাকচৈ অমসুং তংদু লৈতানা লৈবা অমসুং কলচরেলগী য়েৎনবা লৈহনদবগী মথৌ তাবা অদুসু ফোঙদোকখি। সৌরাস্ত্রা রিজনগী মীয়ামবু তমিল নাদুদা খুন্দা লৈতাদুনা লৈহনবদা তরাম্না ওকখিবা তমিল নাদুগী মীয়ামগী মতাংদা পল্লদুনা প্রধান মন্ত্রীনা হায়খি,, “ঐখোয়না অৱাবা অদু মাংদা পুবগী মথৌ তাদে, ঐখোয়না সঙ্গমশিং অমসুং সঙ্গমমশিং মাংদা পুখৎকদবনি। ঐখোয়না খেন্নবশিং থীবগী মথৌ তাদে, ঐখোয়না নুংশিনবগী মরীশিং থম্বা পাম্মি”। মহাক্না হায়খি ভারতকী অমরত ওইরবা চৎনবী অসিনা মীপুম খুদিংমকপু ইনক্লুসিব ওইনা পুদুনা মাংদা চংশিনবা অসিবু তমিল কলচর ঙাক্না চৎলিবা মীওইশিংনা উৎখি অদুবু মদিগা ইরোইননা মখোয়না সৌরাস্ত্রাগী লোল, চিঞ্জাক অমসুং চৎনবী নীংশিংখি। প্রধান মন্ত্রীনা ঐখোয়গী ইপা-ইপুশংনা শরুক তমখিবা অদুবু থৌদাং মশক খঙবা ৱাখল্লোনগা লোয়ননা মাংদা পুদুনা চৎপদা নুংঙাইবা ফোঙদোকখি। ৱারোল পীবা লোইশিনবদা প্রধান মন্ত্রীনা মীপুম খুদিংমক্তা লৈবাক্কী তোঙান-তোঙানবা মফমশিংদগী বর্তন তৌদুনা লোকেল থাক্তা তৌরিবা অসিগা চপ মান্নবা মওংদা ভারত্তা হিংনবা খুদোংচাবা পীনবা হায়খি। সৌরাস্ত্রা তমিল সঙ্গমমনা মাইকৈ অসিদা পুৱারী ওইবা থৌশিল অমা ওইরগনি হায়না মহাক্না থাজবা ফোঙদোকখি।
বেকগ্রাউন্দ
লৈবাক অসিগী তোঙান-তোঙানবা মফমশিংদা মীয়ামগী মরক্তা লৈনরিবা চহি কয়া শুরবা মরীশিং অমুক হন্না খঙদোক্নবা থবকশিংগী খুত্থাংদা এক ভারত শ্রেস্থা ভারতকী ৱাখল্লোন চাউখৎহন্নবা প্রধান মন্ত্রীগী পান্দমগী মখাদা থৌরম অসি পাংথোকপা হৌরকপনি। মসিগী ৱাখল্লোন্দা, মমাঙদা কাশী তমিল শঙ্গমম পাংথোকখ্রে। গুজরাত অমসুং তমিল নাদুগী মরক্তা কলচর অমসুং হেরিতেচ শরুক য়ামিন্নবগী হরাও-তয়াম্বা ফোঙদোক্নবা পান্দমদা সৌরাস্ত্রা তমিল শঙ্গমম পাঙথোকপনি।
চহিচা কয়াগী মমাঙদা, সৌরাস্ত্রাদা লমদমদগী মীওই কয়া তমিল নাদুদা য়ুম হোঙলকখি। সৌরাস্ত্রা তমিল শঙ্গমম্না সৌরাস্ত্রাগী তমিলশিংনা মখোয়গী হৌরকফমগা অমুক হন্না শম্ননবগী খুদোংচাবা অমা পীরে। নুমিৎ ১০গী থৌরম অসিদা অখন্নবা ত্রেন অমদা সৌরাস্ত্রাগী তামিল ৩০০০ হেন্না সোমনাথতা চৎখি। এপ্রিল ১৭তগী হৌখিবা থৌরম অসি এপ্রিল ২৬তা সোমনাথতা লোইশিনবগী থৌরম পাঙথোকখ্রে।
आज आजादी के अमृतकाल में हम सौराष्ट्र-तमिल संगमम् जैसे सांस्कृतिक आयोजनों की एक नई परंपरा के गवाह बन रहे हैं। pic.twitter.com/YEybyX7sZb
— PMO India (@PMOIndia) April 26, 2023
भारत विविधता को विशेषता के रूप में जीने वाला देश है। pic.twitter.com/xcU41P34xD
— PMO India (@PMOIndia) April 26, 2023
देश ने अपनी ‘विरासत पर गर्व’ के ‘पंच प्राण’ का आवाहन किया है। pic.twitter.com/fWfJka9Dqu
— PMO India (@PMOIndia) April 26, 2023
भारत कठिन से कठिन हालातों में भी कुछ नया करने की ताकत रखता है। pic.twitter.com/iVHtCgemJ4
— PMO India (@PMOIndia) April 26, 2023
भारत की अमर परंपरा है - सबको साथ लेकर समावेश के साथ आगे बढ़ने की, सबको स्वीकार करके आगे बढ़ने की। pic.twitter.com/LIJzKnlpwL
— PMO India (@PMOIndia) April 26, 2023
