প্রধান মন্ত্রী, শ্রী নরেন্দ্র মোদীনা ওস্ত্রেলিয়াগী প্রধান মন্ত্রী, এন্থোনী অল্বানীজ, জপানগী প্রধান মন্ত্রী, ফুমিয়ো কিশিদা অমসুং য়ুনাইতেদ স্তেতস ওফ অমেরিকাগী প্রেসিদেন্ত, জোসেপ বাইদেনগা লোইননা ২০২৩গী মে ২০দা জপানগী হেরোশিমাদা ক্বাদকী লুচিংবশিংগী অহুমশুবা ইন-পর্সন মীফমদা শরুক য়াখ্রে।
লুচিংবশিং অদুনা ইন্দো-পেসিফিক্তা চাউখৎ-থৌরাংগী থবকশিং পাইখৎপগী মতাংদা য়াম্না প্রদক্তিব ওইবা মওংদা খন্নখ্রে, মসিনা দেমোক্রেতিক ভেল্যুশিং অমসুং স্ত্রেতেজিক ইন্তেরেস্ত অদুবু ময়েক শেংনা ফোংদোক্লি। ফ্রী, ওপন অমসুং ইনক্লুসিব ওইবা ইন্দো-পেসিফিক অমগীদমক্তা লৈরিবা মখোয়গী ভিজন অদুনা লমজিংলদুনা সোভরেনতীগী প্রিন্সিপলশিং, তেরিতোরিয়েল ইন্তেগ্রিতী অমসুং য়ানদবশিং অদুবু শান্তি লৈনা ৱারোইশিন অমা পুরকপা হায়বশিং অসিবু ঙাক্না চৎপগী মরু ওইবা অদুবু হন্না-হন্না হায়খি। মসিগা মরি লৈননা, মখোয়না ক্বাদকী লুচিংবশিংগী ভিজন স্তেতমেন্ত – ইন্দো-পেসিফিক্কীদমক্তা তুং-কোইনা চৎকদবা পার্তনরশিং” হায়বা অসি থাদোকখি, মসিনা মখোয়গী অচেৎপা ৱাখল্লোনদা য়ুমফম ওইবা এপ্রোচ অদুবু ফোংদোক্লি।
ইন্দো-পেসিফিক্কী রেজিলিয়েন্স অমসুং প্রোসপরিতী হেনগৎহন্নবা লুচিংবশিংনা মখাদা পীরিবা অনৌবা থৌরাংশিং অসি লাউথোকখি, মসিনা রিজন অসিগী চাউখৎ-থৌরাংগী প্রাবোরিতীশিংবু কমপ্লিমেন্ত তৌরগনি:
ক. রিসর্চ অমসুং দেবেলপমেন্তবু মতেং পাংগদবা অমসুং ইন্দো-পেসিফিক্কী ইনর্জী ত্রাঞ্জিশনদা সপোর্ত তৌগদবা ক্লীন ইনর্জী সপ্লাই চেনশিংগী অনৌবা থৌরাং। মসিগী মথক্তা, ক্লীন ইনর্জী সপ্লাই চেনশিংগী ওইবা ক্বাদকী প্রিন্সিপলশিং অদুবু রিজন অসিদা ক্লীন ইনর্জী সপ্লাই চেন দেবেলপমেন্তকী মতাংদা পাইখৎলিবা থবক-থৌরমশিং অদুবু লমজিং-লমতাকপীনবগী অয়াবা পীখ্রে।
খ. ‘ক্বাদ ইনফ্রাস্ত্রকচর ফেলোশিপস প্রোগ্রাম’না রিজন অসিদা লৈরিবা পোলিসী মেকেরশিং অমসুং প্রক্তিস্নরশিংবু মখোয়গী মখোয়গী লৈবাকশিংদা সস্তেনেবল অমসুং ভায়েবল ইনফ্রাস্ত্রকচরবু দিজাইন তৌবদা, শাবদা অমসুং মেনেজ তৌবদা সপোর্ত তৌরগনি।
গ. ‘পার্তনর্শিপ ফোর কেবল কনেক্তিবিতী এন্দ রেজিলিয়েন্স’না মসিগী য়াম্না মরু ওইবা নেতৱার্কশিং অসিবু সেক্যোর তৌনবা অমসুং দাইভর্সিফাই তৌনবা অন্দরসী কেবলশিংগী দিজাইন, মেন্যুফেকচরিং, লেয়িং অমসুং মেন্তিনেন্সতা লৈরিবা ক্বাদকী কলেক্তিব এক্সপর্তিজ অসিবু শিজিন্নরগনি।
