ঙসি প্রধান মন্ত্রী শ্রী নরেন্দ্র মোদীনা ভিদিও মেসেজ অমগী খুৎথাংদা নেসনেল স্পেস দে ২০২৫ থৌরমদা ৱা ঙাংখ্রে। থৌরম অদুদা প্রধান মন্ত্রীনা মহাক্কী য়াইফ পাউজেল পীখি, চহি অসিগী থিম,”অর্য়াভত্তদগী গগানয়ান ফাওবা” গী মরমদা ফোঙদোকখি অমসুং ভারতকী পুৱারি অমসুং লৈবাক অসিগী তুংগীদমক লৌরিবা ৱারেপ অনিমক্ত থম্লিবা থাজবশিং ফোঙদোকখি। প্রধান মন্ত্রীনা হায়খি অতেনবা মতমগী মনুংদা, নেসনেল স্পেস দে লৈবাক অসিগী চাউথোকচনবগী মচাক অমা ওইনা, ভারতকী নহারোলশিং ইথিল পীনবা অমসুং হরাওনবা থৌরম অমা ওইরক্লে। থৌরম অসিদা স্পেস সেক্তরগা মরী লৈনবশিং- সাইন্তিস্তশিং অমসুং নহারোলশিংদা মহাক্না য়াইফ পাউজেল পীখি। প্রধান মন্ত্রীনা হায়খি মদুদি লৈবাক ৬০ হেনবগী নহারোল ৩০০ রোম্না শরুক য়াদুনা হৌজিক ভারতনা এষ্ট্রোনোমি অমসুং এষ্ট্রোফিসিক্সকী ইন্তরনেসনেল ওলেম্পিয়াদ য়ুম্বূ ওইরি। থৌরম অসিদা শরুক য়াখিবা ভারমচা কয়া মনা কয়া ফংলে। ওলেম্পিয়াদ অসি স্পেস সেক্তরনা ভারতনা মালেমগী মাঙজিল থারকপগী খুদম অমনি। নহারোলশিং মখা তানা স্পেস সেক্তরদা থৱায় য়াওনবা, ইসরোনা ইন্দিয়ান স্পেস হেক্কাথোন অমসুং রোবোতিক্স চেলেঞ্জগুম্বা থবকশিং পায়খৎলে। হায়রিবা চাংদম্নবশিং অসিদা শরুক য়ারিবা মহৈরোয়শিং অমসুং মাইপাক্লবশিংদা থাগৎপা ফোঙদোকচরি।
প্রধান মন্ত্রীনা হায়খি স্পেস সেক্তরদা অমগী মথংদা অমা মাইপাক্তুনা হৌজিক ভারত অমসুং মসিগী সাইন্তিস্তশিংগী চৎনবী অমা ওইরক্লে। চহি অনিগী মমাংদা, থাগী খা মেরুদা য়ৌবা অহানবা লৈবাক ভারতনা ওইদুনা পুৱারি শেমখ্রে। স্পেসতা দোক্কিং-অনদোক্কিং ঙম্বা মালেমগী মরিশুবা লৈবাক ভারতনা ওইরে। ইন্তরনেসনেল স্পেস ষ্টেসন্দা ভারতকী ফিরাল পাইহনখিবা গ্রুপ কেপ্তেন সুভান্সু সুক্লা, মহাক্না নুমিৎ হুমনিগী মমাঙদা উনখ্রে। গ্রুপ কেপ্তেন সুভান্সু সুক্লানা মহাক্কী মফমদা মচু অহুমগী ফিরাল উৎপদা, মদুদা ফাওখিবা অদু ৱাহৈশিংনা ফোঙদোকপা ঙম্লোই। মহাক্না গ্রুপ কেপ্তেন সুভান্সু সুক্লাগা ৱারি শানবদা, অনৌবা ভারতকী নহারোলশিংগী মপানা নাইদ্রবা থৌনা অমসুং লোম্বা নাইদ্রবা মঙলানশিং মহাক্না উবা ফংখি। মঙলানশিং অদু মঙফাওনবা ঙম্নবা, “এষ্ট্রোনোত পুল” অমা শেমগৎনবা ভারতনা থৌরাং তৌরি। নহারোলশিং পুল অসিদা শরুক য়াগদবনি অমসুং ভারতকী অনিংবশিং থুংহন্নবা মতেং পাংগদবনি।
