Share
 
Comments

প্রধান মন্ত্রী শ্রী নরেন্দ্র মোদীনা লৈবাক অসিদা ওইরিবা কোবিদ-১৯ লাইচৎকী ফীভম অমসুং চত্থরিবা বেক্সিনেসন প্রোগ্রাম  য়েংশিন্নবা ঙসি অৱাংবা থাক্কী মীফম অমদা ময়াই তাংবল লৌখ্রে।

প্রধান মন্ত্রীনা সস্তেনেবল কোবিদ-১৯ মেনেজমেন্ত, মীয়ামগী এৱের্নেস অমসুং মখোয়না য়াওশিনবা হায়বা অসি খ্বাইদগী হেন্না মরু ওইনা লৌনবা অমসুং কোবিদ-১৯ মেনেজমেন্তগী জন ভাগিদরী অমসুং জন অন্দোলন মখা তানা চত্থবা তঙাই ফদে হায়না য়াথং পীখি। মহাক্না তেস্তিং, ত্রেসিং, ত্রীৎমেন্ত, কোবিদকা চুনবা চৎন-লোনচৎ অমসুং বেক্সিনেসন লালোং মঙা অসি য়াম্না হকচিন্না লৌদুনা মসি পাইখৎলবদি লাইচৎ অসি লাকশিনবদা কান্নগনি হায়না ফোঙদোকখি।

এপ্রিল ৬তগী এপ্রিল ১৪, ২০২১ ফাওবা মীয়াম তিনব মফমশিং/থবক মফমশিংদা অমসুং হেল্থ ফেসিলিতীশিংদা চাদা ১০০ মাস্ক শিজিন্নবা, হকচাং লুনান্না লৈনবা অমসুং সেনিতেসমদা মীৎয়েং থম্বগা লোইননা কোবিদকা চুনবা চৎন-লোনচৎকী অখন্নবা কেম্পেন অমা পাঙথোক্কনি।

প্রধান মন্ত্রীনা লাক্কদৌরিবা মতমশিংদা কোবিদকা চুনবা চৎন-লোনচৎ ঙাক্না চৎপা মথৌ তাই অমসুং বেদশিং, তেস্তিং ফেসিলিতীশিং লৈহনবা অমসুং মতম চানা হোস্পিতালদা পুখৎনবা অসিনচিংবগী মতাংদসু ফোঙদোকখি। প্রধান মন্ত্রীনা মথৌ তাবা লোজিস্তিক্সকী মথক্তা ফীভম পুম্নমক্তা হেল্থকিয়র ইনফ্রাস্ত্রকচর হেনগৎহন্দুনা, ওক্সিজেন, ভেন্তিলেতরশিং ফংহন্দুনা য়ারিবমখৈ শীবগী চাং হন্থহন্নবা অমসুং হোস্পিতালশিং লোইননা ইন-হোম কিয়রদা লৈরিবা পুম্নমক্না ক্লিনিকেল মেনেজমেন্ত প্রোতোকলশিং ঙাক্নবা পুক্নিং চিংশিনখি।

প্রধান মন্ত্রীনা মহারাস্ত্রদা কেস লোদ অমসুং শীখিবশিং ৱাংখৎলকপা অসি য়েংলগা অমসুং মসিগা মান্ননা পঞ্জাব অমসুং ছত্তিসগরদা শীখিবশিংগী মশিং কা হেন্না ৱাংখৎলকপগী রিপোর্ত তৌরকপনা মরম ওইরগা মফমশিং অসিদা পব্লিক হেল্থ স্পেসিএলিস্তশিং অমসুং ক্লিনিসিয়নশিং য়াওবা কেন্দ্রগী তীমশিং থাজিন্নবা য়াথং পীখ্রে।

