প্রধান মন্ত্রী, শ্রী নরেন্দ্র মোদীনা ঙসি ভিদিো কনফরেন্সকী থোংদা ‘ইন্দিয়াস তেকেদ: চিপ্স ফোর ভিকসিৎ ভারত’ থৌরমদা ৱা ঙাংখ্রে অমসুং লুপা করোর লাখ 1.25 রোম ওইবা সেমিকন্দক্তর প্রোজেক্ত অহুমগী উরেপ-উয়ুং তমখ্রে। ঙসি শঙ্গাখিবা ফেসিলিতীশিং অদুদি – গুজরাতকী ধোলেরা স্পেসিএল ইনভেস্তমেন্ত রিজন (DSIR), অসামগী মোরিগাওদা আউৎসোর্স সেমিকন্দক্তর এসেমব্লী অমসুং তেস্ত (OSAT) ফেসিলিতী অমসুং গুজরাতকী সানন্দতা আউৎসোর্দ সেমিকন্দক্তর এসেমব্লী অমসুং তেস্ত (OSAT) ফেসিলিতীনি।
থৌরম অসিদা ৱা ঙাংলদুনা প্রধান মন্ত্রীনা হায়খি ঙসিগী পুৱারী ওইরবা থৌরম অসি গুজরাতকী ধোলেরা অমসুং সানন্দ অমসুং অসামগী মোরিগাওদা লুপা করোর লখ 1.25 রোমগী অচৌবা সেমিকন্দক্তর মেন্যুফেকচরিং প্রোজেক্ত অহুমগী উরেপ-উয়ুং তমখিবা অসিনা ভারতকী অফবা তুংলমচৎ অমগী মাইকৈদা থাংজিনবা মরু ওইবা খোঙথাং অমা ওইরি। মরু ওইবা থৌশিলশিং অসিগীদমক প্রজাশিংদা নুংঙাইবা ফোঙদোক্লদুনা “ঙসিগী প্রোজেক্তশিং অসিনা ভারতপু সেমিকন্দক্তর হব অমা ওইহনবদা মরু ওইবা থৌদাং লৌরগনি” হায়না পি.এম. মোদীনা ফোঙদোকখি। মহাক্না তাইৱানদগী সেমিকন্দক্তর ইন্দস্ত্রী প্লেয়রশিংনা ভর্চুএল ওইনা শরুক য়াখি অদু পনখি অমসুং ঙসিগী থৌরম অসিগীদমক নুংঙাইবা পোকই হায়খি।
প্রধান মন্ত্রীনা হায়খি কোলেজ, য়ুনিভর্সিতী অমসুং এজুকেস্নেল ইন্সতিত্যুত 60,000 হেনবগা অখন্নবা থৌরম অসিদা কন্নেক্ত তৌখি। প্রধান মন্ত্রীনা ঙসিগী থৌরম অসি লৈবাক্কী নহারোলগী মঙলানশিংগী থৌরমনি হায়খি মরমদি মখোয়না ভারতকী তুংলমচৎকী তশেংবা স্তেকহোল্দরশিং ওইরি। নহারোলনা ভারতনা করম্না আত্মনির্ভরগীদমক মলতি-প্রোং ফেশন্দা থবক তৌবগে অমসুং গ্লোবেল সপ্লাই চেনদা অচৌবা প্রজেন্স অমা থম্বগে উবা ফংলি। “মশাদা থাজবা লৈবা নহারোলনা লৈবাক্কী লাইবক্তা অহোংবা পুরকপা ঙম্মি”, হায়না পি.এম. মোদীনা ফোঙদোকখি।
তেক্নোলোঝজীনা চল্লাইবা 21শুবা চহিচাদা ইলেক্ত্রোনি চিপকী মরু ওইবা অদু থম্লদুনা প্রধান মন্ত্রীনা হায়খি মেদ ইন ইন্দিয়া অমসুং দিজাইন ইন ইন্দিয়া চিপ্স অসিনা ভারতপু আত্মনির্ভর ওইহনবা অমসুং মোদর্নাইজেসন তৌনবা মাইকৈদা মরু ওইবা থৌদাং অমা লৌরগনি। প্রধান মন্ত্রীনা হায়খি মদুদি তোঙান-তোঙানবা মরমশিংনা অহানবগী ইন্দস্ত্রিএল রিভোল্যুসনশিং য়াওবা ঙমহৌদ্রসু হৌজিক ভারতনা ইন্দস্ত্রী 4.0 লমজিংনবা অপাম্বগা লোয়ননা মাংদা চংশিল্লি। সেকেন্দ খুদিংমক শীজিন্নবা মথৌ তাই হায়রদুনা প্রধান মন্ত্রীনা ঙসিগী থৌরম অসি সরকারনা থবক