ঙসি ৱাশিংতন দি.সিদা হ্বাইদ হাওসতা ইন্দিয়া-য়ু.এস হায়-তেক হেন্দসেক থৌরম অমদা প্রধান মন্ত্রী শ্রী নরেন্দ্র মোদী অমসুং য়ু.এস.এগী রাস্ত্রপতি জোসেফ আর. বাইদেন শরুক য়াখ্রে। থৌরম অদু য়ু.এস.এগী কম্মর্স সেক্রেতরি জিনা রাইমোন্দোনা ৱাতেমখি অমসুং ভারত অমসুং অমেরিকাগী তেক কম্পেনিশিং অমসুং স্তার্দঅপশিংগী সি.ই.ওশিং শরুক য়াখি। মীফম অদুগী পান্দমদি ‘মীওই খুদিংমক্কী এ.আই’ অমসুং ‘মীওইবা খুন্নাইগী মেনুফেকচরিং’ হায়বনি।
থৌরম অসি লুচিংবা অনিনা ভারত অমসুং য়ু.এস.এগী মরক্তা তেক্নোলোজিগী মতেং পীনবা মখা তানা ফগৎহন্নবা হন্না য়েংশিন্নবা খুদোংচাবা অমা ওইখি। লৈবাক অনিগী মীয়াম অমসুং মালেমগী দরকার ওইবশিং ফংনবা এ.আই শীজিন্নদুনা ভারত-য়ু.এস তেক্নোলোজি পার্তনরশিপকী থৌদাং অমসুং খুদোংচাবগী মতাংদা মীফম অদুদা খন্নখি। তেক ইকোসিস্তেম অনিগী মরক্তা হৌজিক লৈরিবা মরীশিং, ভারতকী হৈথোই-শিংথোইবা শিন্মীশিং অমসুং দিজিতেল পব্লিক ইনফ্রাস্ত্রকচরগী লমদা ভারতকী খুমাঙচাউশিনবগী খুদোংচাবশিং লৌনবা লম্বীশিং সি.ই.ওশিংনা থিদোকখি। মরুওইবা থবকশিং মতেং পীন্নবা, স্তেন্দার্দশিং অমসুং ইন্নোবেসন হেনগৎহন্নবা লৈবাক অনিগী ইন্দস্ত্রিশিংগী মরক্তা চাংনাইনা উনবা হায়না মখোয়না য়ানখি।
মহাক্কী ৱারোলদা প্রধান মন্ত্রীনা হায়খি খুন্নাই অমসুং শেন-থুম চাউখৎনবা ভারত-য়ু.এস তেক মতেং পীনবগী খুদোংচাবা কয়া লৈরি। অনৌবা পুথোকপগী চৎনবা অমা শেমগৎনবা ভারতকী হৈথোই-শিংথোইরবা নহারোলশিংনা মতেং পাংলি। রাস্ত্রপতি বাইদেন্না হায়খি বাইওতেক্নোলোজি অমসুং ক্বান্তম য়াওনা অনৌবা হিরমশিংদা ভারত-য়ু.এস তেক্নোলোজি মতেং পীনবা হেনগৎহন্নবা সি.ই.ওশিংনা মতেং পাংগদবনি। ঐখোয়গী মীয়াম অমসুং মালেমগীদমক হেন্না ফবা তুংলমচৎ অমা শেম্বদা ভারত-য়ু.এস মরীনা মরুওইবা থৌদাং অমা লৌগনি হায়না লুচিংবা অনিমক্না ফোঙদোকখি।
থৌরম অদুদা মখাগী ললোন-ইতিক্কী লুচিংবশিং শরুক য়াখি:
য়ু.এস.এগী মাইকৈদগী :
১. রেবতি এদভাইতি, সি.ই.ও, ফ্লেক্স
২. সাম অলতমান, সি.ই.ও, ওপনএ.আই
৩. মার্ক দৌগ্লাস, প্রসিদেন্ত অমসুং সি.ই.ও, এফ.এম .সি কোর্পোরেসন
৪. লিসা সু, সি.ই.ও, এ.এম.দি
৫. ৱিল মার্সেল, সি.ই.ও, প্লানেত লেবস
৬. সত্য নাদেল্লা, সি.ই.ও, মাইক্রোসোফ
৭. সুন্দর পিচাই, সি.ই.ও, গুগল
৮. হেমন্ত তানেজা, সি.ই.ও অমসুং মেনেজিং দিরেক্তর, জেনেরেল কেতালিস্ত
৯. থোমাস তুল, ফাউন্দর, তুলকো এল.এল.সি
১০. সুনিতা ৱিলিয়মস, নাসা এস্ত্রোনাউত
ভারতকী মাইকৈদগী :
১. অনন্দ মহিন্দ্রা, চিয়ারমেন, মহিন্দ্র গ্রুপ
২. মুকেস অম্বানি, চিয়ারমেন অমসুং এম.দি, রিলাইন্স ইন্দস্ত্রিস
৩. নিখিল কমাথা, কো-ফাউন্দর, জেরোধা অমসুং ত্রু বিকোন
৪. ব্রিন্দা কাপুর, কো-ফাউন্দর, থার্দ আই তেক
