হান্নগী প্রধান মন্ত্রী শ্রী লাল বহাদুর শাস্ত্রিগী মপোক নুমিত্ত ঙসি প্রধান মন্ত্রী শ্রী নরেন্দ্র মোদীনা ইকায়খুম্নবা উৎখ্রে, পুকচেল শেংবা, ইচম চম্বা অমসুং অফবা লুচিংবা অমা ওইবগী মহাক্কী মুৎপা নাইদ্রবা পুৱারি নিংশিংখ্রে।
প্রধান মন্ত্রীনা হায়খি পুৱারিগী অরুবা তাঙ্ককশিং মনুংদা ভারতকী লমচৎ-শাজৎ শেমগৎবদা শাস্ত্রিনা মরুওইবা থৌদাং লৌখি। ‘জয় জৱান জয় কিষান’ গী মহাক্কী খোল্লাউ অসি লৈবাক অসিগী লান্মীশিং অমসুং লৌমীশিংগী য়াইফনবা ভারতনা থবক পায়খৎপগী শক্তি লৈরবা খুদম অমা ওইরে।
প্রধান মন্ত্রীনা হায়খি অৱাংবা মায়োক্নবা ঙম্বা অমসুং অত্মনির্ভর ভারত অমা শেমগৎনবা অপুনবগী থবকশিংদা তুংগী মীরোলশিংদা শ্রী লাল বহাদুর শাস্ত্রিগী পুন্সি অমসুং লুচিংবগী গুনশিনা মখা তানা ইথিল পীগনি।
এক্সতা পাউজেল অমদা, প্রধান মন্ত্রীনা হায়খি;
“খুদোংথিবা মতমশিং য়াওনা, শ্রী লাল বহাদুর শাস্ত্রি জি মহাক্কী পুকচেল শেংবা, ইচম চম্বা অমসুং অচেৎপা ফিরেপনা ভারত মপাঙ্গল কনখৎহনখিবা তোপ-তোপ্পা লুচিংবা অমনি। মহাক্না লুচিংবা ওইবগী গুন, মপাঙ্গল অমসুং অকনবা থবক কয়া খুদম ওইনা উৎখি। ‘জয় জৱান জয় কিষান’ গী মহাক্কী খোল্লাউ অসিনা ঐখোয়গী মীয়াম মরক্ত মরৈবাক নুংশিবগী থৌনা অমা পীখি। মপাঙ্গল কনবা অমসুং অত্মনির্ভর ভারত অমা শেমগৎনবা থবক্ত মহাক্না মখা তানা ঐখোয়দা ইথিল পীগনি”।
Shri Lal Bahadur Shastri Ji was an extraordinary statesman whose integrity, humility and determination strengthened India, including during challenging times. He personified exemplary leadership, strength and decisive action. His clarion call of ‘Jai Jawan Jai Kisan’ ignited a… pic.twitter.com/p9zaMRh3xC
— Narendra Modi (@narendramodi) October 2, 2025