তৌরিবা অসিগী খোঙজেলগী খুদম অমা ওইনা পীখি। সেমিকন্দক্তরগী লমদা লৌখৎলিবা খোঙথাংশিং অদু মথং-মথং পল্লদুনা প্রধান মন্ত্রীনা চহি অনিগী মমাংদা লাউথোকখিবা সেমিকন্দক্তর মিসন অমসুং থা খরগী মনুংদা অহানবা MoUশিং খুৎয়েক পীনখিবগী মতাংদা ফোঙদোকখি অমসুং হৌজিক্না প্রোজেক্ত অহুমগী উরেপ-উয়ুং তম্মি হায়খি। ভারতনা ফিরেপ লৌখি, ভারতনা দেলিবর তৌরি অমসুং দেমোক্রেসী দেলিবর তৌরি” হায়না প্রধান মন্ত্রীনা ফোঙদোকখি।
প্রধান মন্ত্রীনা হায়খি মালেমদা লৈবাক খরা খক্তনা ঙসি সেমিকন্দক্তর মেন্যুফেকচর তৌরি অমসুং কোরোনা ভাইরস লাইচৎনা থোকহনবা অপনবশিংগী মতুংদা থাজবা য়াবা সপ্লাই চেন অমগী মথৌ তারকপা অদু ফোঙদোকখি। মহাক্না হায়খি ভারত অসি মসিদা মরু ওইবা থৌদাং লৌগনি অমসুং লৈবাক্কী তেক স্পেস, ন্যুক্লিয়র অমসুং দিজিতেল পাৱরগী মতাংদা ফোঙদোককি। সেমিকন্দক্তর সেক্তরগীদমক কম্মর্সিএল প্রদক্সনদা তৌনবা পান্দম থম্মিবা ভারতকী তুংগী প্লানশিংগী মতাংদা পল্লদুনা প্রধান মন্ত্রীনা হায়খি, “ভারতনা সেমিকন্দক্তর সেক্তরগীদমক প্রদক্তশিং মেন্যুফেকচর তৌবদা গ্লোবেল পাৱর অমা ওইক্কদবা মতম অদু কুইদ্রে”। মহাক্না হায়খি ইজ ওফ দুইং বিজিনেস অমসুং লোশিং লাইথোকহনববধ পুক্নিং থৌগৎলদুনা ভারতনা ঙসি লৌখিবা পোলিসীগী ৱারেপশিং অসিগীদমক তুংলমচৎতা ভারতনা স্ত্রেতেজিক ওইবা কান্নবা অমা ফংলগনি। হৌখিবা চহি খরা অসিদা প্রধান মন্ত্রীনা হায়খি কমপ্লায়েন্স 40,000 হেন্না মুথৎখ্রে অমসুং FDIগী রুলশিং লাইথোকহনখি। দিফেন্স, ইনসুরেন্স সেক্তরশিংদা FDI পোলিসীশিং লিবরেলাইজ তৌখি। প্রধান মন্ত্রীনা লার্জ-স্কেল ইলেক্ত্রোনিক অমসুং IT হর্দৱেয়র মেন্যুফেকচরিংগীদমক PLI স্কিমশিং ফংহল্লিবা অমসুং ইলেক্ত্রোনিক ক্লস্তরশিং শেমখিবা ইলেক্ত্রোনিক্স অমসুং হর্দৱেয়র মেন্যুফেকচরিংদা কল্লিবা মফম হেনগৎলক্লিবা অসিনা ইলেক্ত্রোনিক ইকোসিস্তেমগী গ্রোথকীদমক প্লেৎফোর্ম অমা পীরি হায়না ফোঙদোকখি। প্রধান মন্ত্রীনা হায়খি মদুদি ভারত অসি ঙসি মালেমগী অনিশুবা খ্বাইদগী চাউবা মোবাইল মেন্যুফেকচর্র ওইরি। ভারতকী ক্বান্তম মিসন হৌখিবা, ইন্নোবেসন থৌগৎনবা নেস্নেল রিসর্চ ফাউন্দেসন লিংখৎখিবা অমসুং ভারতকী AI মিসন পাকথোক চাউথোকহনবা অসি পল্লদুনা মহাক্না হায় ভারতনা তেক্নোলোজী এদোপ্সনগী মথক্তা তেক্নোলোজী এদভান্সমেন্তগী মাইকৈদা চংশিল্লি।