প্রধান মন্ত্রীনা হায়খি সেমি-ক্রাইয়োজেনিক ইঞ্জিনশিং অমসুং ইলেক্ত্রিক প্রোপুলসনগুমবা অনৌবা তেক্নোলোজিশিংদা ভারতনা য়াংনা চাউখৎলক্লি, অমসুং য়াম্না য়াংনা, ঐখোয়গী সাইন্তিস্তশিংনা কৎথোকপগা লোয়ননা হোৎনবদগী, ভারতনা অথুবা মতমদা গগানয়ান মিসন থাগৎলগনি অমসুং তুংদা লৈবাক অসিগী মশাগী স্পেস ষ্টেসন শারগনি। ভারতনা মাঙজৌননা থা অমসুং মার্স য়ৌখ্রে অমসুং হৌজিক অমুক সুন্দ্রংগী অরাপ্পা মফমশিং থিজিনগদবনি। থিজিনবা ঙমদ্রিবা মফমশিং অসিদা মীওইবা খুন্নাইগী তুংলমচৎকী মরুওইবা অরোনবশিং লৈরি। গেলেক্সিশিংগী ৱাংমদা ঐখোয়গী পনখৈ লৈরি।
প্রধান মন্ত্রীনা হায়খি লোইবা নাইদবা স্পেসকী ঙমখৈ অসিনা পন্থুং খুদিংমক অরোইবা নত্তে হায়বা ঐখোয়দা নিংশিংহল্লে। মরম অদুনা স্পেস সেক্তরদা থৌশিলগী মতাংদা অরোইবা হায়বা লৈতে। ভারতকী লম্বীদি রিফোর্ম, পরফোর্ম অমসুং ত্রান্সফোর্মগী লম্বীনি। হৌখিবা চহি ১১ দা, স্পেস সেক্তরদা লৈবাক অসিনা অচৌবা অওনবা কয়া পুরকখ্রে। স্পেস সেক্তর অসি অথিংবা কয়া থম্বা মতম অমা লৈরমখি। হৌজিক অথিংবশিং অদু লৌথোক্লে অমসুং লনাই কাংবু স্পেস-তেক্লোলোজিদা শরুক য়াবগী অয়াবা পীরে। স্পেস তেক্নোলোজিদা ইন্নোবেসন অমসুং খোঙজেল য়াংখপগী ইঞ্জিনশিং ওইনা ষ্টার্দঅপ ৩৫০ হেন্না লৈরে অমসুং ঙসিগী থৌরম অসিদা মখোয় থৱায় য়াওনা শরুক য়ারি। লনাই কাংবুনা শাবা অহানবা পি.এস.এল.ভি রেক্কেত অথুবা মতমদা থাগৎলগনি। ভারতকী অহানবা লনাই কম্মুনিকেসন সেতেল্লাইত শেমগৎলিবা অসিদা হরাওই। পব্লিক-প্রাইভেত পার্তনরশিপকী মখাদা আর্থ ওবজার্বেসন সেতেল্লাইত কন্সতেল্লেসন অমা থাগৎনবা থবক পায়খৎলি। স্পেস সেক্তরদা ভারতকী নহারোলশিংগী মশিং য়াম্না খুদোংচাবশিং লৈরে।
ওগষ্ট ১৫,২০২৫ দা লাল কিলাদগী মহাক্না ৱা ঙাংখিবা অদু নিংশিংলদুনা, প্রধান মন্ত্রীনা হায়খি হিরম খুদিংমক্ত অত্মনির্ভর য়াম্না মরুওই। হিরম খুদিংমক মশাগী পান্দমশিং ফংনবা পুক্নিং থৌগৎলে। ভারতকী স্পেস ষ্টার্দঅপশিং খুদোংচাদবা অমা মায়োক্নরি। মথং চহি ৫ দা ঐখোয়না স্পেসক সেক্তরদা য়ুনিকোর্ন মঙা শেমগৎপা ঙমগদরা? হৌজিক ভারতনা লৈবাক অসিদগী চহি অমদা অচৌবা লঞ্চ ৫-৬ উবা ফংলে। ভারতনা মথং চহি ৫ দা চহি খুদিংগী রোক্কেত ৫০ থাগৎনবা লনাই কাংবু শরুক য়াগদবনি। পান্দম অসি ফংনবা সরকারগী থৌনা অমসুং অচেৎপা ফিরেপ লৈরে। স্পেসকী থবক খুদিংমক্ত সরকারনা মখোয়গীদমক লেংদনা লেপ্লি হায়না প্রধান মন্ত্রীনা থাজবা পীখি।