ঘ. পালাউদা অপিকপা স্কেলদা ও.আর.এ.এন. থাদোক্নবগীদমক্তা ক্বাদ সপোর্ত পীবা, অহানবনা পেসিফিক রিজনদা। ওপন, ইন্তরোপরেবল অমসুং সেক্যোর ওইবা তেলিকোম প্লেতফোর্মশিংদা ইন্দস্ত্রী ইনভেস্তমেন্ত সপোর্ত তৌনবা ও.আর.এ.এন. রিপোর্তশু থাদোকখ্রে।
ঙ. ক্বাদ ইনভেস্তরশিংগী নেতৱার্ক অসিবু স্ত্রেতেজিক তেক্নোলোজীশিংদা ইনভেস্তমেন্তশিং হেনগৎহন্নবা প্রাইভেত সেক্তরনা লুচিংবা প্লেতফোর্ম অমা ওইনা লোঞ্চ তৌখ্রে।
চ. লুচিংবশিং অসিনা মমাং চহি তোক্যোদা পাংথোকখিবা মখোয়গী মীফমদা লাউথোকখিবা মেরিতাইম দোমেন এৱেয়রনেসকী মতাংদা শেমখিবা ইন্দো-পেসিফিক পার্তনর্শিপকী প্রোগ্রেস অদুবু তরাম্না ওকখি। মসিগী প্রোগ্রাম অসিগী মখাদা সাউথ ইস্ত অমসুং পেসিফিক্তা লৈরিবা পার্তনরশিংগা দেতা শিয়রিং তৌবা অদু খুমাং চাউশিল্লক্লি অমসুং অথুবা মতমদা ইন্দিয়ন ওশিন রিজনদা লৈবা পার্তনরশিংবুশু মসিদা য়াওহল্লগনি হায়না মখোয়না পল্লকখি। প্রধান মন্ত্রীনা রিজন অসিদা দিমান্দনা মরম ওইরগা চাউখৎ-থৌরাংগী মতাংদা খুৎশম্ননা থবক তৌমিন্নবা হায়বা অসিদা ভারতনা থাংজিল্লিবা খোংথাং অদুনা হোৎনরিবশিং অসিদা করম্না শরুক য়ারিবগে হায়বদুগী মতাংদা পনখি।
লুচিংবশিং অসিনা য়ু.এন.গী ইন্তেগ্রিতী, চার্তর অমসুং এজেন্সীশিংবু ঙাক-শেন্দুনা থম্বগী তঙাইফদবা অদুগী মতাংদা য়ানখি। মখোয়না পার্মনেন্ত অমসুং নন-পার্মনেন্ত কেতেগোরী অনিমক অসিদা য়ু.এন.এস.সি. মেম্বরশিপকী এক্সপান্সন তৌবা য়াওনা মল্তিলেতরেল সীস্তেমবু হেন্না মপাঙ্গল কনখৎহন্নবা অমসুং শেমদোক্নবা মখোয়না হোৎনরিবশিং অদুবু মখাতানা লেপ্তনা অদুমক চত্থনবা য়ানখি।
প্রধান মন্ত্রীনা ক্বাদকী কনস্ত্রক্তিব এজেন্দাবু কন্সোলিদেত তৌবা অমসুং রিজন অসিগীদমক্তা মশখ থোকপা থবক অমা পাংথোকপগী মরু ওইবগী মতাংদা মরু ওইনা পনখি। লুচিংবশিং অসিনা মখোয়গী রেগুলর দাইলোগ অদুবু মখাতানা অদুমক চত্থনবা অমসুং ক্বাদ এনগেজমেন্তকী মোমেন্তমবু ঙাক্না থম্নবা অয়াবা ফোংদোক্নখি। মসিগা মরি লৈননা, প্রধান মন্ত্রীনা ২০২৪দা পাংথোক্কদবা মথংগী ক্বাদ মীফমগীদমক্তা ক্বাদকী লুচিংবশিংবু ভারত্তা লাক্নবা চেবাউ পীখি।
