প্রধান মন্ত্রী শ্রী নরেন্দ্র মোদীনা ঙসি মালেসিয়াগী ইন্দস্ত্রীগী মকোক থোংবা লুচিংবা মরিগা ৱারী শানখ্রে। মহাক্না পেত্রোনাসকী প্রসিদেন্ত অমসুং গ্রুপ সি.ই.ও. তান শ্রী তেঙ্কু মুহাম্মদ তৌফিক; বেরজায়া কোর্পোরেসন বারহাদকী ফাউন্দর তান শ্রী দাতো' সেরি ভিনসেন্ত তান চি য়িওন; খাজানাহ নেসনেল বারহাদকী মেনেজিং দাইরেক্তর দাতো' অমিরুল ফৈসাল ৱান জহির অমসুং ফাইসন ইলেক্ত্রোনিক্সকী ফাউন্দর দাতো পুয়া খেন সেংগা উনখি।
প্রধান মন্ত্রীনা ভারত অমসুং মালেসিয়াগী মরক্তা বি.২.বি. কনেক্তিবিতী হেনগৎলক্লিবা অমসুং ভারতকী গ্রোথ স্তোরিদা মালেসিয়াগী কম্পনীশিংনা পুক্নিং চঙবগীদমক থাগৎপা ফোংদোকখি। মহাক্না হৌখিবা চহিশিংদা ভারত্তা ইজ ওফ দুইং বিজিনেস প্রমোৎ তৌনবা অমসুং স্তেবল, ইফিসিএন্ত অমসুং প্রিদিক্তিবল বিজিনেস অমসুং পোলিসী এনভাইরনমেন্ত অমা শেম্নবগীদমক পায়খৎখিবা ইনিসিয়েতিবশিং অমসুং রিফোর্মশিং অদু পনখি। ইনফ্রাস্ত্রকচর, রিন্যুএবল ইনর্জী, দিজিতেল তেক্নোলোজী, সেমিকন্দক্তরশিং, এ.আই. অমসুং হেল্থকেয়র অমসুং অতোপ্পা হিরমশিংদা ভারতনা পীরিবা খুদোংচাবশিং অসি য়েংশিন্নবা মহাক্না মালেসিয়াগী বিজিনেসশিংদা পুক্নিং থৌগৎখি। মতাং অসিদা, ২০২৬গী ফেব্রুৱারী ৭তা কুলালমপুরদা ১০শুবা ইন্দিয়া-মালেসিয়া সি.ই.ও. ফোরম পাংথোকখিবগীদমক প্রধান মন্ত্রীনা থাগৎপা ফোংদোকখি অমসুং মসিগী খন্ন-নৈনবনা ভারত-মালেসিয়াগী ললোন-ইতিক অমসুং ইনভেস্তমেন্তকী মরী হেন্না চেৎশিলহল্লগনি হায়না থাজবা ফোংদোকখি।
ইন্দস্ত্রীগী লুচিংবশিংনা ভারত সরকারনা বিক্সিত ভারত অমা ওইহন্নবা পায়খৎলিবা রিফোর্মশিং অদু থাগৎখি অমসুং ভারতকী গ্রোথ স্তোরিদা থাজবা থমখি। মখোয়না মখোয়গী ইনভেস্তমেন্ত পোর্তফোলিওশিং পাকথোক চাউথোকহন্দুনা অমসুং ইন্দিয়ন কাউন্তরপর্তশিংগা লোয়ননা জোইন্ত ভেঞ্চরশিং এক্সপ্লোর তৌদুনা ভারত্তা মখোয়গী ললোন-ইতিক্কী প্রজেন্স হেনগৎহন্নবা মখোয়গী অচেৎপা অপাম্বা ফোংদোকখি।