প্রধান মন্ত্রীনা হায়খি মদুদি সেমিকন্দক্তর রিসর্চনা নহারোলদা খ্বাইদগী চাউনা কান্নবা ফংহল্লগনি। ইন্দস্ত্রী মখল কয়াদা পাকচাউনা সেমিকন্দক্তর পাকথোক চাউথোরকপগী মতাংদা প্রধান মন্ত্রীনা হায়, “সেমিকন্দক্তর অসি শুপ্নগী ইন্দস্ত্রী খক্তা নত্তে মসিনা লোইনাইদ্রবা ওইথোকপা য়াবশিংনা থনবা থোং অমা হাংলি”। পি.এম. মোদীনা গ্লোবেল চিপ দিজাইন অমসুং মেন্যুফেকচরিংদা ভারতকী তেলেন্ত চাউনা লৈ হায়না ফোঙদোকখি। মরম অসিনা ভারতকী তেলেন্ত ইকোসিস্তেম অসি মপুং ফারে মরমদি লৈবাক অসিনা ঙসি সেমিকন্দক্তর মেন্যুফেকচরিং সেক্তরদা ঙসি মাংদা চংশিল্লি।
মহাক্না হায়খি স্পেস নত্ত্রগা মেপ্পিং সেক্তর ওইরবসু ঙসিগী নহারোলনা মখোয়গীদমক লৈরিবা খুদোংচাবশিং অসি নীংথিনা খঙই অমসুং নহারোলগীদমক সেক্তরশিং হাংদোরক্লি হায়না ফোঙদোকখি। মহাক্না মালেমদা ভারতনা অহুমশুবা খ্বাইদগী চাউবা স্তার্তঅপ ইকোসিস্তেম ওইনবগীদমক অমুক্তা পীখিদ্রিবা ইনসেন্তিবশিং পীবা অমসুং পুক্নিং থৌগৎলিবা অসি থাগৎখি। অমসুং হায় ঙসিগী থৌরম অসিনা সেমিকন্দক্তর স্পেস্তা স্তার্তঅপশিংগীদমক অনৌবা খুদোংচাবশিং পীরগি। মহাক্না ঙসিগী প্রোজেক্তশিং অসিনা নহারোলগীদমক মশিং লাকঙমদ্রবা এদভান্স তেক্নোলোজীগী থবকশিং পীরগনি হায়খি।
লাল কিলাদগী মহাক্না ফোঙদোকখিবা – য়হি সমে হৈ সহি সমে হৈ অদু নীংশিংদুনা মহাক্না হায় মদুদি থাজবা অসিগা লোয়ননা শেমখিবা পোলিসীশিং অমসুং লৌখিবা ৱারেপশিং অসিনা অফবা ফলশিং ফংহল্লি। “ভারতনা হৌজিক অরিবা ৱাখল্লোন অমসুং অরিবা এপ্রোচ তুংওইনরমলগা মাংদা চংশিনখ্রে। ভারতনা হৌজিক হেন্না খোঙজেল য়াংনা ৱারেপশিং লৌরি অমসুং পোলিসীশিং শেম্মি” হায়না প্রধান মন্ত্রী মোদীনা ফোঙদোকখি। মহাক্না হায়খি মদুদি ভারতকী সেমিকন্দক্তরগী মঙলানশিং অসি অহানবদা 1960গী মতমদা পুথোকখি অদুবু সরকারনা হোৎন্নীংদবা অমসুং ফিরেপ অসি মাইপাকপদা ওন্থোক্নীংদবনা মরম ওইরগা মসিদা থবক পাইখৎপা ঙমখিদে। মহাক্না মমাংগী সরকারশিংনা লৈবাক্কী মতিক-ময়াই, মরু ওইবা অমসুং তুংলমচৎকী মথৌ তাবশিং খঙলমদবা অসিদা পেন্দবা ফোঙদোকখি। হৌজিক্কী সরকার অসিগী মীৎয়েং শান্না উবা ঙম্বা ৱাখল্লোন অমসুং ফ্যুচরিস্তিক এপ্রোচকী মতাংদা পল্লদুনা প্রধান মন্ত্রীনা চাউখৎলবা লৈবাকশিংগা লোয়ননা চংদম্ননবা পান্দমশিং থম্মিবা সেমিকন্দক্তর মেন্যুফেকচরিংগী মতাংদা ফোঙদোকখি। মহাক্না লায়রবশিংগীদমক পক্কাগী য়ুমশিং শাবা লোয়ননা রিসর্চ তৌবদা ইভেস্তমেন্তশিং তৌবা, মালেমগী খ্বাইদগী চাউবা সেনিতেসন মুফমেন্ত হৌদোকপদগী সেমিকন্দক্তর মেন্যুফেকচরিংদা মাংদা চংশিন্নবা, অমসুং লায়রবা হন্থহনবদগী আত্মনির্ভর ভারত ওইনবা পান্দমগা লোয়ননা চাউনা