প্রধান মন্ত্রী, শ্রী নরেন্দ্র মোদীবু য়ুনাইতেদ স্তেতস ওফ অমেরিকাগী রাস্ত্রপতি, শ্রী দোনাল্দ জে. ত্রম্পনা তেলিফোন্দা ৱারী শানখি।
লুচিংবা অনিমক্না নোংচুপ এসিয়াদা ওইরক্লিবা ফীভমগী মতাংদা কান্নরবা ৱাখল্লোনশিং ফোংদোক্নখি। প্রধান মন্ত্রীনা অমুক হন্না ফোংদোকখি মদুদি ভারতনা ইরাং অসিবু অথুবা মতমদা হন্থহন্নবা অমসুং অমুক হন্না শান্তি পুরক্নবা মতেং পাংলি।
মালেমগী শান্তি, তংদু-লৈতাবা অমসুং শেন্মিৎলোনগী য়াইফ-থৌরাংগীদমক হোর্মুজ স্ত্রেত অসি য়াম্না মরু ওই হায়না পল্লদুনা প্রধান মন্ত্রীনা স্ত্রেত ওফ হোর্মুজ অসি হাংদুনা, সেক্যুর ওইদুনা অমসুং চত্থোক-চৎশিন য়াবা ওইহন্নবা হোৎনবগী মরুওইবা অদু পনখি।
লুচিংবা অনিনা লমদম অসিদা শান্তি অমসুং তংদু-লৈতাবা পুরক্নবা হোৎনরিবা অসিগী মতাংদা পাউ ফাওনদুনা লৈনবা য়ানখি।
Xকী পোস্ত অমদা, শ্রী মোদীনা হায়খি;
“প্রসিদেন্ত ত্রম্পনা ঐঙোন্দা ফোন তৌরকখি অমসুং নোংচুপ এসিয়াদা ওইরিবা ফীভমগী মতাংদা কান্নরবা ৱাখল্লোন ফোঙদোক্নখি। ভারতনা অথুবদা ইরাং অসি হন্থহন্নবা অমসুং অমুক হন্না শান্তি পুরক্নবা শৌগৎলি। হোর্মুজ স্ত্রেত অসি হাংদুনা, সেক্যুর ওইদুনা অমসুং খুদোংচাবশিং ফংহন্দুনা থম্বসি মালেম পুম্বগী ওইনা য়াম্না মরু ওই। ঐখোয়না শান্তি অমসুং তংদু-লৈতাবা পুরক্নবা হোৎনরিবশিং অসিগা মরী লৈননা পাউ ফাওনদুনা লৈনবা য়ানখি।
@realDonaldTrump
@POTUS”
Received a call from President Trump and had a useful exchange of views on the situation in West Asia. India supports de-escalation and restoration of peace at the earliest. Ensuring that the Strait of Hormuz remains open, secure and accessible is essential for the whole world.…
— Narendra Modi (@narendramodi) March 24, 2026