প্রধান মন্ত্রীনা হায়খি ভারতনা স্পেস তেক্নোলোজি অসি সাইন্তিফিক ওইনা থিজিন্নবগী খুৎলায় অমা ওইনা উবত নত্তনা হিংবদা লাইনবা পাম্বৈ অমা ওইনা উরি। স্পেস তেক্নোলোজি অসি ভারত্ত লৈবাক ঙাকপগী শরুক অমা ওইরক্লে- মসি ক্রোপ ইন্সুরেন্স স্কিমশিং সেতেল্লাইতনা য়েংশিনবা, সেতেল্লাইতনা ঙামশিংদা পাউ পীবা অমসুং অশোই-অঙাম থোকহন্দবা, অমাং-অতা থেংনবগী থবকশিং নত্ত্রগা পি.এম গাতি শক্তি নেসনেল মাষ্টর প্লানদা জিওস্পাসিএল দেতা শীজিন্নবগী ওইবা য়াই। স্পেসতা ভারতনা চাউখৎলকপা অসিনা হৌজিক মীচম মীয়ামগী পুন্সি হিংবদা লাইহনবদা হকথেংননা মতেং পাংলে।
কেন্দ্র সরকার অমসুং রাজ্য সরকারশিংদা মখা তানা স্পেস তেক্নোলোজি শীজিন্নবা পুক্নিং থৌগৎনবা ঙরাং নেসনেল মীত ২.০ পাংথোকখ্রে। অসিগুম্বা থবক অসি মখা তানা পাংথোক্কদবনি। স্পেস ষ্টার্দঅপশিংনা সরকারগী থবকশিংদা পান্দম থমদুনা অনৌবা পাম্বৈশিং অমসুং অনৌবা থবকশিং পুথোক্কদবনি। তুংদা ভারতকী স্পেসকী খোঙচৎশিং অনৌবা থাকশিং য়ৌগনি অমসুং নেসনেল স্পেস দে লাকপদা মীয়ামদা অমুক হন্না য়াইফ পাউজেল পীজরি।
থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা য়ুনিয়ন মিনিষ্টর দোক্তর জিতেন্দ্র সিংহ, ইসরোগী ওফিসিএলশিং, সাইন্তিস্তশিং অমসুং ইঞ্জিনিয়ারশিং য়াওখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
नेशनल स्पेस डे हमारे युवाओं में उत्साह और आकर्षण का अवसर बन गया है। ये देश के लिए गर्व की बात है।
— PMO India (@PMOIndia) August 23, 2025
मैं स्पेस सेक्टर से जुड़े सभी लोगों को, वैज्ञानिकों को, सभी युवाओं को नेशनल स्पेस डे की बधाई देता हूँ: PM @narendramodi
स्पेस सेक्टर में एक के बाद एक नए milestone गढ़ना... ये भारत और भारत के वैज्ञानिकों का स्वभाव बन गया है: PM @narendramodi
— PMO India (@PMOIndia) August 23, 2025
आज भारत semi-cryogenic engine और electric propulsion जैसी breakthrough technology में तेज़ी से आगे बढ़ रहा है।
— PMO India (@PMOIndia) August 23, 2025
जल्द ही, आप सब वैज्ञानिकों की मेहनत से, भारत गगनयान की उड़ान भी भरेगा...और आने वाले समय में, भारत अपना स्पेस स्टेशन भी बनाएगा: PM @narendramodi
आज स्पेस-टेक भारत में गवर्नेंस का भी हिस्सा बन रही है।
— PMO India (@PMOIndia) August 23, 2025
फसल बीमा योजना में satellite based आकलन हो...
मछुआरों को satellite से मिल रही जानकारी और सुरक्षा हो...
Disaster management हो या PM Gati Shakti National Master Plan में geospatial data का इस्तेमाल हो…
आज स्पेस में भारत…
