জুলাই ১৪,২০২৩দা পেরিসকী হোতেল দে লাসেদা, মহাক্কী ওফিসিএল য়ুমদা চাক্লেন অমা চামিন্নদুনা, প্রধান মন্ত্রী শ্রী নরেন্দ্র মোদীনা ফ্রান্সকী নেসনেল এশেমব্লিগী প্রসিদেন্ত য়েল ব্রাউন-পাইপেত অমসুং এশেমব্লিগী সেনিয়র লুচিংবশিং উনখ্রে।
লুচিংবা অনিনা গনতন্ত্রগী গুনশিং হায়বদি নিংতম্বা, মান্নবা অমসুং মরুপ-মপাং ওইবগী মতাংদা ৱাফম কয়া খন্নখি। পর্লিয়ামেন্ত অনিগী মরক্তা মতেং পাংনবা হেনগৎহনবা লম্বীশিংগী মতাংদা মখোয়না ৱারি শানখি।
ভারতকী পাক-চাউরবা মীখলগী থবকশিং ফ্রেঞ্চগী মাইকৈদগী থাগৎপা ফোঙদোকখি। ললোন-ইতিক, ইকোনোমি, অকোয়বগী ফিবম, তেক্নোলোজি অমসুং নাৎ য়াওনা তোঙান-তোঙানবা হিরম কয়াদা মতেং পীনবগী মতাংসু খন্নখি। লৈবাক অনিগী অমসুং মালেমগী ওইবা ৱাফমশিংসু মখোয়না খন্নখি।