ইনফ্রাস্ত্রকচরদ ইনভেস্তমেন্তশিং তৌবগী খুদমশিং পীরদুনা সরকার অসিনা লৈবাক্কী মরু ওইবশিংদা মীৎয়েং চংখি হায়না ফোঙদোকখি। “2024 খক্তদা লুপা করোর লাখ 12 হেনবগী উরেপ-উয়ুং তমখি অমসুং স্কিমশিং হৌদোকখি” হায়না ফোঙদোক্লদুনা প্রধান মন্ত্রীনা হায় ঙরাং পোখরনদা ভারত শক্তি এক্সর্সাইজ তৌখিবা অদুনা 21শুবা চহিচাগী ভারতকী দিফেন্স সেক্তরদা আত্মনির্ভর ওইবগী মমিং অমা উৎখি, মসিনা ভারতনা অগনি-5কী শক্তমদা মালেমগী এক্সক্লুসিব ক্লবতা য়াওখি, লৌউ-শিংউদা দ্রোন রিভোল্যুসন হৌদোকখি, নুমিৎ নিনিগী মমাংদা নমো দ্রোন দিদি স্কিমগী মখাদা দ্রোন লিশিং কয়া খুৎশিন্নখি, গগনয়ানগীদমক ভারতনা শেম শাবা খোঙজেল য়াআংশিল্লি, অমসুং হন্দক্তা ভারতকী অহানবা মেদ ইন ইন্দিয়া ফাস্ত ব্রীদর ন্যুক্লিয়র রিএক্তর শঙ্গাখি”।
“খোঙথাং পুম্নমক অসিনা, প্রোজেক্ত পুম্নমক অসিনা চাউখৎপগী পান্দম অদু হেন্না নকশিলহল্লি। অমসুং শুক শোই শোইদনা ঙসিগী প্রোজেক্ত অহুম অসিনা মসিদা অচৌবা থৌদাং অমসু লৌরগনি”, হায়না পি.এম. মোদীনা মখা তাখি।
প্রধান মন্ত্রীনা ঙসিগী মালেমদা AI থোরক্লিবা অসিগী মতাংদা পনখি অমসুং মহাক্না পীখিবা ৱারোল অদুবু অতেনবা মতমগী মনুংদা লোল কয়াদা হন্দোকখিবগী খুদম পীখি। মহাক্না ভারতকী নহারোলনা প্রধান মন্ত্রীগী পাউজেল লৈবাক শিনবা থুংবদা লোল কয়াদা য়ৌহনবগী থৌশিল পাইখৎপগীদমক থাগৎখি। “ভারতকী নহারোলদা মতিক ময়াই চেল্লি অমসুং মখোয়না খুদোংচাবা অমা মথৌ তাই। সেমিকন্দক্তর ইনিসিএতিবনা ঙসি ভারত্তা খুদোংচাবা পুরকখি”, হায়না প্রধান মন্ত্রীনা ফোঙদোকখি। মহাক্না ঙসি অসামদা সেমিকন্দক্তর ফেসিলিতী অহুমগী মনুংদা অমগী উরেপ-উয়ুং তমখিবদা অৱাং নোংপোক্তা চাউখৎ-থৌরাংগী থবকশিং পাইখৎলকপপু থাগৎখি। ৱারোল পীবা লোইশিনবদা প্রধান মন্ত্রীনা মীপুম খুদিংমক্তা ভারতকী চাউখৎ খোঙচৎ মপাঙ্গল কনখৎহন্নবা ফোঙদোকখি অমসুং হায়, “মোদীগী গরেন্তী অসি নখোয়গী অমসুং নখোয়গী তুংলমচৎকীদমক্তনি”।
থৌরম অসিদা ইলেক্ত্রোনিক্স এন্দ ইনফোর্মেসন তেক্নোলোজীগী কেন্দ্র মন্ত্রী, শ্রী অশ্বিনি বৈশ্নো, ইলেক্ত্রোনিক্স এন্দ ইনফোর্মেসন তেক্নোলোজীগী কেন্দ্রগী রাজ্য মন্ত্রী, শ্রী রাজীব চন্দ্রসেখর, অসামগী মুখ্য মন্ত্রী, শ্রী হিমন্তা বিস্বা শর্মা, গুজরাতকী মুখ্য মন্ত্রী, শ্রী ভুপেন্দ্র পতেল, CG পাৱর অমসুং ইন্দস্ত্রিএল সোল্যুসন্স লিমিতেদকী চিয়রমেন, শ্রী শ্রী বেল্লায়ন সুব্বিয়া অমসুং তাতা সন্সকী চিয়রমেন, শ্রী নাতারজন চন্দ্রসেখরনা শরুক য়াখি।
বেকগ্রাউন্দ