প্রধান মন্ত্রীনা কম্ম্যুনিতী ভোল্যুন্তীয়রশিংনা এক্তিব কেস থিদোকপা অমসুং কন্তেনমেন্ত জোনশিং য়েংশিনবগী মথক্তা লাইনা লাকশিন্নবা খোঙথাংশিং মপুং ফানা ইমপ্লিমেন্ত তৌবা অখন্ননা মথৌ তাই হায়না ফোঙদোকখি। রাজ্য পুম্নমক্না লাইনা শন্দোরক্লিবা অসি লাকশিন্নবা মশিং য়াম্না হেনগৎলকপা উবা ফংলিবা মফমশিংদা পুম্নমক্তা অথিংবশিং থম্বগা লোইননা অকনবা চেকশিল থৌরাংশিং পাইখৎপা মথৌ তারে হায়না থমখি।

কোবিদনা মরম ওইরগা থোকহনবা কেসশিং অমসুং শীখিবশিংগী চাদা ৯১ হেন্না রাজ্য ১০দগী ওইবগা লোইননা লৈবাক অসিদা কোবিদ-১৯ কেসশিং অমসুং শীখিবশিং অকিবা ফংনা হেনগৎলক্লে হায়না অকুপ্পা মরোল য়াওবা প্রজেন্তেসন অমনা উৎখ্রে। মহারাস্ত্র, পঞ্জাব অমসুং ছত্তিসগরদা ওইরক্লিবা ফীভম অসি নুংনাংবা পোক্নিংঙাই ওইরে হায়না ফোঙদোকখি। ঙসি ফাওবগী ওইনা, হৌখিবা নুমিৎ ১৪নি অসিদা থেংনরিবা লৈবাক অসিগী অপুনবা কেসশিংগী চাদা ৫৭ অমসুং চপ মান্নবা মতম অসিগী মনুংদা লৈবাক অসিদা শীখিবগী চাদা ৪৭ মহারাস্ত্রনা শরুক তমখি। মহারাস্ত্রদা নোংমদা থেংনবা অনৌবা কেসশিংগী অপুনবা মশিং অসি ৪৭,৯১৩ য়ৌদুনা মমাংদা খ্বাইদগী ৱাংখিবা অদুদগী শরুক অনি হেল্লে। হৌখিবা নুমিৎ ১৪নিদা লৈবাক অসিগী কেসশিংগী অপুনবা মশিংগী চাদা ৪.৫দি পঞ্জাবনা শরুক তমখি। অদুম ওইনমক শীখিবগী অপুনবা মশিংগী চাদা ১৬.৩ ওইদুনা নুংনাংবা পোক্নিংঙাই ওইবা হীরম অমা ওইরক্লে। মসিগা চপ মান্না হৌখিবা নুমিৎ ১৪নিদা লৈবাক অসিদা থেংনখিবা অপুনবা কেসশিংগী চাদা ৪.৩দি ছত্তিসগরদগী ওইখি, হায়রিবা মতম অসিদা পুন্না শীখিবশিংগী চাদা ৭ হেন্না ওইখি। খুদোংথিনিংঙাই ওইরিবা রাজ্য অমসুং য়ু.তি. ১০না লৈবাক অসিগী অপুনবা কেসশিংগী চাদা ৯১.৪ অমসুং পুন্না শীখিবগী চাদা ৯০.৯ ওইরি।

কেসশিং খঙৱাং ৱাংখৎলক্লিবা অসিগী মরমশিং অসি কোবিদকা চুন্নবা চৎন-লোনচৎশিং ঙাক্না চৎপা হন্থরকপা অসিনা মপুং ওইনা ওইগনি, মরু ওইনা মাস্কশিং  শীজিন্নবা অমসুং ‘গজ ২গী অরাপ্পা থম্বা’, লাইচৎ অসিগী অৱাবা অমসুং ফীল্দ লেবেলদা লাইনা লাকশিন্নবা খোঙথাংশিং মপুং ফানা ইমপ্লিমেন্ত তৌবদা হন্থরকপা অসিনা ওইগনি হায়না থমখি।

অমরোমদা রাজ্য খরদা ম্যুতেন্ত স্ত্রেনশিংনা মরম ওইদুনা কেসশিং হেনগৎলক্লি হায়না চিংনরবসু লাইচৎ অসি লাকশিন্নবা খোঙথাংশিং অদুমক চপ মান্নৈ অমসুং মফমশিং অদুদা কোবিদ-১৯ মেনেজমেন্তগী তোঙান তোঙানবা প্রোতোকলশিং ইমপ্লিমেন্ত তৌবা হেন্না মরু ওই।

