প্রধান মন্ত্রী শ্রী নরেন্দ্র মোদীনা ঙসি মোরিসসকী প্রধান মন্ত্রী ঐচ.ই. দোক্তর নবিনচন্দ্র রামগুলামগা ভিক্তোরিয়া, মহেদা উনখ্রে। সেশেলসকী গোল্দন জুবিলী নেস্নেল দেগী থৌরমগী নাকলদা লুচিংবা অনিনা উন্নখি। ২০২৪গী নবেম্বরদা প্রধান মন্ত্রী রামগুলামনা ওফিস পায়রকপা মতুংদগী প্রধান মন্ত্রী মোদীনা প্রধান মন্ত্রী রামগুলামগা উনবা মসিনা মরিশুবনি।
লুচিংবা অনিমক্না ভারত অমসুং মোরিসসকী মরক্তা হৌজিক চত্থরিবা কোওপরেসনগী মতাংদা খন্ন-নৈনখি। মখোয়না মখা তানা ভারতনা পীরিবা স্পেসিএল ইকোনোমিক পেকেজ অসি ইমপ্লিমেন্ত তৌবদা খুমাং চাউশিল্লক্লিবা অদুসু য়েংশিনখি। প্রধান মন্ত্রী মোদীনা মোরিসসকী চাউখৎপা অমসুং খুমাং চাউশিল্লকপদা ভারতনা মরুওইবা মীৎয়েং থম্লি হায়না ফোংদোকখি। হৌজিক পায়খৎলিবা বাইলেতরেল প্রোজেক্তশিংনা মোরিসসকী হেল্থকেয়র, কন্নেক্তিবিতী, সস্তেনেবল দিবেলপমেন্ত অমসুং ব্লু ইকোনোমীদা মতেং পাংগনি হায়না মহাক্না ফোংদোকখি।
প্রধান মন্ত্রী অনিমক্না ভারতকী ভিজন মহাসাগর অমসুং নেবরহুদ ফার্স্ত পোলিসীগী মখাদা ভারত-মোরিসস এনহেন্স স্ত্রেতেজিক পার্তনরশিপকী মরুওইবা অমসুং গ্লোবেল সাউথকীদমক মখোয়গী মান্নবা ফিরেপ অদুদা য়ানবা পুরকখি।
লুচিংবা অনিনা অমনা অমগী চাউখৎপা অমসুং ইন্দিয়ন ওসিন রিজনদা শান্তি, তংদু লৈতাবা অমসুং চাউখৎপা পুরক্নবা পুন্না থবক তৌমিন্নবা অমুক হন্না থাজবা পীনখি।
Had an excellent meeting with Dr. Navinchandra Ramgoolam, the Prime Minister of Mauritius. We met at the start of the year during the AI Summit and now we have the chance to meet in Seychelles.
— Narendra Modi (@narendramodi) June 28, 2026
We discussed ways to strengthen the India-Mauritius partnership. The progress being… pic.twitter.com/OGcYtc6prV