ভারত অসি সেমিকন্দক্তর দিজাইন, মেনুফেকচরিং অমসুং তেক্নোলোজি দিবলপমেন্তগী মালেমগী মফম অমা ওইনা শেমগৎপা, লৈবাক অসিগী নহারোলশিং থবক ফংনবা খুদোংচাবশিং হেনগৎহনবা হায়বসি প্রধান মন্ত্রীগী পান্দমনি। মসিগী পান্দম অসিগা ইরোইননা, গুজরাতকী ধোলেরা স্পিসিএল ইনভেস্তমেন্ত রিজিন(DSIR) দা সেমিকন্দক্তর ফেব্রিকেসন ফেসিলিতি; অসামগী মোরিগাউন্দা আউতসোর্স সেমিকন্দক্তর এশেমব্লি এন্দ তেস্ত ফেসিলিতি(OSAT) অমসুং গুজরাতকী সানন্দদা আউতসোর্স সেমিকন্দক্তর এশেমব্লি এন্দ তেস্ত ফেসিলিতি(OSAT) শানবা উরেপ-উয়ুং তমখ্রে।
ধোলেরা স্পিসিএল ইনভেস্তমেন্ত রিজিন(DSIR) গী সেমিকন্দক্তর ফেব্রিকেসন ফেসিলিতি অসি ভারত্তা সেমিকন্দক্তর ফেবশিং লিংখৎনবা মোদিফাইদ স্কিমগী মখাদা তাতা ইলেক্ত্রোনিক্স প্রাইভেদ লিমিতেদ(TEPL)না লিংখৎকদবনি। মসিদা লুপা করোর 91,000 হেন্না থাদগনি অমসুং মসি লৈবাক অসিদা অহানবা কম্মর্সিএল সেমিকন্দক্তর ফেব ওইরগনি।
অসামগী মোরিগাউন্দা আউতসোর্স সেমিকন্দক্তর এশেমব্লি এন্দ তেস্ত ফেসিলিতি(OSAT) অসি লুপা করোর 27,000 রোম চঙনা সেমিকন্দক্তর এশেমব্লি, তেস্তিং, মার্কেত্তিং অমসুং পেকেজিং(ATMP)গী মোদিফাইদ স্কিমগী মখাদা তাতা ইলেক্ত্রোনিক্স প্রাইভেদ লিমিতেদ(TEPL)না লিংখৎকদবনি।
সানন্দদা আউতসোর্স সেমিকন্দক্তর এশেমব্লি এন্দ তেস্ত ফেসিলিতি(OSAT) অসি লুপা করোর 7,500 রোম চঙনা সেমিকন্দক্তর এশেমব্লি, তেস্তিং, মার্কেত্তিং অমসুং পেকেজিং(ATMP)গী মোদিফাইদ স্কিমগী মখাদা সি.জি পৱার এন্দ ইন্দস্ত্রিএল সোলুসন্স লিমিতদনা লিংখৎকদবনি।
হায়রিবা ফেসিলিতিশিং অসিগী খুৎথাংদা, সেমিকন্দক্তর ইকোসিস্তেম মপাঙ্গল কনখৎহনগনি অমসুং ভারত্তা মরা তাগনি। হায়রিবা য়ুনিতশিং অসিনা সেমিকন্দক্তর ইন্দস্ত্রিদা নহারোল লিশিং কয়া থবক ফংহনগনি অমসুং ইলেক্ত্রোনিক্স, তেলিকোম অসিনচিংবা মরী লৈনবা সেক্তরশিংদা থবক ফংবা হেনগৎহনগনি।
থৌরম অসিদা কোলেজ মহৈরোয় লিশিং কয়াগা লোয়ননা সেমিকন্দক্তর ইন্দস্ত্রিগী লুচিংবশিং শরুক য়াগনি।
India's rapid progress is driving confidence in our Yuva Shakti. pic.twitter.com/Ax9zrMvAJf
— PMO India (@PMOIndia) March 13, 2024
Chip manufacturing will take India towards self-reliance, towards modernity. pic.twitter.com/6n0YMhnlH7
— PMO India (@PMOIndia) March 13, 2024
Chip manufacturing opens the door to limitless possibilities. pic.twitter.com/L4fFhTIuQq
— PMO India (@PMOIndia) March 13, 2024