কোবিদ-১৯ বেক্সিনেসন দ্রাইভকী পরফোর্মেন্সকী অকুপ্পা মরোল য়াওবা প্রজেন্তেসন অমা উৎখি মসিদা তোঙান তোঙানবা গ্রুপশিংদা লৈরিবা বেক্সিনেসন কভরেজ, অতোপ্পা লৈবাকশিংগা য়েংনবদা লৈরিবা পরফোর্মেন্স অমসুং রাজ্যগী পরফোর্মেন্সকী এনলাইসিসকী অকুপ্পা মরোলশিং উৎখি। করি-করি শেমদোকপা য়াবগে হায়না ফীদবেক লৌনবা পরফোর্মেন্সকী নুংতিগী তৌবা এনলাইসিস অদু রাজ্যশিং অমসুং য়ু.তি.শিংদা সিয়র তৌনবা অপাম্বা ফোঙদোকখি।

হৌজিক লৈরিবা মেন্যুফেকচর্রশিংনা পুথোক্লিবা চাং অমসুং ত্রাইয়েলশিংদা লৈরিবা বেক্সিনশিংগী চাংগা লোইননা বেক্সিনগী রিসর্চ অমসুং দিবেলপমেন্তগী মতাংদসু খন্নখি। বেক্সিন মেন্যুফেকচর্চশিংনা মখোয়গী পুথোকপগী চাং হেনগৎহল্লি হায়না পাউদমখি অমসুং হায়রিবা অসি হেনগৎহন্নবা অতোপ্পা দোমেস্তিক অমসুং মপাল লৈবাক্কী কম্পনীশিংগা লোইননা খন্নরি হায়না খঙহনখি।  লমদম অসিগী মথৌ তাবশিং থুংহন্নবা লোইননা ‘ভসুধাইব কুতুম্বকম’গী ৱাখল্লোন্দা অতোপ্পা লৈবাকশিংগী মথৌ তারিবশিং অদু থুংহন্নবা বেক্সিনশিং মরাং কাইনা ফংহন্নবা অঙম্বা চাংদা হোৎনরি হায়নসু থমখি।

প্রধান মন্ত্রীনা হৌখিবা থা ১৫দা লৈবাক অসিদা কোবিদ-১৯ মেনেজমেন্তদা পুন্না হোৎনদুনা ফগৎলকখিবশিং অসি অরেম্বদা তাহন্নদনবা কেসশিং ৱাংনা রিপোর্ত তৌরক্লিবা রাজ্যশিং অমসুং জিলাশিংদা মখা তানা মিসন-মোদ এপ্রোচগা লোইননা চংশিন্নবা য়াথং পীখ্রে।

মীফম অসিদা অতোপ্পা ওফিসিএলশিংগী মথক্তা পি.এম.গী প্রিন্সিপল সেক্রেতরী, কেবিনেৎ সেক্রেতরী, হোম সেক্রেতরী, চিয়রপর্সন (এম্পাৱর্দ গ্রুপ ওন বেক্সিন এদমিনিস্ত্রেসন), সেক্রেতরী হেল্থ, সেক্রেতরী ফার্মাকোতিকেল্স, সেক্রেতরী বাইওতেক্নোলোজী, সেক্রেতরী আয়ুশ, দি.জি. আই.সি.এম.আর., ভারত সরকারগী প্রিন্সিপল সাইন্তিফিক এদভাইজর অমসুং মেম্বর নিতি আয়োগনা শরুক য়াখি।

Pariksha Pe Charcha with PM Modi
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Modi's convoy clears way for 2 ambulances in Bengal

Media Coverage

PM Modi's convoy clears way for 2 ambulances in Bengal
...

Nm on the go

Always be the first to hear from the PM. Get the App Now!
...
PM greets people on the start of holy month of Ramzan
April 13, 2021
Share
 
Comments

The Prime Minister, Shri Narendra Modi has conveyed his greetings on the start of the holy month of Ramzan.

In a tweet Shri Modi said “Ramzan gives an important message of serving the needy and underprivileged. It also reaffirms the importance of equality, brotherhood and compassion.”